கடந்த 5 வருடத்தில் எந்த ஊழியரும் ராஜினாமா செய்யவில்லை.. அசத்தும் நியூயார்க் நிறுவனம்

Jan 10, 2023,03:36 PM IST

நியூயார்க்: அய் டிஜிட்டல் என்ற நியூயார்க் நிறுவனத்தில் கடந்த 5 வருடத்தில் எந்த ஊழியரும் ராஜினாமா செய்யவில்லை என்று அந்த நிறுவனத்தின் தலைமை செயல் அதிகாரி ஸ்டீபன் மக்லி கூறியுள்ளார்.

இது ஒரு விளம்பர நிறுவனமாகும். இங்கு பணியாற்றும் ஊழியர்கள் மன நிறைவுடன், மன மகிழ்ச்சியுடன் பணியாற்றும் வாய்ப்புகள் வழங்கப்பட்டிருப்பதால்தான் தனது நிறுவனத்திலிருந்து யாரும் விலக விரும்புவதில்லை என்று மக்லி கூறியுள்ளார்.

பெரிய பெரிய நிறுவனங்களில் ஊழியர்கள் கொத்துக் கொத்தாக களையெடுக்கப்பட்டு வருகின்றனர். அறிவிப்பே இல்லாமல் ஆயிரக்கணக்கான ஊழியர்களை பெரிய நிறுவனங்கள் நீக்கிக் கொண்டிருக்கின்றன. இந்த நிலையில் வேலையிலிருந்து யாரையும் எடுக்காமல், ஊழியர்களும் சந்தோஷமாக வேலை பார்க்கும் நிறுவனம் இருக்கிறது என்பது ஆச்சரியமானதுதான்.

இதுகுறித்து ஸ்டீபன் மக்லி மேலும் கூறுகையில், நல்ல திறமை கிடைத்தால் அதை விடக் கூடாது. அதற்குத்தான் நான் முக்கியத்துவம் கொடுப்பேன். அந்தத் திறமையாளரை சிறப்பான முறையில் பயன்படுத்திக் கொள்வேன். எனது நிறுவனத்தின் வெற்றிக்கு எனது திறமையான பணியாளர்களே காரணம். அவர்களுக்கான ஆரோக்கியமான பணிச் சூழ்நிலையை நான் ஏற்படுத்திக் கொடுத்துள்ளேன்.

கொரோனா காலம் அனைவரையும் மிகுந்த வேதனைக்குள்ளாக்கி விட்டது. சரியான மன நலனை பேணுவது பெரும் சவாலுக்குரியதாக மாறியிருந்தது. அந்த சமயத்தில் எங்களது ஊழியர்கள் அனைவரும் ஒரு குடும்பமாக இருந்தோம். ஒருவருக்கு ஒருவர் ஆறுதலாக இருந்தோம். ஒவ்வொருவருடைய பிரச்சினையையும் இணைந்து தீர்த்து வைத்தோம்.

வேலையிலும் ஒருவருக்கு ஒருவர் உறுதுணையாக இருப்போம். விட்டுக் கொடுப்போம். ஊழியர்களாக இல்லாமல் ஒரு குடும்பமாக பழகியதால் இது சாத்தியமாயிற்று. பணியாளர்களுக்கு மனச்சுமை இருக்கக் கூடாது. வேலைப்பளு அவர்களை கஷ்டப்படுத்தக் கூடாது. சுதந்திரமாக அவர்களைப் பணியாற்ற விட வேண்டும். அப்போதுதான் அவர்களது வேலை சிறப்பாக இருக்கும் .

ஆரோக்கியமான சூழல் ஒரு நிறுவனத்தில் இருந்தால் அந்த நிறுவனத்துக்கும், அதன் ஊழியர்களுக்கும் இடையிலான பிணைப்பு மிகவும் சிறப்பாக, வலுவாக இருக்கும், அது நீண்டு கொண்டே போகும் என்றார் அவர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

மதுரையை வச்சு செய்யும் வெயில்.. மேலும் சில நாட்கள் வெளுக்குமாம்.. அதிகரிக்கவும் வாய்ப்பு.. கேர்ஃபுல்

காட்டுத் தீயாய் பரவிய துணை முதல்வர் வதந்தி.. சிரித்துக் கொண்டே பதிலளித்த உதயநிதி ஸ்டாலின்!

ஜிம்பாப்வேயை உலுக்கும் பஞ்சம்.. அதை விரட்ட அரசு எடுத்த முடிவு.. .. அதிர்ச்சியில் நாடுகள்!

ஒரே நாடு ஒரே தேர்தல்.. ராம்நாத் கோவிந்த் குழு பரிந்துரைகளை ஏற்றது மத்திய அமைச்சரவை!

அழகாய் பூத்தது.. நீலகிரியில் 12 ஆண்டுகளுக்கு ஒரு முறை மலரும் நீலக்குறிஞ்சி சீசன் தொடங்கியது!

Thalaivettiyan Palayam: ஜிபி முத்து கொடுத்த சூப்பர் ஐடியாஸ்.. கூலாக கேட்டுக் கொண்ட அபிஷேக் குமார்!

"பாட்டி கதியே உங்களுக்கும்".. ராகுல்காந்திக்கு பாஜக தலைவர் மிரட்டல்.. முதல்வர் மு.க.ஸ்டாலின் கண்டனம்

தீபாவளி ரஷ்ஷை சமாளிக்க.. தனியார் பேருந்துகளை வாடகைக்கு எடுக்கும் தமிழக அரசு!

மீன்வளப் பல்கலைக்கழக பட்டமளிப்பு விழா.. அமைச்சர் அனிதா ராதாகிருஷ்ணன் புறக்கணித்தார்!