லதா மல்லிகார்ஜூன்... பாஜகவை வீழ்த்திய சுயேச்சை.. காங்கிரஸுக்கு நிபந்தனையில்லாத ஆதரவு!

May 15, 2023,11:34 AM IST

பெங்களூரு: கர்நாடக மாநிலம் ஹரப்பனஹள்ளி தொகுதியில் சுயேச்சையாக போட்டியிட்டு பாஜக வேட்பாளரை வீழ்த்தி வெற்றி பெற்ற லதா மல்லிகார்ஜூன், காங்கிரஸ் கட்சிக்கு நிபந்தனையற்ற ஆதரவு அளிப்பதாக தெரிவித்துள்ளார்.

முன்னாள் கர்நாடக துணை முதல்வர் எம்.பி. பிரகாஷின் மகள்தான் லதா மல்லிகார்ஜூன். காங்கிரஸ் பாரம்பரியத்தைப் பின்னணியாகக் கொண்ட குடும்பத்தைச் சேர்ந்தவர். இந்தத் தேர்தலில் இவர் சுயேச்சையாக ஹரப்பனஹள்ளி தொகுதியில் போட்டியிட்டார். இத்தொகுதியில், பாஜக சார்பில் போட்டியிட்ட கருணாகர ரெட்டியை 13,845 வாக்குகள் வித்தியாசத்தில் வீழ்த்தி வெற்றி பெற்றார். இந்த நிலையில் கர்நாடக காங்கிரஸ் பொறுப்பாளரான அகில இந்திய பொதுச் செயலாளர் ரந்தீப் சிங் சுர்ஜிவாலாவை நேரில் சந்தித்த அவர் காங்கிரஸ் கட்சிக்கு நிபந்தனையற்ற ஆதரவு அளிப்பதாக தெரிவித்தார்.

இதுகுறித்து சுர்ஜிவாலா கூறுகையில், காங்கிரஸ் கட்சிக்கு லதா மல்லிகார்ஜூன் நிபந்தனையற்ற ஆதரவைத் தெரிவித்துள்ளார். அவர் கொள்கை ரீதியாக காங்கிரஸ் கட்சியின் பாரம்பரியத்தைக் கொண்டவர். அவருக்கும், அவரது கணவர் மல்லிகார்ஜூனுக்கும், நான் எனது நன்றிகளைத் தெரிவித்துக் கொள்கிறேன். அத்தனை பேரும் சேர்ந்து 6.5 கோடி கன்னடர்களின் நலனுக்காக உழைப்போம் என்றார் சுர்ஜிவாலா.

எம்.பி. பிரகாஷ் சோசலிசவாதி ஆவார். ஜனதா குடும்பத்தைச் சேர்ந்தவர். தனது கடைசிக்காலத்தில் காங்கிரஸ் கட்சியில் இணைந்து செயல்பட்டார். பின்னர் துணை முதல்வராகவும் இருந்தார். சமீபத்தில் நடந்த கர்நாடக சட்டசபைத் தேர்தலில் காங்கிரஸ் கட்சிக்கு அபார வெற்றி கிடைத்தது. 135 இடங்களில் காங்கிரஸ் வென்றுள்ளது. இதனால் யாருடைய துணையும் இல்லாமல் தனித்து அது ஆட்சியமைக்கவுள்ளது.

சமீபத்திய செய்திகள்

மார்க்சிஸ்ட் கம்யூனிஸ்ட் கட்சியின் அகில இந்திய பொதுச் செயலாளராக .. எம்.ஏ. பேபி தேர்வு!

தமிழ்நாட்டு மண்ணில் பிரதமர் மோடி உறுதி தர வேண்டும்.. ஊட்டியிலிருந்து முதல்வர் மு.க.ஸ்டாலின் கோரிக்கை

நவீன பாம்பன் கடல் பாலம்.. நாட்டுக்கு அர்ப்பணித்தார் பிரதமர் மோடி.. புதிய ரயிலுக்கும் பச்சைக் கொடி!

அமைச்சர் நிர்மலா சீதாராமனை நான் சந்திச்சேனா.. நாம் தமிழர் தலைவர் சீமான் திட்டவட்ட மறுப்பு!

Tamil Nadu rains.. இன்னும் 10 நாட்களுக்கு மழைதான்.. தமிழ்நாடு வெதர்மேன் ஹேப்பி நியூஸ்!

அதிபர் டிரம்ப்புக்கு எதிராக அமெரிக்காவில் வெடித்தது பெரும் போராட்டம்.. வீதிகளில் இறங்கிய மக்கள்!

12 ராசிகளுக்குமான இன்றைய ராசிபலன் ஏப்ரல் 06, 2025...யாருக்கு என்ன பலன் காத்திருக்கு?

Chennai Super Kings no more a champion team?.. தொடர் சொதப்பல் + தோல்விகளால்.. ரசிகர்கள் அதிர்ச்சி!

மீண்டும் ஒரு மோசமான தோல்வியை சந்தித்த சென்னை சூப்பர் கிங்ஸ்.. ரசிகர்கள் கடும் அதிருப்தி!

லதா மல்லிகார்ஜூன்... பாஜகவை வீழ்த்திய சுயேச்சை.. காங்கிரஸுக்கு நிபந்தனையில்லாத ஆதரவு!

Comments

சமீபத்திய செய்திகள்

அதிகம் பார்க்கும் செய்திகள்