"டாப்"புக்கு போன CSK.. "தேங்க்ஸ் மும்பை இந்தியன்ஸ்".. ரோஹித் சர்மா மேட்டரால வந்த வினை!
சென்னை: மும்பை இந்தியன்ஸ் அணியின் கேப்டன் பொறுப்பிலிருந்து ரோஹித் சர்மா நீக்கப்பட்டதால் கடுப்பாகியுள்ள அந்த அணியின் ரசிகர்கள், அணியின் ஜெர்சி, தொப்பியை எரித்து ஆத்திரத்தை வெளிப்படுத்தி வருகின்றனர்.
மேலும் மும்பை இந்தியன்ஸ் அணியை, சமூக வலைதளங்களில் அன்பாலோ செய்து வருகின்றனர். இதனால் இன்ஸ்டாகிராமில் அதிக பாலோயர்கள் கொண்ட அணி என்ற பெருமையை சென்னை சூப்பர் கிங்ஸிடம் இழந்துள்ளது மும்பை இந்தியன்ஸ்.
2024 ஐபிஎல் தொடரில் மும்பை இந்தியன்ஸ் அணியின் கேப்டனாக ரோகித் சர்மாவுக்கு பதிலாக ஆல் ரவுண்டர் ஹர்திக் பாண்டியா செயல்படுவார் என்று அணி நிர்வாகம் நேற்று அறிவித்தது. இது அனைவரையும் ஆச்சரியத்தில் ஆழ்த்தியுள்ளது. குறிப்பாக ரோஹித் சர்மாவின் ரசிகர்களால் இதை ஜீரணிக்கவே முடியவில்லை.
மும்பை இந்தியன்ஸ் அணியில் கேப்டனாக இருந்து ரோஹித் சர்மா 5 முறை சாம்பியன் பட்டங்களை வென்று சாதனை படைத்தவர். கடந்த 10 ஆண்டுகளாக மும்பை இந்தியன்ஸ் அணியின் கேப்டனாக இருந்தவர் ரோஹித் சர்மா. ரோஹித் சர்மா மாற்றப்பட்டதற்கு ரசிகர்கள் பெரும் அதிர்ச்சி அடைந்துள்ளனர்.
இதன் காரணமாக மும்பை இந்தியன்ஸ் இன்ஸ்டாகிராம் பக்கத்தில் ஒரே நாளில் 1.5 லட்சத்திற்கும் அதிகமான பாலோவர்ஸ் குறைந்துள்ளனர். இதனால், தற்போது இன்ஸ்டாகிராமில் அதிக பாலோவர்ஸ் கொண்ட அணியாக எம்எஸ் தோனியின் சென்னை சூப்பர் கிங்ஸ் முதலிடத்திற்கு வந்து விட்டது.
மும்பை இந்தியன்ஸ் அணியின் கேப்டனாக இருந்த ரோஹித் சர்மாவை நீக்கி புதிய கேப்டனாக ஹர்திக் பாண்டியா நியமனம் செய்ததன் விளைவாக, அணியின் தொப்பிகள் மற்றும் ஜெர்சிகளை எரித்து ரசிகர்கள் எதிர்ப்பு தெரிவித்ததுடன் சமூக வலைதளங்களில் அந்த அணியை அன் பாலோ செய்து வருவதால் கிரிக்கெட் உலகில் பரபரப்பு ஏற்பட்டுள்ளது.
சமீபத்திய செய்திகள்
கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!
'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!
தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
{{comments.comment}}