"அது கசக்குது.. இதுதான் இனிக்குது".. தைவானை விட்டு மெல்ல நகர்ந்து சீனா பக்கம் தாவிய நவ்ரு!
சிட்னி: தைவான் நாட்டுடனான உறவை துண்டிப்பதாக நவ்ரு தீவு அறிவித்துள்ளது. தைவானை விட்டு விலகிய கையோடு சீனாவுடன் உறவை அது புதுப்பித்துக் கொண்டுள்ளது.
பிசிபிக் பிராந்தியத்தில் உள்ள மிக மிக சிறிய தீவுதான் இந்த நவ்ரு. இதுவரை தைவானுடன் அது உறவு வைத்திருந்தது. தற்போது அதைத் துண்டித்து விட்டு சீனாவுடன் உறவு வைப்பதாக அறிவித்துள்ளது. சீனாவை தாங்கள் அங்கீகரிப்பதாகவும் அந்த தீவு நாடு அறிவித்துள்ளது.
இதுதொடர்பான அறிவிப்பை நவ்ரு தீவின் அதிபரான டேவிட் அடியாங் நாட்டு மக்களுக்கு ஆற்றிய உரையில் தெரிவித்துள்ளார். இனிமேலும் நாம் தைவானை தனி நாடாக கருதத் தேவையில்லை. மாறாக சீனாவின் ஒருங்கிணைந்த பகுதியாக அதை நாம் பார்க்கிறோம். சீனாவை தனி நாடாக அங்கீகரிக்கிறோம். தைவானுடன் இனியும் எந்த உறவையும் நாங்கள் வைத்துக் கொள்ள மாட்டோம் என்று அவர் கூறியுள்ளார்.
தைவானை தனி நாடாக அங்கீகரித்துள்ள வெகு சில நாடுகளில் நவ்ருவும் ஒன்று. தற்போது நவ்ரு அதிலிருந்துத விலகியுள்ளது தைவானுக்குப் பின்னடைவாக கருதப்படுகிறது. தற்போது மொத்தம் 12 நாடுகள்தான் தைவானை தனி நாடாக அங்கீகரிக்கின்றன என்பது குறிப்பிடத்தக்கது.
நவ்ரு நாடானது மிக மிக குட்டித் தீவு நாடாகும். மொத்தமே 12,500 பேர்தான் அந்த நாட்டில் வசிக்கிறார்கள். கடந்த 2019ம் ஆண்டு இப்படித்தான் சாலமன் தீவு நாடும் தைவானை விட்டு விலகி சீனா பக்கம் வந்தது.
ஆப்பிரிக்கக் கண்டத்தில் எஸ்ட்வானா, லத்தீன் அமெரிக்காவில் பெலிஸ், குவாத்திமாலா, ஹைத்தி, பராகுவே ஆகிய நாடுகள் தைவானை அங்கீகரித்துள்ளன என்பது குறிப்பிடத்தக்கது.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}