டிராக் ஓகே.. கிளம்பிருச்சு மலை ரயில்.. மீண்டும் தொடங்கியது ஊட்டி மலை ரயில் சேவை!

Dec 23, 2023,11:00 AM IST

ஊட்டி: 3 நாட்களுக்கு பிறகு மேட்டுப்பாளையத்தில் இருந்து ஊட்டி மலை ரயில் போக்குவரத்து இன்று தொடங்கியது.

குழந்தைகளுக்கு மிகவும் பிடித்ததது (குழந்தைகளுக்கு மட்டுமல்ல பெரியவர்களுக்கும்தான்).. ரயில் பயணம்தான்.. அதுவும் ஜன்னலோரத்தில் உட்கார்ந்து கொண்டு வேகமாக ஓடும் சாலைகளையும், மரங்களையும் பார்த்து ரசிப்பது போல வருமா சொல்லுங்க..!

அதிலும் மலைப் பகுதிகளில் பயணிப்பது செம ஜாலியானது மட்டுமல்ல திரில்லானதும் கூட. தமிழ்நாட்டில் உள்ள ஒரே மலை ரயில் நம்ம ஊட்டி மலை ரயில்தான். மேட்டுப்பாளையத்திலிருந்து இது இயக்கப்படுகிறது. வெள்ளையர் காலத்தில் அறிமுகமானது இந்த ரயில் போக்குவரத்து.. மலைகள் மற்றும் பள்ளத்தாக்குகளின் பிரமிக்க வைக்கும் காட்சிகளுக்கு இடையே வளைவு நெளிவான பாதையில் ஒரு அமைதியான திரில்லிங் சவாரி தருவது இந்த ஊட்டி மலை ரயில்.

இதில் பயணிக்கும் பயணிகள் தங்கள் வாழ்நாளில் மறக்க முடியாத தனித்துவ அனுபவத்தையும் இந்த சேவை நமக்கு தருகிறது. ஆனால் ஏதாவது இடர்பாடுகள் ஏற்பட்டால் ரயில் டிராக் பாதிக்கப்பட்டால், ரயில் சேவை நிறுத்தப்படும். குறிப்பாக மழைக்காலத்தில்தான் அதிக அளவில் இடர்பாடுகள் ஏற்படுவது வழக்கம்.

சமீபத்தில் குன்னூர் பகுதியில் கனமழை பொழிந்ததால், இந்த மலை பாதை ரயில் சேவை பாதிக்கப்பட்டது. ரயில் பாதையில் பாறைகள், மண் சரிந்தது. இதனால் ஊட்டி ரயில் போக்குவரத்து தற்காலிகமாக நிறுத்தப்பட்டிருந்தது. ரயில் பாதையில் இருந்த மண் மற்றும் பாறைகள் அகற்றப்பட்டு தற்போது ரயில் சேவை தொடங்கியுள்ளது. 3 நாட்களுக்கு பின்னர் இந்த ரயில் சேவை தொடங்கப்பட்டுள்ளது.

கோவை மாவட்டம் மேட்டுப்பாளையத்தில் இருந்து தினமும் காலை 7.10 மணிக்கு இந்த ரயில் இயக்கப்படுவது வழக்கம். மீண்டும் ரயில் ஓடத் தொடங்கியதால் பயணிகள் மகிழ்ச்சி அடைந்துள்ளனர். உள்நாட்டுப் பயணிகளோடு வெளிநாட்டு சுற்றுலாப் பயணிகளும் மகிழ்ச்சியுடன் இதில் பயணித்தனர். தற்போது அரையாண்டு விடுமுறை விடப்பட்டுள்ளதால் அதிக அளவிலான கூட்டம் வரும் என்பது குறிப்பிடத்தக்கது.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

டிராக் ஓகே.. கிளம்பிருச்சு மலை ரயில்.. மீண்டும் தொடங்கியது ஊட்டி மலை ரயில் சேவை!

Comments

சமீபத்திய செய்திகள்

அதிகம் பார்க்கும் செய்திகள்