மணிப்பூர் பரபரப்புக்கு மத்தியில் கூடிய நாடாளுமன்றம்.. இரு அவைகளும் ஒத்திவைப்பு

Jul 20, 2023,11:23 AM IST

டெல்லி : நாடாளுமன்றத்தின் மழைக்கால கூட்டத் இன்று துவங்கிய நிலையில் இரு அவைகளும் ஒத்திவைக்கப்பட்டன.

பார்லிமென்ட் மழைக்கால கூட்டத் தொடர் ஜூலை 20 ம் தேதியான இன்று துவங்கி, ஆகஸ்ட் 11 ம் தேதி வரை நடைபெற உள்ளது. இதில் 31 மசோதாக்கள் குறித்த விவாதங்கள் நடத்தப்பட உள்ளது. புதிய பார்லிமென்ட் கட்டிடத்தில் நடக்கும் முதல் கூட்டத் தொடர் இதுவாகும். ராஜ்யசபாவில் ஏற்கனவே தாக்கல் செய்யப்பட்ட பல்வேறு மசோதாக்கள் மீதான விவாதமும் நடைபெற உள்ளது.

இன்று காலை இரு அவைகளும் கூடிய போது இரங்கல் குறிப்புகள் முதலில் எடுத்துக் கொள்ளப்பட்டன. அதைத் தொடர்ந்து லோக்சபா பிற்பகல் 2 மணி வரையிலும், ராஜ்யசபா பிற்பகல் 12 மணி வரையிலும் ஒத்திவைக்கப்பட்டன.

இந்நிலையில் மணிப்பூர் வன்முறை, வெள்ளம், டெல்லி மசோதா, அதானி விவகாரம் உள்ளிட்ட பல பிரச்சனைகளை கையில் எடுத்து மத்திய அரசை குற்றம்சாட்ட எதிர்க்கட்சிகள் காத்திருக்கின்றன. பல்வேறு கட்சிகள் மணிப்பூர் விவகாரத்தை பெரிதாக கிளப்பத் திட்டமிட்டுள்ளன. இதுதொடர்பாக ஏற்கனவே ஒத்திவைப்புத் தீர்மான நோட்டீஸையும் கொடுத்துள்ளன.

திமுக சார்பில் ஆளுநர் ஆர். என். ரவிக்கு எதிராக பிரச்சினையைக் கிளப்ப திட்டமிடப்பட்டுள்ளது. இதை நேற்றே டி.ஆர்.பாலு செய்தியாளர்களிடம் கூறி விட்டார். இதனால் கூட்டத் தொடரின் முதல் நாளிலேயே அமளி, கூச்சல் குழப்பம், வெளிநடப்பு, அனல் பறக்கும் விவாதங்கள் நடக்க வாய்ப்புள்ளதாக எதிர் பார்க்கப்படுகிறது.

எதிர்க்கட்சிகள் ஒன்றிணைந்து "இ.ந்.தி.யா" என்ற கூட்டணியை உருவாக்கி உள்ளன. இவர்கள் மேற்குவங்கத்தில் பஞ்சாயத்து தேர்தலின் போது நடந்த வன்முறை, பலர் உயிரிழந்த விவகாரம், மோதல் ஆகியவற்றை வைத்து பிரச்சனையை கிளப்பு முடிவு செய்துள்ளன.

மழைக்கால கூட்டத்தொடர் துவங்குவதற்கு முன்னதாக எதிர்க்கட்சிகள், ராஜ்யசபாவிற்கான எதிர்க்கட்சி தலைவரும் காங்கிரஸ் தலைவருமான மல்லிகார்ஜூன கார்கேவை காலை 10 மணிக்கு சந்தித்து பேச உள்ளன. கூட்டத்தொடரின் முதல் நாளில் எழுப்ப வேண்டிய பிரச்சனைகள் குறித்து இந்த கூட்டத்தில் விவாதிக்கப்பட உள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?