ரிஷி சுனக் இங்கிலாந்து பிரதமராக.. எனது மகள்தான் காரணம்.. சுதா மூர்த்தி

Apr 28, 2023,02:30 PM IST

டெல்லி: ரிஷி சுனக் இங்கிலாந்து பிரதமராவதற்கு எனது மகள்தான் காரணம் என்று இங்கிலாந்து பிரதமர் ரிஷி சுனக்கின் மாமியார் சுதா மூர்த்தி கூறியுள்ளார்.

இங்கிலாந்து பிரதமராக இந்திய வம்சாவளியைச் சேர்ந்த ரிஷி சுனக் இருக்கிறார். இவரது மனைவி அக்ஷதா மூர்த்தி. இவர் இன்போசிஸ் நிறுவனர் நாராயணமூர்த்தி - சுதா தம்பதியின் மகள் ஆவார். இந்த நிலையில் ரிஷி சுனக் பிரதமராவதற்கு தனது மகளே காரணம் என்று சுதா மூர்த்தி கூறியுள்ளார்.

இதுதொடர்பாக அவர் பேசிய ஒரு வீடியோ வைரலாகப் பரவி வருகிறது. அதில் சுதா மூர்த்தி கூறியிருப்பதாவது: நான் எனது கணவரை ஒரு பிசினஸ்மேனாக மாற்றினேன். எனது மகள் தனது கணவரை இங்கிலாந்து நாட்டுக்கே பிரதமராக்கி விட்டார்.

ஒரு மனைவி நினைத்தால் என்ன வேண்டுமானாலும் சாதிக்க முடியும். ஒரு கணவரின் உயர்வுக்கு மனைவிதான் முக்கியக் காரணம். அதற்கு இதுதான் உதாரணம். ஆனால் என்னால் எனது கணவரை பெரிதாக மாற்ற முடியவில்லை. பிசினஸ் மேனாக மட்டுமே மாற்ற முடிந்தது. என்றார் அவர்.

2009ம் ஆண்டு அக்ஷதா மூர்த்தி, ரிஷி சுனக் திருமணம் நடந்தது. அக்ஷதா மூர்த்தியின் சொத்து மதிப்பு 730 மில்லியன் பவுண்டு ஆகும். உலகின் சக்தி வாய்ந்த பெண்களில் ஒருவராக அவர் திகழ்கிறார். இங்கிலாந்து வரலாற்றிலேயே மிகவும் இளம் வயதுப் பிரதமர் ரிஷி சுனக்தான். அவருக்கு 42 வயதாகிறது.

சுதா மூர்த்தி மேலும் கூறுகையில், எனது மகள் த��து கணவரின் வாழ்க்கையில் நிறைய மாற்றங்களைக் கொண்டு வந்துள்ளார். இருவருமே வியாழக்கிழமைகளில் தவறாமல் விரதம் இருப்பார்கள். வியாழக்கிழமைக்கும் எங்களுக்கும் நிறைய தொடர்பு உள்ளது. வியாழக்கிழமைதான் இன்போசிஸ் தொடங்கப்பட்டது. எனது மருமகன் குடும்பமும் மிகவும் மத சம்பிரதாயங்களை மதிக்கும் குடும்பமாகும். அவரும் வியாழக்கிழமை தவறாமல் விரதம் இருக்கிறார். எனது மகளின் மாமியார் திங்கள்கிழமை விரதம் இருப்பார் என்று கூறியுள்ளார் சுதா.

சமீபத்திய செய்திகள்

குமரி அனந்தன் மறைவு.. தமிழிசைக்கு நேரில் சென்று ஆறுதல் கூறிய மத்திய அமைச்சர் அமித்ஷா!

மாற்றுத்திறனாளிகள் குறித்த சர்ச்சை பேச்சு...வருத்தம் தெரிவித்த அமைச்சர் துரைமுருகன்

காங்கிரஸ் கம்யூனிஸ்ட்டை கண்டித்து.. தீர்மானங்களை கொண்டு வாங்க பார்ப்போம்..எடப்பாடி பழனிச்சாமி சவால்

அமித்ஷா பிரஸ்மீட் மேடையில் திடீர் Change.. டிஜிட்டல் பேனரில் தேசிய ஜனநாயகக் கூட்டணி பெயர் நீக்கம்

திமுக துணை பொதுச்செயலாளர் பதவியில் இருந்து பொன்முடி நீக்கம்... புதிதாக திருச்சி சிவா நியமனம்!

அமித்ஷாவை சந்திக்கும் அதிமுக தலைவர்கள்.. தேமுதிகவுக்கு டைம் கொடுக்க மறுத்ததா பாஜக?

12 ராசிகளுக்குமான இன்றைய ராசிபலன் ஏப்ரல் 11, 2025...யாருக்கு என்ன பலன் காத்திருக்கு?

கலக்கும் குட் பேட் அக்லி.. புஷ்பா பட இயக்குனர் சுகுமார் படத்தில் அஜித் நடிப்பாரா..?

Panguni Utthiram.. பங்குனி உத்திரம் இன்று.. 12ம் தேதி முழு நிலவு.. மிக மிக சிறப்பு!

ரிஷி சுனக் இங்கிலாந்து பிரதமராக.. எனது மகள்தான் காரணம்.. சுதா மூர்த்தி

Comments

சமீபத்திய செய்திகள்

அதிகம் பார்க்கும் செய்திகள்