திமுக ஆட்சியில் கொலைகள் சர்வசாதாரணமாகி விட்டது.. ஆசிரியை கொலைக்கு எடப்பாடி பழனிச்சாமி கண்டனம்
சென்னை: அரசுப் பள்ளி ஆசிரியை ரமணி அவர்கள் கத்தியால் குத்திக் கொலை செய்யப்பட்டுள்ளதாக வரும் செய்தி அதிர்ச்சியளிக்கிறது. அவரது குடும்பத்தாருக்கு எனது ஆழ்ந்த இரங்கல்.விடியா திமுக ஆட்சியில் கொலை என்பது சர்வசாதாரணம் என்ற அவல நிலை வரும் அளவிற்கு நிர்வாகத் திறனற்ற திமுக அரசு சட்டம் ஒழுங்கைக் காக்கத் தவறியுள்ளது என்று தெரிவித்துள்ளார் அதிமுக பொதுச்செயலாளர் எடப்பாடி பழனிச்சாமி.
தஞ்சாவூர், மல்லிப்பட்டினம் பகுதியில் அரசுப் பள்ளி ஆசிரியை ரமணி என்பவரை, ஒரு தலையாக காதலித்த மதன் என்பவர் இன்று பள்ளிக்குள் வைத்தே கொடூரமாக குத்திக் கொலை செய்த சம்பவம் அதிர்ச்சியை ஏற்படுத்தியுள்ளது.
இந்த சம்பவம் குறித்து அதிமுக பொதுச்செயலாளர் எடப்பாடி பழனிச்சாமி தனது எக்ஸ் தள பக்கத்தில் கண்டனத்தை பதிவிட்டுள்ளார். அந்த பதிவில், தஞ்சை மாவட்டம் மல்லிப்பட்டினம் அரசு மேல்நிலைப்பள்ளியில் ஆசிரியர் ரமணி அவர்கள் கத்தியால் குத்திக் கொலை செய்யப்பட்டுள்ளதாக வரும் செய்தி அதிர்ச்சியளிக்கிறது. அவரது குடும்பத்தாருக்கு எனது ஆழ்ந்த இரங்கல்.
திமுக ஆட்சியில் கொலை என்பது சர்வசாதாரணம் என்ற அவல நிலை வரும் அளவிற்கு நிர்வாகத் திறனற்ற திமுக அரசு சட்டம் ஒழுங்கைக் காக்கத் தவறியுள்ளது.அரசுப்பள்ளி ஆசிரியர்கள், அரசு மருத்துவர்கள் உள்ளிட்ட அரசு ஊழியர்களுக்கு, அவர்கள் பணிபுரியும் அரசுக்கு சொந்தமான இடங்களில் கூட பாதுகாப்பு துளியும் இல்லாத அளவிற்கு சட்டம் ஒழுங்கை சீர்குலைத்துள்ள திமுக அரசுக்கு எனது கடும் கண்டனம்.
ஆசிரியர் ரமணி அவர்களின் கொலை வழக்கில் கைதாகியுள்ளவர் மீது உரிய சட்ட நடவடிக்கை எடுப்பதுடன், முதல்வர் வெறும் விளம்பரங்களில் மட்டுமே செலுத்தும் கவனத்தை, தன்னுடைய முதல் பணியான சட்டம் ஒழுங்கைக் காப்பதில் இனியாவது செலுத்த வலியுறுத்துகிறேன் என்று தெரிவித்துள்ளார்.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
விஜய்க்கு பின்னால் ஒரு இளைஞர் கூட்டம் உள்ளது.. அவர் ஜாக்கிரதையா இருக்கணும்.. துரை வைகோ
Mohini Dey: கணவரைப் பிரிவதாக அறிவித்தார் இளம் பேஸ் கிடாரிஸ்ட் மோகினி டே!
திமுக ஆட்சியில் கொலைகள் சர்வசாதாரணமாகி விட்டது.. ஆசிரியை கொலைக்கு எடப்பாடி பழனிச்சாமி கண்டனம்
சினிமாவில் தொடரும் விவாகரத்துகள்.. சாமானியர்களை விட சகிப்புத் தன்மை குறைந்தவர்களாகி விட்டார்களா?
கள்ளக்குறிச்சி கள்ளச்சாராய வழக்கு.. அரசின் நிர்வாகத் தோல்விக்குக் கிடைத்த சவுக்கடி.. டாக்டர் ராமதாஸ்
Rafael Nadal.. Ultimate Fighter.. ஓய்வின் சோகத்திலிருந்து விலகாத ரசிகர்கள்.. குவியும் புகழாரம்!
Lunch box recipe: தட்டபயறு சுரைக்காய் குழம்பு.. சூப்பர் டேஸ்ட்.. சுப்ரீம் சுவை.. சாப்ட்டுப் பாருங்க!
தஞ்சாவூரில் பயங்கரம்.. வகுப்பறையில் தமிழாசிரியை கத்தியால் குத்திக் கொலை.. இளைஞரின் வெறிச்செயல்
கள்ளக்குறிச்சியில்.. 60 பேரைக் காவு கொண்ட கள்ளச்சாராய வழக்கு.. சிபிஐ விசாரணைக்கு ஹைகோர்ட் உத்தரவு
{{comments.comment}}