கேரளாவுக்கா போகப் போறீங்க.. வெயில் மண்டையைப் பொளக்குதாம்.. !

Apr 18, 2023,02:34 PM IST

திருவனந்தபுரம்: கேரளாவில் பகல் நேர வெப்ப நிலை தொடர்ந்து அதிகரித்து வருகிறது. இதனால் எப்போதும் குளுகுளுவென காணப்படும் கேரளா தற்போது கசகசவென வியர்த்துக் கொட்டுகிறதாம்.

வழக்கமாக கோடைகாலத்தில் எல்லோரும் கேரளாவுக்குப் படையெடுப்பார்கள். காரணம், இயற்கை எழில் கொஞ்சும் கேரளாவில் எப்போதும் குளிர்ச்சியான தட்பவெப்ப நிலை நிலவுவதே. ஆனால் இந்த முறை எல்லாம் தலைகீழாக உள்ளது. அங்கு வெயில் கொளுத்தி வருகிறதாம். கடந்த சில நாட்களாக வெயில் அதிகரித்து வருகிறது. சிறு மழை கூட கேரளாவில் எங்குமே பதிவாகவில்லையாம். பகல் நேர வெப்பநிலை இப்போதைக்குக் குறையாது என்று வானிலை ஆய்வு மையம் தெரிவித்துள்ளது.

கடலுக்கும், நிலத்துக்கும் இடையே பரவலான காற்று இல்லாத காரணத்தால் பகல் நேர வெப்ப நிலை அதிகமாக இருக்கிறது. இதனால் காலை நேரத்திலேயே வியர்த்துக் கொட்டுகிறதாம். வீட்டுக்குள்ளும் இருக்க முடியவில்லை. வெளியிலும் தலை காட்ட முடியாமல் கேரள மக்கள் அவஸ்தைக்குள்ளாகியுள்ளனர். இதை விட கொடுமையாக, கேரளாவில் புற ஊதாக் கதிர்வீச்சும் வழக்கத்தை விட 12 யூனிட் அதிகமாக இருப்பது தெரிய வந்துள்ளது.

வரும் நாட்களில் பாலக்காடு, கண்ணூர், கோழிக்கோடு, திருச்சூர், கோட்டயம், ஆலப்புழா, கொல்லம் மாவட்டங்களில் வெப்ப நிலை அதிகரிக்குமாம். இந்த முறை கோடை மழையானது 38 சதவீதம் குறைந்தே காணப்படுகிறது. அதேசமயம், வயநாடு உள்ளிட்ட சில பகுதிகளில் திங்கள்கிழமை வரை பரவலாக அவ்வப்போது மழை பெய்யும் என அறிவிக்கப்பட்டுள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!

சட்ட மசோதாவுக்கு எதிர்ப்பு தெரிவித்து.. கருப்பு பட்டை அணிந்து சட்டசபைக்கு வந்த.. எம்எல்ஏக்கள்..!

Today gold rate:புதிய உச்சத்தில் தங்கம் விலை... சவரனுக்கு எவ்வளவு உயர்வு தெரியுமா?

எதிர்க்கட்சிகளின் எதிர்ப்புக்கு மத்தியில்..மக்களவையில் நிறைவேறியது.. வக்பு வாரிய சட்ட திருத்த மசோதா

தமிழ்நாடு மின்சார வாரியம் சார்பாக.. ஏப்ரல் 5ல் மின் நுகர்வோருக்கான.. சிறப்பு முகாம் ஏற்பாடு..!

மேகம் கருக்குது மழை வர பாக்குது.. தமிழ்நாட்டில் இன்று முதல் 5 வரை கனமழைக்கு வாய்ப்பு..!

12 ராசிகளுக்குமான இன்றைய ராசிபலன் ஏப்ரல் 03, 2025...யாருக்கு என்ன பலன் காத்திருக்கு?