டிடிஎப் வாசனின் பைக்கை எரித்து விடலாம்.. ஹைகோர்ட் நீதிபதி ஆவேசம்

Oct 05, 2023,02:55 PM IST

சென்னை: விளம்பர நோக்கில் நடந்து கொள்ளும் டிடிஎஃப் வாசனின் பைக்கை எரித்துவிட வேண்டும். இவரின் யூ டியூப் சானலையும் முடக்க வேண்டும் என்று சென்னை உயர்நீதிமன்ற நீதிபதி சி. வி. கார்த்திகேயன் கூறியுள்ளார்.

யூடியூபரான டிடிஎஃப் வாசன் அதிவேகமாக பைக் ஓட்டி அதனை தனது யூடியூப் சேனலில் போடுபவர். இவரது வீடியோக்களுக்கு பெரிய ரசிகர் கூட்டமே உண்டு. குறிப்பாக 2கே கிட்ஸ்தான் அதிகம். வீடியோக்களின் மூலம் பல லட்சம் லைக்குகளை அள்ளி யூடியூப் மூலம் பேமஸ் ஆனவர்.

டிடிஎப் வாசன் சமீபத்தில் பெங்களூரு சாலையில் பைக்கில் செல்லும் போது வீலிங் செய்ய முயன்றுள்ளார். அப்போது அவர் தவறி கீழே விழுந்து விபத்துக்குள்ளாகி காயம் அடைந்தார். நல்லவேளையாக இவரது சேட்டையால் யாருக்கும் எந்த ஆபத்தும் ஏற்படவில்லை. போலீஸார் வாசன் மீது வழக்குப் பதிவு செய்து அவரைக் கைது செய்தனர். அவர் மீது பொதுமக்களுக்கு ஆபத்தை விளைவிக்கும் வகையில் வாகனம் ஓட்டுதல் உள்ளிட்ட 5 பிரிவுகளில் வழக்கு பதிவு செய்து சிறையில் அடைத்தனர்.

டிடிஎப் வாசன் ஜாமீன் கேட்டு மனு தாக்கல் செய்த நிலையில், அவரது ஜாமீன் மனுவை 2 முறை நீதிமன்றம் தள்ளுபடி செய்தது. இந்த நிலையில், 3வது முறையாக டிடிஎப் வாசன் சென்னை உயர்நீதிமன்றத்தில் ஜாமீன் மனு தாக்கல் செய்த நிலையில் இந்த ஜாமீன் மனு மீதான விசாரணை இன்று நடந்தது. அப்போது நீதிபதி சி.வி. கார்த்திகேயன், ஜாமீன் மனுவை டிஸ்மிஸ் செய்து உத்தரவிட்டார்.

நீதிபதி கார்த்திகேயன் வாசன் குறித்து சில கருத்துக்களையும் தெரிவித்தார். அவர் கூறுகையில், நெடுஞ்சாலையில், விபத்து ஏற்படுத்திய யூடியூப் வாசனின் பைக்கை எரித்து விட வேண்டும். விளம்பரத்திற்காக இதுபோன்ற செயலில் ஈடுபடும் வாசனின் யூடியூப் சேனலை மூடிவிட வேண்டும். அவருக்கு சிகிச்சை தேவைப்பட்டால் தொடர்ந்து சிறைக்குள்ளேயே வைத்து சிகிச்சை தரலாம் என்று தெரிவித்தார்.

நீதிபதியின் இந்த கருத்து விவாதங்களை எழுப்பியுள்ளது. பலர் ஆதரித்தும், சிலர் இதுபோல நீதிபதிகள் கருத்து சொல்லக் கூடாது என்றும் விவாதித்து வருகின்றனர்.

சமீபத்திய செய்திகள்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

தங்கம் விலை விடாமல் தொடர்ந்து உயர்ந்து கொண்டே வருவது ஏன்.. நிபுணர்கள் தரும் விளக்கம் இதுதான்!

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

டிடிஎப் வாசனின் பைக்கை எரித்து விடலாம்.. ஹைகோர்ட் நீதிபதி ஆவேசம்

Comments

சமீபத்திய செய்திகள்

அதிகம் பார்க்கும் செய்திகள்