ஒரு சீட் கூடுதலாக தர முன்வந்த பாஜக.. இலைக்கு "நோ".. தாமரைக்கு "வெல்கம்".. பாமக முடிவு?
சென்னை: அதிமுகவை விட ஒரு சீட் கூடுதலாக தர பாஜக முன்வந்திருப்பதாலும், எதிர்காலத்தைக் கருத்தில் கொண்டும், பாஜகவுடன் கூட்டணி வைக்க பாமக முடிவு செய்துள்ளதாக கூறப்படுகிறது. நாளை கட்சியின் நிர்வாகக் கூட்டத்தைக் கூட்டி இதுதொடர்பாக பாமக முடிவெடுக்கவுள்ளதாம்.
கடந்த 2019 லோக்சபா தேர்தலின்போது அதிமுக, பாமக, தேமுதிக, பாஜக என அனைவரும் ஒன்றாக இருந்து கூட்டணியாக தேர்தலைச் சந்தித்தனர். ஆனால் இந்த முறை அதிமுக, பாஜக தனித் தனியாக அணியாக மாறியுள்ளன. இதில் அதிமுக கூட்டணியில் இதுவரை பெரிய கட்சி எதுவும் சேரவில்லை. மறுபக்கம் பாஜகவில் சிறிய கட்சிகள் பல சேர்ந்துள்ளன. அங்கும் பெரிய கட்சி எதுவும் இதுவரை சேரவில்லை.
இந்த நிலையில் முதல் பெரிய கட்சியாக பாமகவை, பாஜக வளைத்து விட்டதாக தகவல்கள் வெளியாகியுள்ளன. பாமகவுக்கு 8 சீட் வரை தர பாஜக முன்வந்துள்ளதாக செய்திகள் வெளியாகியுள்ளன. இது அதிமுக தருவதை விட ஒரு சீட் கூடுதல் என்று சொல்கிறார்கள். அதேசமயம், எதிர்காலத்தில், ராஜ்யசபா சீட் குறித்து பேசிக் கொள்ளலாம் என்று பாஜக தரப்பில் சொல்லப்பட்டதாகவும் சொல்கிறார்கள். பாமகவினர் பெரும்பாலானோர் அதிமுக பக்கம் போகவே ஆசைப்பட்டாலும் கூட, கூட்டிக் கழித்துப் பார்த்தால் பாஜகவுக்கு போவதே சரியாக இருக்கும் என்று டாக்டர் அன்புமணி ராமதாஸ் கருதுகிறாராம்.
இதையடுத்து பாஜக கூட்டணியில் இணையலாம் என்ற முடிவுக்கு பாமக வந்திருப்பதாக கூறப்படுகிறது. நாளை கூட்டணி குறித்த முக்கிய முடிவை பாமக எடுக்கும் என்றும் சொல்லப்படுகிறது.
பாஜக கூட்டணியில் இதுவரை தமாகா, புதிய நீதிக் கட்சி, பாரிவேந்தரின் இந்திய ஜனநாயகக் கட்சி, ஜான் பாண்டியன் கட்சி உள்ளிட்டவை இணைந்துள்ளன. சரத்குமார் தனது அகில இந்திய சமத்துவ மக்கள் கட்சியை அப்படியே கொண்டு வந்து பாஜகவில் இணைத்து விட்டார் என்பது குறிப்பிடத்தக்கது.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}