தேஜாஸ் போர் விமானத்தில் பறந்த பிரதமர் மோடி.. "நம்ம திறமையை நினைச்சா.. பெருமையா இருக்கு"!
பெங்களூரு: முற்றிலும் இந்தியத் தொழில்நுட்பத்தில் உருவாக்கப்பட்ட தேஜாஸ் விமானத்தில் பயணித்து அசத்தியுள்ளார் பிரதமர் நரேந்திர மோடி. இந்த பயணத்துக்குப் பின்னர் இந்தியாவின் தொழில்நுட்பத் திறமை பெருமை தருவதாக அவர் மகிழ்ச்சியுடன் தெரிவித்தார்.
பெங்களூரில் உள்ள இந்துஸ்தான் ஏரோநாட்டிகல் நிறுவனத்தில் வடிவமைத்து உருவாக்கப்பட்ட இலகு ரக போர் விமானம்தான் தேஜாஸ். இந்த விமானத்தில் இன்று பறந்து மகிழ்ந்துள்ளார் பிரதமர் மோடி.
இன்று காலை பெங்களூருக்கு வந்த பிரதமர் மோடி, இந்துஸ்தான் ஏரோநாட்டிகல் நிறுவனத்திற்கு விஜயம் செய்தார். அங்கு நடைபெற்று வரும் பணிகளைப் பார்த்து ஆய்வு செய்தார். பின்னர் தேஜாஸ் விமானத்தில் அவர் பயணித்தார்.
இதுகுறித்து பிரதமர் மோடி போட்டுள்ள டிவீட்டில், தேஜாஸ் விமானத்தில் வெற்றிகரமாக பறந்தேன். இந்த அனுபவம் மிகச் சிறப்பானதாக இருந்தது. நமது நாட்டின் சுயாதீனமான தொழில்நுட்பத் திறமைகள் குறித்த எனது நம்பிக்கையை மேலும் அதிகரித்துள்ளது. மிகுந்த நம்பிக்கையுடனும், பெருமையுடனும் இங்கிருந்து செல்கிறேன் என்று கூறியுள்ளார் பிரதமர் மோடி.
வழக்கமாக தேஜாஸ் போர் விமானமானது ஒரு சீட் மட்டுமே கொண்டதாக இருக்கும். ஆனால் பிரதமர் நரேந்திர மோடி, 2 இருக்கைகள் கொண் விமானத்தில் பயணித்தார். இந்த போர் விமானங்களை விமானப்படை மட்டுமல்லாமல், கடற்படையும் கூட பயன்படுத்துகிறது.
இதுவரை தேஜாஸ் விமானம் அனைத்து வகை சோதனைகளிலும் வெற்றி பெற்ற ஒன்றாகும். எந்த விபத்திலும் இதுவரை தேஜாஸ் சிக்கியதில்லை என்பதும் முக்கியமானது. தற்போது விமானப்படையிடம் 40 தேஜாஸ் எம்கே1 ரக போர் விமானங்கள் உள்ளன. இதுதவிர தேஜாஸ் எம்கே1ஏ ரக போர் விமானங்களை (83 விமானங்கள்) வாங்க இந்துஸ்தான் ஏரோநாட்டிகல் நிறுவனத்துடன், ரூ. 36,468 கோடிக்கு ஒப்பந்தம் போட்டுள்ளது விமானப்படை.
சமீபத்திய செய்திகள்
Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்
Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?
மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்
TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!
AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!
Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?
ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!
Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!
Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?
{{comments.comment}}