பிரதமர் மோடி சந்திக்கும் 2வது நம்பிக்கை இல்லாத் தீர்மானம்..!

Aug 08, 2023,10:02 AM IST

டெல்லி: பிரதமர் நரேந்திர மோடி அரசு சந்திக்கும் 2வது நம்பிக்கை இல்லாத் தீர்மானம் இதுவாகும். கடந்த முறை அவருக்கு எதிராக நம்பிக்கை இல்லாத் தீர்மானத்தைக் கொண்டு வந்த சந்திரபாபு நாயுடு தற்போது மோடிக்கு ஆதரவாக இருக்கிறார் என்பது சுவாரஸ்யமானது.

பிரதமர் நரேந்திர மோடி 2014ம் ஆண்டு முதல் முறையாக ஆட்சிக்கு வந்தார். அது முதல் தொடர்ந்து கடந்த 9 வருடங்களாக பிரதமராக இருந்து வருகிறார். அவரது முதல் ஆட்சியே பெரும்பான்மை பலத்துடன்தான் அமைந்தது. இதனால் தொடர்ந்து அவரது அரசு ஆணித்தரமாகவே செயல்பட்டு வருகிறது. 2வது முறை ஆட்சியைப் பிடித்தபோது அறுதிப் பெரும்பான்மையுடன் அசுர பலத்துடன் ஆட்சியில் அமர்ந்தார் பிரதமர் மோடி.

மோடி அரசைப் பொறுத்தவரை தற்போது 2வது முறையாக அது நம்பிக்கை இல்லாத் தீர்மானத்தை சந்திக்கிறது. இதற்கு முன்பு 2018ம் ஆண்டு நம்பிக்கை இல்லாத் தீர்மானம் கொண்டு வரப்பட்டது. அப்போது அதைக் கொண்டு வந்தவர் தெலுங்கு தேசம் கட்சித் தலைவர் சந்திரபாபு நாயுடு. அந்தத் தீர்மானத்தின் மீது நடந்த வாக்கெடுப்பின்போது அரசுக்கு ஆதரவாக 325 வாக்குகளும், எதிராக 126 வாக்குகளும் விழுந்தன. இதனால் தீர்மானம் தோற்றுப் போனது.

தற்போது நாடாளுமன்றத்தில் மொத்தம் 570 உறுப்பினர்கள் உள்ளனர். இதில் பெரும்பான்மைக்குத் தேவையானது 270 ஆகும். தற்போது தேசிய ஜனநாயகக் கூட்டணி வசம் 332 எம்.பிக்கள் உள்ளனர். இதைத் தவிர ஒய்எஸ்ஆர் காங்கிரஸ், பிஜு ஜனதாதளம், ஓபிஎஸ் ரவீந்திரநாத் உள்ளிட்டோர் அரசுக்கு ஆதரவு தெரிவித்துள்ளனர். இவர்களையும் சேர்த்தால் அரசுக்கு 366 பேரின் ஆதரவு கிடைக்கிறது. மறுபக்கம் இந்தியா கூட்டணி வசம் 142 உறுப்பினர்களே உள்ளனர். எனவே தீர்மானம் தோற்பது உறுதியானது. இருப்பினும், பிரதமரை பேச வைக்க வேண்டும் என்ற ஒரே நோக்கத்தில்தான் இதைக் கொண்டு வந்திருப்பதாக காங்கிரஸ் கட்சி ஏற்கனவே தெளிவுபடுத்தியுள்ளது குறிப்பிடத்தக்கது.

சமீபத்திய செய்திகள்

வங்கக் கடல் காற்று சுழற்சி.. தமிழ்நாடு, இலங்கையை நோக்கி நகரக் கூடும்.. வானிலை மையம்

நிக்கோபார் தீவு அருகே.. காற்றழுத்தத் தாழ்வு உருவாக ஆரம்பித்து விட்டது.. தமிழ்நாடு வெதர்மேன்

நவம்பர் 22 - இன்றைய நல்ல நேரம், செய்ய வேண்டிய வழிபாடு

மங்களகரமான வெள்ளிக்கிழமையில் பண மழையில் நனையப் போகும் 2 ராசிக்காரர்கள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

பிரதமர் மோடி சந்திக்கும் 2வது நம்பிக்கை இல்லாத் தீர்மானம்..!

Comments

சமீபத்திய செய்திகள்

அதிகம் பார்க்கும் செய்திகள்