ஆபாச வீடியோ சர்ச்சை.. தேவெ கெளடா பேரன் பிரஜ்வால் ரேவண்ணா.. ஜேடிஎஸ் கட்சியிலிருந்து சஸ்பெண்ட்

Apr 30, 2024,05:15 PM IST

பெங்களூரு:  ஆபாச வீடியோ சர்ச்சையில் சிக்கிய முன்னாள் பிரதமர் தேவே கெளடாவின் பேரனும், மதச்சார்பற்ற ஜனதாதளம் கட்சியின் ஹசன் தொகுதி எம்.பியுமான பிரஜ்வால் ரேவண்ணா கட்சியை விட்டு இன்று சஸ்பெண்ட் செய்யப்பட்டார்.


உதவி கேட்டு வந்த பெண்கள், இடமாறுதல் கோரி, பணி நியமனம் கோரி அணுகிய பெண்கள் உள்ளிட்ட ஆயிரக்கணக்கான பெண்களிடம் தவறாக நடந்து கொண்டு அவற்றை வீடியோவில் பதிவு செய்து வைத்த சர்ச்சையில் சிக்கியுள்ளார் பிரஜ்வால் ரேவண்ணா. கர்நாடக அரசியலை இந்த சம்பவம் உலுக்கி எடுத்து வருகிறது.




கர்நாடகாவில் நடந்த முதல் கட்ட தேர்தலுக்கு முன்பாக இந்த வீடியோ விவகாரம் வெளியானதால் பாஜக கூட்டணியில் இடம் பெற்றுள்ள மதச்சார்பற்ற ஜனதாதளம் தலைவர்கள் அதிர்ச்சி அடைந்தனர். யார் இந்த வீடியோக்களை வெளியிட்டார்கள் என்ற பரபரப்பும் அதிர்ச்சியும் அவர்களை சுழற்றியடித்து வருகிறது.  இந்த விவகாரம் பாஜக - ஜேடிஎஸ் கூட்டணிக்கு கடும் பின்னடைவை ஏற்படுத்தியுள்ளதாக கருதப்படுகிறது.


இந்த நிலையில் இன்று பிரஜ்வால் ரேவண்ணா கட்சியை விட்டு சஸ்பெண்ட் செய்யப்பட்டார்.  இந்த விவகாரம் தொடர்பாக விளக்கம் அளிக்குமாறும் கூறி நோட்டீஸும் அவருக்கு அனுப்பப்பட்டுள்ளது. இதுதொடர்பாக கட்சி இன்று அறிவிப்பு வெளியிட்டுள்ளது.  ஆனால் தற்போது பிரஜ்வால் இந்தியாவிலேயே இல்லை. அவர் ஜெர்மனிக்கு போய் விட்டார். திரும்ப வருவாரா என்று தெரியவில்லை. ஹசன் தொகுதியில் அவர் மீண்டும் நிறுத்தப்பட்டுள்ளார் என்பது நினைவிருக்கலாம்.


இதற்கிடையே, இந்த விவகாரம் தொடர்பாக முன்னாள் முதல்வரும், பிரஜ்வாலின் சித்தப்பாவுமான எச். டி. குமாரசாமி கூறுகையில்,  பிரஜ்வால் ரேவண்ணாவாக இருந்தாலும் சரி, யாராக இருந்தாலும் சரி, தவறு செய்திருந்தால் அவர்களை நான் காப்பாற்ற மாட்டேன். இது தனிப்பட்ட பிரச்சினை. இதை காங்கிரஸ் அரசியலாக்கியிருக்கிறது. மொத்த குடும்பத்தின் பெயரையும் கெடுக்கும் முயற்சியில் இறங்கியுள்ளனர் என்றார் அவர்..

சமீபத்திய செய்திகள்

news

Chennai Super Kings no more a champion team?.. தொடர் சொதப்பல் + தோல்விகளால்.. ரசிகர்கள் அதிர்ச்சி!

news

மீண்டும் ஒரு மோசமான தோல்வியை சந்தித்த சென்னை சூப்பர் கிங்ஸ்.. ரசிகர்கள் கடும் அதிருப்தி!

news

தமிழ்நாட்டு மக்களின் கோரிக்கைகளை இலங்கை உறுதி செய்ய வேண்டும்: பிரதமர் மோடி இலங்கையில் பேச்சு!

news

நீட் தேர்வு.. மாணவ மாணவியரின் தற்கொலைகளுக்கு.. தமிழக அரசு என்ன செய்யப் போகிறது: டாக்டர் ராமதாஸ்

news

தமிழ்நாட்டில்.. நேற்று போலவே இன்றும் மழை தொடரும்.. வெதர்மேன் தகவல்!

news

தமிழக பாஜக தலைவர் நியமனம் எப்போது?.. 11 ஆம் தேதி அன்று தெரியும்!

news

எம்புரான் பட இயக்குனர்.. நடிகர் பிரித்விராஜுக்கு வருமான வரித்துறை அதிரடி நோட்டீஸ்

news

தர்பூசணி விவசாயிகளுக்கு அரசு உரிய இழப்பீடு வழங்க வேண்டும் - நாதக ஒருங்கிணைப்பாளர் சீமான்!

news

அதிரடியாக மாற்றம் செய்யப்பட்டார்.. சென்னை மாவட்ட உணவு பாதுகாப்புத் துறை அதிகாரி சதீஷ்குமார்!

அதிகம் பார்க்கும் செய்திகள்