விடாமல் வறுக்கும் வெயில்.. தமிழ்நாட்டில் 13 நகரங்களில் 100 டிகிரி பாரன்ஹீட்டைத் தாண்டிய வெப்பம்!
சென்னை: தமிழ்நாட்டில் இன்றும் பல ஊர்களில் வெயில் 100 டிகிரி பாரன்ஹீட்டைத் தாண்டி வெளுத்தெடுத்தது.
தமிழ்நாடு முழுவதும் வெயில் வெளுக்கிறது. பல ஊர்களில் 100 டிகிரியைத் தாண்டிப் போய் விட்டது வெயில். குறிப்பாக ஈரோடு, தர்மபுரி, சேலம் நகரங்களில் வெயில் கடுமையாக உள்ளது. மக்கள் பகல் நேரத்தில் வெளியில் வர முடியாத நிலை நிலவுகிறது. வெயில் கடுமையாக இருப்பதோடு மட்டுமல்லாமல் அனல் காற்றும் வீச ஆரம்பித்துள்ளது. இதனால் மக்கள் கடும் அவதிக்குள்ளாகியுள்ளார்கள்.
தமிழ்நாட்டில் அதிகபட்சமாக கரூர் பரமத்தியில் 107 டிகிரி வெயில் பதிவானது. ஈரோடு, தர்மபுரி, சேலம் நகரங்கலில் தலா 106 டிகிரி வெயில் வெளுத்தெடுத்தது. திருச்சியில் 105, நாமக்கல், வேலூர், திருப்பத்தூர், மதுரையில் 104 டிகிரி வெயில் பதிவானது. திருத்தணியில் 103 டிகிரி பாரன்ஹீட் வெயில் வெளுத்தது.. தஞ்சாவூரில் 102 டிகிரி வெயில் பதிவானது.
பாளையங்கோட்டையில் 101 டிகிரி அளவுக்கு இன்று வெயில் பதிவானது. தலைநகர் சென்னையில் 95 டிகிரி பாரன்ஹீட் வெப்பம் பதிவாகியுள்ளது. இருப்பினும் வெப்பம் கடுமையாக இருந்ததால் பகல் நேரங்களில் அனலாக தகித்தது.
தமிழ்நாட்டில் நாளையும் வறண்ட வானிலையே நிலவும் என்று வானிலை ஆய்வு மையம் தெரிவித்துள்ளது. 8ம் தேதி கடலோர மாவட்டங்களில் லேசானது முதல் மிதமான மழை வரை பெய்யக் கூடும் என்றும் வானிலை மையம் தெரிவித்துள்ளது.
10ம் தேதி தென் தமிழகத்தில் மழை
அதேசமயம், 10ம் தேதி தென் தமிழகத்தில் ஓரிரு இடங்களில் இடியுடன் கூடிய மழை பெய்ய வாய்ப்புள்ளதாக நல்ல செய்தியையும் வானிலை ஆய்வு மையம் தெரிவித்துள்ளது. 11 மற்றும் 12 ஆகிய நாட்களிலும் கூட தென் தமிழக மாவட்டங்களில் ஓரிரு இடங்களில் லேசானது முதல் மிதமான மழையை எதிர்பார்க்கலாம். அதேசமயம், வட தமிழக மாவட்டங்கள், புதுச்சேரி, காரைக்காலில் வறண்ட வானிலையே நிலவும் என்றும் தெரிவிக்கப்பட்டுள்ளது.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}