லோக்சபா தேர்தலை எப்படி சந்திப்பது.. திமுகவுடன் கூட்டணியா.. மக்கள் நீதி மய்யம் ஆலோசனை!

Mar 27, 2023,12:45 PM IST

சென்னை: லோக்சபா தேர்தல் நிலைப்பாடு குறித்தும், அதில் மேற்கொள்ளப்பட வேண்டிய அணுகுமுறைகள் குறித்தும் கமல்ஹாசனின் மக்கள் நீதி மய்யம் ஆலோசனைகளைத் தொடங்கியுள்ளது.

பெரும் எதிர்பார்ப்புடன் தொடங்கப்பட்ட கட்சிதான் மக்கள் நீதி மய்யம். எல்லோரும் எப்படா ரஜினிகாந்த் அரசியலுக்கு வருவார் என்று போயஸ் கார்டன் பக்கம் பார்வையை புதைத்திருந்தபோது, யாரும் எதிர்பாராதவிதமாக ஆழ்வார்ப்பேட்டையிலிருந்து "ஆண்டவர்" அரசியல் என்ட்ரி கொடுத்து அதிர வைத்தார்.

டக்கென்று மக்கள் பார்வை கமல்ஹாசன் மீது பட.. மக்கள் நீதி மய்யம் பெரும் எதிர்பார்ப்புகளை ஏற்படுத்தியது. கடந்த சட்டசபைத் தேர்தலில் மக்கள் நீதி மய்யம் போட்டியிட்டது. கமல்ஹாசன் கோவை தெற்கு தொகுதியில் போட்டியிட்டார். நிச்சயம் வெல்வார் என்று எதிர்பார்க்கப்பட்ட நிலையில் மயிரிழையில் பாஜகவின் வானதி சீனிவாசனிடம் தோல்வியைத் தழுவினார் கமல்ஹாசன்.

தேர்தலில் மக்கள் நீதி மய்யம் கணிசமான வாக்குகளைப் பெற்று அனைவரையும் வியப்பிலும் ஆழ்த்தியது. ஆனால் கமல்ஹாசனின் கட்சிக்கு அதன் பிறகு பெரிய அளவில் ஏற்றம் ஏற்படவில்லை. மாறாக கட்சித் தலைவர்கள் பலரும் கட்சியை விட்டு இடத்தைக் காலி செய்து திமுக பக்கம் போய் விட்டனர்.

இந்த நிலையில், சமீப காலமாக திமுக, காங்கிரஸ் பக்கம் கமல்ஹாசன் நெருங்கி வருகிறார். ராகுல் காந்தியுடன் சேர்ந்து டெல்லியில் நடை பயணம் மேற்கொண்டார். திமுக தரப்பிலும் நெருக்கம் பாராட்டி வருகிறார். திமுக தலைவரும், முதல்வருமான மு.க.ஸ்டாலினின் பிறந்த நாள் விழா புகைப்படக் கண்காட்சியை கமல்ஹாசன்தான் தொடங்கி வைத்தார்.

இந்த நிலையில் தற்போது லோக்சபா தேர்தலுக்காக தயாராக ஆரம்பித்துள்ளது மக்கள் நீதி மய்யம் கட்சி. தொகுதி வாரியாக கட்சியினருடன் ஆலோசனையை அது தொடங்கியுள்ளது . முதல் கட்டமாக நேற்று சென்னை வடக்கு, மத்தி, தெற்கு, ஸ்ரீபெரும்புதூர் லோக்சபா தொகுதிகளின் பிரதிநி��ிகளுடன் கட்சித் தலைமை ஆலோசனை நடத்தியது. கட்சியின் பொதுச் செயலாளர் அருணாச்சலம், துணைத் தலைவர் தங்கவேல் தலைமையில் இந்த ஆலோசனைக் கூட்டம் நடைபெற்றது.

அனைத்து லோக்சபா தொகுதிகளின் மாவட்ட நிர்வாகிகளுடனும் ஆலோசனை நடைபெறவுள்ளதாம். இதன் இறுதியில் கூட்டணி குறித்தும், தேர்தல் நிலைப்பாடு குறித்தும் கட்சித் தலைமை முடிவு செய்யும் என்று சொல்லப்படுகிறது.

ஈரோடு கிழக்கு இடைத் தேர்தலில் திமுக கூட்டணிக்கு மக்கள் நீதி மய்யம் தனது ஆதரவை நல்கியது. எனவே வருகிற லோக்சபா தேர்தலில் திமுக கூட்டணியில் கமல்ஹாசன் இணையலாம் என்ற பொதுவான எதிர்பார்ப்பு உள்ளது. அப்படி இணைந்தால் ராமநாதபுரம் அல்லது சென்னையில் ஒரு தொகுதியில் கமல் போட்டியிடக் கூடும் என்றும் பேச்சு அடிபடுகிறது.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

லோக்சபா தேர்தலை எப்படி சந்திப்பது.. திமுகவுடன் கூட்டணியா.. மக்கள் நீதி மய்யம் ஆலோசனை!

Comments

சமீபத்திய செய்திகள்

அதிகம் பார்க்கும் செய்திகள்