"காசு பணம் துட்டு money money".. இந்திய வீரர்களை வெளுத்தெடுத்த கபில்தேவ்!

Jul 30, 2023,02:10 PM IST

டெல்லி: இந்திய அணியின் பெரும்பாலான வீரர்களுக்கு காசு, பணம்தான் முக்கியமாக போய் விட்டது. திமிர்த்தனம் வந்து விட்டது. யாரையும் மதிப்பதில்லை, மூத்தவர்களிடம் ஆலோசனை கேட்பதும் இல்லை என்று முன்னாள் கேப்டன் கபில் தேவ் மிகக் காட்டமாக சாடியுள்ளார்.

சமீபத்தில் முன்னாள் கேப்டன் சுனில் கவாஸ்கரும் இப்படித்தான் புலம்பியிருந்தார். அவர் கூறுகையில், யாருமே என்னிடம் ஆலோசனை கேட்பதில்லை. ராகுல் டிராவிட், சச்சின் டெண்டுல்கர், வி.வி.எஸ்.லட்சுமண் ஆகியோர் விளையாடியபோது அடிக்கடி என்னிடம் பேசுவார்கள். தொடர்ந்து என்னுடன் தொடர்பில் இருப்பார்கள். ஏதாவது பிரச்சினை என்றால் உடனே என்னைத் தொடர்பு கொள்வார்கள்.

நானும் அவர்களிடம் அவர்கள் செய்த தவறு என்ன, அதை எப்படி சரி செய்வது என்று தெளிவுபடுத்துவேன். திருத்திக் கொள்வார்கள். அதில் எனக்கு எந்த ஈகோவும் இருந்ததில்லை. அவர்களிடமும் ஈகோ இருந்ததில்லை. ஆனால் இப்போது அப்படி இல்லை. யாரும் என்னிடம் ஆலோசனை கேட்க வருவதில்லை, பேசுவதில்லை என்று குமுறியிருந்தார் கவாஸ்கர்.

இந்த நிலையில் கவாஸ்கரின் கருத்தை ஆமோதித்து கபில் தேவும் பேசியுள்ளார். இப்போது உள்ள வீரர்கள் தங்கள் மீது மிகவும் நம்பிக்கையுடன் உள்ளனர். அது நல்ல விஷயம்தான். கெட்ட விஷயம் என்னவென்றால் தங்களுக்குத்தான் எல்லாம் தெரியும் என்று குருட்டாம்போக்கில் நம்புகின்றனர். அது தவறானது. யாரிடமும் நாம் போய் ஆலோசனை கேட்கத்தேவையில்லை என்று அவர்கள் கருதுகிறார்கள். ஆனால் அனுபவம் வாய்ந்த ஒருவரால் இவர்களுக்கு நிச்சயம் உதவ முடியும் என்பது எனது நம்பிக்கை.

நிறையப் பணம் வருகிறது.. கூடவே திமிர்த்தனமும் வந்து விடுகிறது. எல்லாமே எங்களுக்குத் தெரியும் என்ற மிதப்பு வந்து விடுகிறது. பல வீரர்களுக்கு உதவி செய்ய நாங்கள் தயாராக இருக்கிறோம். கவாஸ்கர் இருக்கிறார். ஏன் அவர்களுடன் இவர்கள் பேசக் கூடாது.. இதில் என்ன ஈகோ இருக்கிறது. அதெல்லாம் தேவையில்லை என்றார் கோபத்துடன்.

உண்மையில் ஐபிஎல் எல்லாம் வந்த பிறகுதான் இந்திய வீரர்கள் மிகப் பெரிய அளவில் வர்த்தகப் பொருளாக மாறி விட்டனர். ஐபிஎல்லில் விலை போகாதவர்களுக்கு கிரிக்கெட் வாழ்க்கையே கூட அஸ்தமித்துப் போய் விடுகிறது. அந்த அளவுக்கு வணிகமயமாகி விட்டது இன்றைய கிரிக்கெட். இந்த நிலையில் கபில் தேவையும், கவாஸ்கரையுமா அவர்கள் தேடுவார்கள்.. அவர்கள் டார்கெட்டே வேற பாஸ்!

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

"காசு பணம் துட்டு money money".. இந்திய வீரர்களை வெளுத்தெடுத்த கபில்தேவ்!

Comments

சமீபத்திய செய்திகள்

அதிகம் பார்க்கும் செய்திகள்