சென்னை: பிரஷாந்த் நடித்துள்ள அந்தகன் படத்தின் முதல் பாடலை நடிகரும், த.வெ.க தலைவருமான விஜய் வரும் 24ம் தேதி வெளியிடுவார் என படக்குழு அதிகாரபூர்வமான அறிவிப்பை வெளியிட்டுள்ளது.
டாப் நடிகர்களுள் ஒருவராக வலம் வந்தார் பிரஷாந்த் . சில ஆண்டுகள் சினிமாவின் பக்கம் வராமல் இருந்தார். இந்த நிலையில் விஜய்யுடன் இணைந்துள்ளார் பிரஷாந்த். நீண்ட இடைவேளைக்கு பிறகு, பிரபுதேவா, பிரஷாந்த், விஜய் ஆகிய மூவரும் இணைந்து நடித்துள்ள படம் தான் தி கோட். இவர்களுடன் சினேகா, லைலா, வைபவ், பிரேம்ஜி, மோகன் உள்ளிட்ட பலர் நடித்துள்ளார். நடிகை த்ரிஷா இப்படத்தில் கெளரவ தோற்றத்தில் நடித்துள்ளதாக கூறப்பட்டுள்ளது. வெங்கட் பிரபு இப்படத்தை இயக்கியுள்ளார்.
தி கோட் படத்தின் படப்பிடிப்பு பணிகள் முடிவடைந்து தற்போது இறுதி பணிகள் நடைபெற்று வருகின்றன. இப்படம் வரும் செப்டம்பர் மாதம் திரையரங்குகளில் வெளியாக உள்ளது. இந்நிலையில், கடந்த 2018ம் ஆண்டு அஸ்திவாரம் போடப்பட்ட அந்தகன் திரைப்படம் விரைவில் வெளியாக உள்ளது. இந்தியில் பெரும் வரவேற்பை பெற்ற அந்தாதூன் படத்தை தமிழில் ரீமேக் செய்துள்ளனர். அதுதான் அந்தகன்.
பிரஷாந்த்தின் தந்தை தியாகராஜன் தயாரித்து, இயக்கியுள்ளார். இப்படத்திற்கு சந்தோஷ் நாராயணன் இசையமைத்துள்ளார். ஒளிப்பதிவாளராக ரவியாதவ், கலை இயக்குநராக செந்தில் ராகவன் ஆகியோர் பணிபுரிந்துள்ளானர்.
இதில் ஆயுஷ்மான் குராணா கதாபாத்திரத்தில் பிரஷாந்த் நடித்துள்ளார். நாயகியாக ப்ரியா ஆனந்த், சிம்ரன், கார்த்திக், யோகி பாபு, ஊர்வசி, கே.எஸ்.ரவிக்குமார், மனோபாலா, வனிதா விஜயகுமார், செம்மலர், பூவையார் உள்ளிட்ட பலர் நடித்துள்ளனர். இப்படத்தின் படப்பிடிப்பு முடிவடைந்த நிலையில், பல்வேறு காரணங்களால் படம் வெளிவராமல் உள்ளது.
இப்படம் ஆகஸ்ட் 15ம் தேதி வெளிவரும் என படக்குழு சார்பில் தெரிவிக்கப்பட்டிருந்த நிலையில், இப்படத்தின் முதல் பாடலான அந்தகன் ஆந்தம் பாடலை ஜூலை 24ம் தேதி நடிகர் விஜய் வெளியிடுவார் என படக்குழு சார்பில் தெரிவிக்கப்பட்டுள்ளது. இப்பாடலுக்கான வரிகளை உமாதேவி எழுதியுள்ளார். சான்டி மாஸ்டர் நடனம் கற்பித்துள்ளார். பாடலை அனிருத் மற்றும் மக்கள் செல்வன் நடிகர் விஜய் சேதுபதி இணைந்து பாடியுள்ளனர். பிரபுதேவா இந்தப் பாடலை வடிமைத்து இயக்கியுள்ளார்.
ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்
மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!
ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?
பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!
சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!
வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி
என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!
அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!
நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!
{{comments.comment}}