பிரேசிலின் 100 அடி இயேசு நாதர் சிலையைத் தாக்கிய மின்னல்!
ரியோ டி ஜெனீரோ: பிரேசிலின் ரியோ டி ஜெனீரோ நகரில் உள்ள உலகப் புகழ் பெற்ற 100 அடி உயர இயேசுநாதர் சிலையை மின்னல் தாக்கியகாட்சிகள் அடங்கிய வீடியோ மற்றும் புகைப்படங்கள் வைரலாகியுள்ளன.
உள்ளத்தை உறைய வைக்கும் இந்தக் காட்சிகள் பிரேசில் முழுவதும் பரபரப்பை ஏற்படுத்தியுள்ளது. இயேசு நாதர் சிலையின் தலைப் பகுதியில் மின்னல்தாக்கியுள்ளது. இருப்பினும் சிலைக்கு எந்தப் பாதிப்பும் இல்லை என்று தெரிவிக்கப்பட்டுள்ளது.
இந்த மின்னல் தாக்கும் காட்சியை பெர்னாண்டோ பிராகா என்பவர் புகைப்படம் மற்றும் வீடியோ எடுத்து தனது இன்ஸ்டாகிராம் பக்கத்தில் போட்டுள்ளார். "இறை மின்னல்.. இது வெள்ளிக்கிழமை" என்று அவர் அதில் குறிப்பிட்டுள்ளார். பிப்ரவரி 10ம் தேதி இந்த சம்பவம் நடந்துள்ளது.
சட்டம் ஒழுங்கு சீர் கெட்டு விட்டது.. ஸ்டாலினுக்கு எடப்பாடி பழனிச்சாமி, தினகரன் கண்டனம்
இந்த புகைப்படங்கள் சமூக வலைதளங்களில் வைரலாகியுள்ளன. இன்ஸ்டாகிராமில் 63,000க்கும் மேற்பட்ட லைக்குகளை இது குவித்துள்ளது. டிவிட்டரில் 20 மில்லியன் முறைக்கும் மேல் பார்க்கப்பட்டுள்ளது.
Christ the Redeemer எனப்படும் இந்த சிலையானது, உலகிலேயே மிகப் பெரிய இயேசுநாதர் சிலையாகும். நிலப்பரப்பிலிருந்து 2000 அடி உயரத்தில் கார்காவோடோ மலையின் மீது இந்த சிலை நிறுவப்பட்டுள்ளது. 2007ம் ஆண்டு அறிவிக்கப்பட்ட புதிய உலக அதிசயங்களின் பட்டியலில் இந்த சிலையும் இடம் பெற்றது. 700 டன் கான்க்ரீட்டால் ஆனது இந்த சிலை.
கடந்த காலங்களிலும் கூட இந்த சிலை மின்னல் தாக்கியுள்ளது. 2014ம் ஆண்டு இந்த சிலையை மின்னல் தாக்கியது. அப்போது லேசான சேதம் ஏற்பட்டு பின்னர் சரி செய்யப்பட்டது என்பது நினைவிருக்கலாம்.
சமீபத்திய செய்திகள்
இடி மேல் இடி.. டெல்லி கணேஷ், எழுத்தாளர் இந்திரா செளந்தரராஜன் மறைவு.. எழுத்தாளர் ராஜேஷ் குமார் வேதனை
பிரபல தமிழ் எழுத்தாளர் இந்திரா செளந்தரராஜன் .. மதுரையில் காலமானார்
கேரளாவில் வீட்டுக்கு வீடு இசையமைப்பாளர் இருக்கிறார்.. அதான் என்னை கூப்பிட மாட்டேங்கிறாங்க.. இளையராஜா
நடிகை கஸ்தூரி எங்கே?.. தலைமறைவானதாக பரபரப்பு.. சம்மனை வழங்க முடியாமல் தவிக்கும் போலீஸ்
சென்னை மக்களே.. ரெடியா.. 12ம் தேதி முதல் கன மழை வெளுக்கும்.. தமிழ்நாடு வெதர்மேன் தந்த அலர்ட்!
அண்ணாமலைக்குப் பின்னாடி.. விஜய்க்கு சீமான் கொடுத்த இடம்.. அந்த அன்புத்தம்பிதான் ஹைலைட்டே!
தவெக விஜய்க்கு பின்னால் இருக்கும் விஐபி யார்?.. பரபரக்கும் அரசியல் களம்.. அட, இவர் தானாமே!!
Delhi Ganesh.. 400க்கும் மேற்பட்ட படங்கள்.. ஹீரோ டு காமெடியன்.. மறக்க முடியாத டெல்லி கணேஷ்
நவம்பர் 10 - இன்றைய நல்ல நேரம், செய்ய வேண்டிய வழிபாடு
{{comments.comment}}