"ஹாய் மாக்ஸி.. ஹாய் மினி.. அதைச் சொல்ல வந்தேன் அதுக்குள்ள"!!

Sep 11, 2023,01:54 PM IST

- மீனா

சென்னை: திங்கள்கிழமையும் அதுவுமா டல்லா இருக்கக் கூடாதுல்ல.. காலையிலேயே சடசடனன்னு வேலையைப் பார்த்துட்டு இருப்பீங்க எல்லோரும்.. அப்படியும் யாராச்சும் டல்லடிச்சா. இதோ இருக்கு கலகலன்னு சிரிக்க வைக்கிற மருந்து நம்ம கையில.. !

லன்ச் முடிச்சுட்டா.. ஜாலியா வந்து படிச்சு சிரிச்சுட்டு அடுத்த வேலையப் பாருங்க.. லன்ச்க்கு இன்னும் போகாதவங்களா இருந்தா.. இதை பார்த்து சிரிச்சுட்டு அப்புறமா சாப்பிடப் போங்க.

மொத்தத்துல.. எங்களுக்கு.. நீங்க சிரிச்சா போதும்!

நடு ரோட்டில் பிச்சை எடுக்க வேண்டியதுதான்!

மனைவி: என்னங்க எனக்கு இன்னைக்கு காலைல ஒரு நல்ல கனவு வந்துச்சு

கணவன்: அப்படி என்ன கனவு கண்ட?

மனைவி: எனக்கு நீங்க 100 பவுன் நகை 50 பட்டுப் புடவை அதை வைக்கிறதுக்கு ஒரு பீரோ கூட வாங்கி கொடுத்தீங்க தெரியுமா.

கணவன்: உனக்கு மட்டும் எப்படி தான் இப்படி எல்லாம் கனவு வருதோ தெரியல.

மனைவி: ஏங்க, எல்லா கனவுக்குமே ஒரு பலன் உண்டு என்று சொல்கிறார்களே . அப்போ இந்த கனவுக்கு பலன் என்னவாக இருக்கும்.

கணவன்: வேறென்ன நடுரோட்டில் நான் பிச்சை எடுக்கிறது தான்.

ஹாய் மேக்ஸி.. ஹாய் மினி!

தங்கை: வாங்க அக்கா

அக்கா: நல்லாருக்கியா .. உன் பையன் எப்படி படிக்கிறான்.

தங்கை: பெரிய ஸ்கூல்ல படிக்கிறான். அவங்க ஸ்கூல்ல எல்லாம் இங்கிலீஷ்ல மட்டும் தான் பேசணுமாம் அப்படிப்பட்ட ஸ்கூல்ல தான் படிக்கிறான்.

அக்கா: அப்படியா?

தங்கை: ஆமாக்கா அதனால வீட்டுல நாங்களே தமிழ்ல பேசினாலும் கூட அவன் இங்கிலீஷ்ல தான் பேசுவான்.

அக்கா: பரவாயில்லையே நல்ல ஸ்கூல்ல தான் சேர்த்து இருக்க.

தங்கை: இதோ வந்துட்டான் பாருங்க

மகன்: ஹாய் மம்

அம்மா: இதோ உன்னுடைய பெரியம்மாவும் , சித்தியும் வந்திருக்கிறாங்க பாரு அவங்கள வாங்கனு சொல்லு. அவங்க நீ இங்கிலீஷில் பேசுறதை கேட்க ஆவலா இருக்காங்க.

மகன்: "ஹாய் மேக்ஸி மம், ஹாய் மினி மம்".

அக்கா, தங்கை:??😲😲

அதைச் சொல்ல வந்தேன் அதுக்குள்ள!

தோழி 1: ஏன்டி இப்படி வீட்டை அலங்கோலமா போட்டு வச்சிருக்கிற?

தோழி 2: ஆமாடி ,நேத்து என் கணவர் வீட்டில் இருந்தாரு. அதனால வீடும் நீட்டா இருந்துச்சு. இன்னைக்கு அவரு வேலை விஷயமா வெளியூர் போயிட்டாரு அதனாலதான்.

தோழி 1: அப்போ உன் கணவர் வீட்டுல இருந்தா அவர் திட்டுவாரு என்று பயந்து நீ வீட்டை சுத்தமா வெச்சிருப்ப. இப்ப அவர் இல்லாததுனால இப்படி போட்டு வச்சிருக்க அப்படித்தானே

தோழி 2: அப்படியெல்லாம் ஒன்னும் இல்ல. அவர் வீட்டில் இருந்தார்னா அவரே வீட்டை கூட்டிப் பெருக்கி நீட் ஆக்கி இருப்பாரு.., அதை சொல்ல வந்தேன் அதுக்குள்ள அவசரப்படுற!

தோழி 1: அடிப்பாவி!😲

அப்படின்னா தலைக்குள்ள இல்லையாம்மா!

மகள்: அம்மா எனக்கு வயிறு ரொம்ப வலிக்குது.

அம்மா: ஒழுங்க சாப்பாடுனு சொன்னா கேக்குறியா

மகள்: சாப்பிடலேன்னாலும் வயிறு வலிக்குமாம்மா.

அம்மா: ஆமா, வயித்துல ஒன்னும் இல்லைனா வயிறு வலிக்க தான் செய்யும்.

மகள்: அம்மா, அப்ப நேத்து உங்களுக்கு தலை வலிக்குதுன்னு சொன்னீங்க. அப்போ உங்களுக்கும் இதனால் தானா?

அம்மா:😲😲

சமீபத்திய செய்திகள்

தவெக மாநாட்டுக்கு நிலம் தந்த விவசாயிகள்.. விருந்து வைத்த விஜய்.. வாசலில் வரவேற்ற புஸ்ஸி ஆனந்த்!

Maharashtra poll results: உத்தவ், சரத் பவாருக்கு கெட் அவுட் சொன்ன ஏக்நாத் ஷிண்டே, அஜீத் பவார்!

தொடர் உயர்வில் தங்கம்... சவரன் ரூ.58,000த்தை கடந்தது.. திகைப்பில் மக்கள்

Wayanad: வயநாட்டில் கொடி நாட்டிய பிரியங்கா காந்தி.. 4வது தலைமுறையிலிருந்து மேலும் ஒரு எம்.பி

மகாராஷ்டிராவில் மீண்டும் பாஜக கூட்டணி ஆட்சி.. ஜார்க்கண்ட் ஆட்சியை தக்க வைத்தது ஜேஎம்எம் காங் கூட்டணி

சனாதன சக்திகளை ஓங்க விட்டு விடாதீர்கள்.. திரைத்துறையினருக்கு திருமாவளவன் கோரிக்கை

Wayanad by poll resutls.. அபார வெற்றியை நோக்கி பிரியங்கா காந்தி.. 3.20 லட்சம் வாக்குகள் வித்தியாசம்!

வங்க கடலில் இன்று உருவாகிறது.. காற்றழுத்த தாழ்வு.. நாளை வரை மிதமான மழை பெய்ய வாய்ப்பு..!

நவம்பர் 23 - இன்றைய நல்ல நேரம், செய்ய வேண்டிய வழிபாடு

"ஹாய் மாக்ஸி.. ஹாய் மினி.. அதைச் சொல்ல வந்தேன் அதுக்குள்ள"!!

Comments

சமீபத்திய செய்திகள்

அதிகம் பார்க்கும் செய்திகள்