20வது மாடியிலிருந்து விழுந்து.. ஓயோ ரூம்ஸ் நிறுவனரின் தந்தை மரணம்!

Mar 11, 2023,10:35 AM IST

டெல்லி: இந்தியா முழுவதும் பிரபலமான ஓயோ ரூம்ஸ் ஹோட்டல் நிறுவனர் ரித்தேஷ் அகர்வாலின் தந்தை ரமேஷ் பர்சாத் அகர்வால், தான் வசித்து வந்த அடுக்குமாடிக் குடியிருப்பின் 20வது மாடியிலிருந்து கீழே விழுந்து மரணமடைந்தார்.

ஹரியானாவில் இந்த சம்பவம் நடந்துள்ளது. ஹரியானா மாநிலம் குருகிராமில் உள்ள டிஎல்எப் அடுக்குமாடிக் குடியிருப்பில் வசித்து வந்தார் ரமேஷ் அகர்வால். செக்டார் 54ல் இந்த அடுக்குமாடிக் குடியிருப்பு உள்ளது. இந்த நிலையில் அந்த குடியிருப்பின் 20வது மாடியிலிருந்து ஒருவர் கீழே விழுந்து விட்டதாக செக்யூரிட்டிகளிடமிருந்து காவல்துறைக்கு போன் போனது. இதையடுத்து போலீஸார் விரைந்து வந்து கீழே விழுந்தவரை மீட்டு மருத்துவமனைக்கு அனுப்பி வைத்தனர். ஆனால் ஏற்கனவே அவர் இறந்திருந்தார்.

போலீஸ் விசாரணையில்தான் அவர் ரமேஷ் அகர்வால் என்று தெரியவந்தது. தனது தந்தையின் மரணம் குறித்து ரித்தேஷ் அகர்வால் ஒரு அறிக்கை வெளியிட்டுள்ளார். அதில், எனது தந்தை ரமேஷ்அகர்வால் மார்ச் 10ம் தேதி மரணமடைந்தார் என்ற வருத்தமான செய்தியை உங்களுடன் கனத்த இதயத்துடன் பகிர்ந்து கொள்கிறேன். முழுமையான வாழ்க்கையை வாழ்ந்து முடித்துள்ளார். எங்களுக்கெல்லாம் முன்னுதாரணமாக திகழ்ந்தவர். அவரது வாழ்க்கை எங்களுக்குப் பாடம். எங்களது குடும்பத்துக்கு அவரது மரணம் பேரிழப்பாகும் என்று அவர் கூறியுள்ளார்.

மார்ச் 7ம் தேதிதான் ரித்தேஷ் அகர்வாலின் திருமண வரவேற்பு டெல்லி தாஜ் பாலஸ் ஹோட்டலில் மிகப் பிரமாண்டமாக நடந்தது. அதுதான் ரமேஷ் அகர்வால் கலந்து கொண்ட கடைசி நிகழ்ச்சியாகும். உலகின் மிகப் பெரிய வர்த்தகர்கள், தொழிலதிபர்கள் எல்லாம் அந்த நிகழ்ச்சிக்கு வந்திருந்தனர். இந்த நிலையில் மகன் வரவேற்பு முடிந்த கையோடு ரமேஷ் அகர்வால் மரணமடைந்துள்ளது சோகத்தை ஏற்படுத்தியுள்ளது.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

20வது மாடியிலிருந்து விழுந்து.. ஓயோ ரூம்ஸ் நிறுவனரின் தந்தை மரணம்!

Comments

சமீபத்திய செய்திகள்

அதிகம் பார்க்கும் செய்திகள்