கர்நாடக வெற்றி: "அன்பு வென்றது.. வெறுப்பு விரட்டப்பட்டது".. ராகுல் காந்தி அதிரடி!

May 13, 2023,03:45 PM IST

டெல்லி: கர்நாடக சட்டசபைத் தேர்தல் வெற்றி தொடர்பாக காங்கிரஸ் இளம் தலைவர் ராகுல் காந்தி கருத்து தெரிவித்துள்ளார். அன்பு வென்றதாக அவர் குறிப்பிட்டுள்ளார்.

கர்நாடக சட்டசபைத் தேர்தலில் காங்கிரஸ் கட்சி மாபெரும் வெற்றி பெற்றுள்ளது. இதையடுத்து டெல்லி காங்கிரஸ் தலைமையகத்தில் ராகுல் காந்தி செய்தியாளர்களிடம் பேசினார். அவர் கூறுகையில், வெறுப்புகளின் சந்தை மூடப்பட்டு விட்டது. அன்பின் கடைகள் திறக்கப்பட்டுள்ளன. அன்பு வென்றுள்ளது. மக்களின் சக்தி வென்றுள்ளது. இது பிற மாநிலங்களுக்கும் பரவும்.

மக்கள் பிரச்சினைக்காக காங்கிரஸ் போராடியது. ஏழைகளுக்காக போராடியது. கர்நாடகத்தில் அமையும் காங்கிரஸ் அரசின் முதல் அமைச்சரவைக் கூட்டத்தில் நாங்கள் வாக்களித்த வாக்குறுதிகளில் ஐந்து முதலில் நிறைவேற்றப்படும் என்றார் ராகுல் காந்தி.

பாரத் ஜோதா யாத்திரை மூலம் கர்நாடகத்தில் மிகப் பெரிய எழுச்சியை ஏற்படுத்தியிருந்தார் ராகுல் காந்தி. மேலும் பிரச்சாரத்தின்போதும் கூட அவர் எளிமையானதாக அதை மாற்றியிருந்தார். ஆடம்பரமாக எதையும் செய்யவில்லை. சாதாரண மனிதராக அவர் வலம் வந்தார். டூவீலரில் ஜாலியாக போனார். மக்களோடு மக்களாக அமர்ந்து பேசினார். பஸ்களில் பயணித்தார்.

எளிய முறையில் வலம் வந்த ராகுல் காந்தி மீது மக்களுக்கும் ஒரு விதமான பாசஉணர்வு சூழ்ந்திருந்தது. அவரது எம்பி பதவிபறிப்பு அவர் மீதான அனுதாபத்தைக் கூட்டியிருந்ததும் கூடுதல் காரணமாகும். மொத்தத்தில் காங்கிரஸ் கட்சி, எல்லாவற்றுக்கும் சேர்த்து கர்நாடகத்தில் வச்சுசெய்து விட்டது என்றே சொல்லலாம்.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

கர்நாடக வெற்றி: "அன்பு வென்றது.. வெறுப்பு விரட்டப்பட்டது".. ராகுல் காந்தி அதிரடி!

Comments

சமீபத்திய செய்திகள்

அதிகம் பார்க்கும் செய்திகள்