ஹைகோர்ட்டை நாடிய ஜி.கே.வாசன்.. தமிழ் மாநில காங்கிரஸுக்குக் கிடைக்குமா "சைக்கிள்"?
சென்னை: தமிழ்மாநில காங்கிரஸ் கட்சிக்கு வருகிற லோக்சபா தேர்தலில் சைக்கிள் சின்னத்தை ஒதுக்கக் கோரி அக்கட்சியின் சார்பில் சென்னை உயர்நீதிமன்றத்தில் வழக்குத் தொடரப்பட்டுள்ளது.
மறைந்த ஜி.கே.மூப்பனார் உருவாக்கிய கட்சிதான் தமிழ் மாநில காங்கிரஸ். அக்கட்சி உருவானபோது அக்கட்சிக்கு சின்னமாக சைக்கிள் ஒதுக்கப்பட்டது. முதல் தேர்தலில் மகத்தான வெற்றி பெற்ற தமாகா காலப் போக்கில் கரைந்து போய் விட்டது. மூப்பனார் மறைவுக்குப் பின்னர் அவரது மகன் ஜி.கே.வாசன் கட்சித் தலைவரானார். ஆனால் கட்சியை நடத்த முடியாமல் அவர் இடையில் காங்கிரஸில் சேர்ந்து மாநிலத் தலைவராக செயல்பட்டார். பின்னர் அதிலிருந்து வெளியேறி மீண்டும் தமாகாவை உயிர்ப்பித்து நடத்தி வருகிறார்.
தொடர் தோல்விகள் காரணமாக கட்சியின் தேர்தல் சின்னம் தமாகாவுக்குக் கிடைக்கவில்லை. புதிய புதிய சின்னமே அக்கட்சிக்குக் கிடைத்து வருகிறது. இந்த நிலையில் வருகிற லோக்சபா தேர்தலில் சைக்கிள் சின்னத்தை ஒதுக்குமாறு கோரி தமிழ் மாநில காங்கிரஸ் சென்னை உயர்நீதிமன்றத்தை நாடியுள்ளது.
இதுதொடர்பாக ஜி.கே.வாசன் தாக்கல் செய்த மனுவில், எதிர்வரும் லோக்சபா தேர்தலில் தங்களது கட்சிக்கு சைக்கிள் சின்னம் ஒதுக்கக்கோரி கடந்த 6ம் தேதி தேர்தல் ஆணையத்திடம் மனு அளித்ததாக கூறியுள்ளார். அடுத்த நான்கு வாரங்களில் எப்போது வேண்டுமானாலும் தேர்தல் அறிவிக்கலாம் என்ற நிலையில், தங்களது மனு இன்னும் எந்த முடிவும் எடுக்கப்படவில்லை எனவும் மனுவில் ஜி.கே.வாசன் குறிப்பிட்டுள்ளார்.
கடந்த 2019ம் ஆண்டு பொதுத்தேர்தலை போல இந்த தேர்தலுக்கும் தங்களது கட்சிக்கு சைக்கிள் சின்னம் வழங்க உத்தரவிட வேண்டுமென மனுவில் கோரிக்கை வைத்துள்ளார் ஜி.கே.வாசன். மனுவை விசாரித்த நீதிபதிகள் ஆர். மகாதேவன், முகமது ஷஃபிக் ஆகியோர் அடங்கிய பெஞ்ச், பதில் மனு தாக்கல் செய்யும்படி தேர்தல் ஆணையத்துக்கு உத்தரவிட்டு விசாரணையை பிப்ரவரி 23ம் தேதிக்கு ஒத்திவைத்தது.
சமீபத்திய செய்திகள்
நாயகன் மீண்டும் வர்றார்.. சென்னை சூப்பர் கிங்ஸ் அணியில் ரவிச்சந்திரன் அஸ்வின்.. செம கேட்ச்தான்!
CKS rocks.. அஸ்வின், ரச்சின் ரவீந்திரா, டேவன் கான்வே, ராகுல் திரிபாதி.. செம கேம் பிளான்தான்!
A R Rahman.. உலகிலேயே மிகவும் சிறந்த மனிதர் ஏ.ஆர். ரஹ்மான்.. உருக்கமான ஆடியோ வெளியிட்ட சாய்ரா பானு
பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி
இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!
இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!
IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?
அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்
12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?
{{comments.comment}}