அய்யா.. எனக்கு பொண்ணு பாத்து கொடுங்க.. சீரியஸாக கேட்ட விவசாயி.. அப்படியே ஷாக் ஆன கலெக்டர்!

Jun 27, 2024,10:02 AM IST

கொப்பல்: கர்நாடக மாநிலம் கொப்பல் மாவட்டத்தில் மாவட்ட கலெக்டர் நடத்திய மக்கள் குறை தீர்ப்பு நிகழ்ச்சிக்கு வந்த ஒரு இளம் விவசாயி, தனக்கு கல்யாணம் செய்ய பெண் பார்த்துத் தர வேண்டும் என்று கோரி மனு கொடுத்ததால் கூட்டமே கலகலப்பானது. 


மாவட்டந்தோறும் மக்கள் குறை தீர்ப்பு முகாம்கள் அனைத்து மாநில கலெக்டர் அலுவலகங்கள் சார்பாகவும் நடத்தப்படும். அந்த வகையில், கர்நாடக மாநிலம் கொப்பல் மாவட்ட ஆட்சித் தலைவர் அலுவலகம் சார்பில் மக்கள் குறை தீர்ப்பு முகாமுக்கு ஏற்பாடு செய்யப்பட்டிருந்தது. கலெக்டர் நளினி அதுல் உள்ளிட்டோர் அதில் கலந்து கொண்டனர். பல்வேறு தரப்பினரும் வந்து கலெக்டரிடம் புகார்களைக் கொடுத்தனர். அவற்றுக்கு தீர்வு அளித்தபடி இருந்தார் கலெக்டர் நளினி அதுல்.




அப்போது சங்கப்பா என்ற இளம் வயதுடைய விவசாயி ஒருவர் வந்தார். அவர் கொடுத்த புகார் மனுவை வாங்கிப் பார்த்த கலெக்டர் அப்படியே ஆடிப் போய் விட்டார். சங்கப்பாவை நிமிர்ந்து பார்த்தபோது அவரிடமிருந்து எந்த ரியாக்ஷனும் இல்லை. கலெக்டரின் முகத்தில் இப்போது புன்னகை தவழ ஆரம்பித்தது. விவசாயி சங்கப்பாவும் தன்னிடமிருந்த மைக்கில், எனக்கு பொண்ணு கிடைக்க மாட்டேங்குது. விவசாயி என்பதால் யாரும் பெண் தரமாட்டாங்கிறாங்க. நீங்கதான் பார்த்துக் கொடுக்கணும் என்று கூற கூட்டமே கலகலப்பானது.


சங்கப்பா அத்தோடு நிற்காமல், பத்து வருஷமா பொண்ணு தேடிட்டிருக்கேன்.. ஒருத்தரும் என்னைக் கட்டிக்க, மாட்டேங்கிறாங்க என்று கூறினார். அவரது முகமே சீரியஸாக இருந்தது. வருத்தம் தெறித்தது. மேடையில் இருந்தவர்களால் சிரிக்கவும் முடியவில்லை. சிரிப்பை அடக்கவும் முடியவில்லை. எப்படி ரியாக்ட் செய்வது என்று தெரியாமல் ஒருவரை ஒருவர் பார்த்து இதை எப்படி தீர்ப்பது என்று குழப்பத்துடன் காணப்பட்டனர்.


சங்கப்பா தனது பேச்சின் முடிவில், யாராவது ஒரு புரோக்கரிடம் சொல்லி எனக்கு பெண் பார்த்துத் தரச் சொல்லுங்க கலெக்டர் அய்யா என்று கூறியபோது கலெக்டரால் சிரிப்பை அடக்க முடியவில்லை.


ஒவ்வொருத்தருக்கும் எப்படியெல்லாம் பிரச்சினை வருது பாருங்க. சங்கப்பாவுக்கு அவர் நினைத்தபடி, அவரது மனசுக்கேற்ற, நல்ல குணவதியான ஒரு பெண் கிடைக்க நாமும் சேர்ந்து வேண்டிக் கொள்வோம்.. ஊருக்கெல்லாம் சோறு போடற சங்கப்பா, சீக்கிரமே கல்யாணச் சாப்பாடும் போடட்டும்.

சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

பாஜக தலைவர் மாற்றம் உறுதி... அண்ணாமலையே சூசகமாக தகவல்!

news

நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!

அதிகம் பார்க்கும் செய்திகள்