ஜவான் பட்டையைக் கிளப்புது.. அட்லீ அசத்தல்.. ஷாருக் கான் செம.. ரசிகர்கள் கொண்டாட்டம்!

Sep 07, 2023,09:58 AM IST

சென்னை: அட்லீ இயக்கத்தில் ஷாருக்கான் நடிப்பில் உருவாகியுள்ள ஜவான் படம் உலகம் முழுவதும் இன்று ரிலீஸாகி பாராட்டுக்களையும், புகழாரங்களையும் வாரிக் குவித்துக் கொண்டுள்ளது.

படம் பார்த்த அனைவருமே பிரமாண்டமாக இருக்கிறது.. அட்லீயின் இந்திப் பிரவேசம் அட்டகாசமாக இருக்கிறது. ஷாருக் கான் தான் ஒரு மாஸ் என்டர்டெய்னர் என்பதை நிரூபித்து விட்டார். வேற லெவல் நடிப்பு என்று புகழ்கின்றனர். இசையமைப்பாளர் அனிருத்துக்கும் பாராட்டுகள் குவிகின்றன.

ஷாருக்கானின் சொந்தத் தயாரிப்பான ஜவான் இந்தி, தமிழ், தெலுங்கு ஆகிய மொழிகளில் இன்று வெளியானது. இந்தப் படத்தை ஷாருக் கான் ரசிகர்கள் மட்டுமல்லாமல் ஒட்டுமொத்த திரை ரசிகர்களும் ஆவலோடு எதிர்பார்த்துக் காத்திருந்தனர். அவர்களது காத்திருப்பு வீண் போகவில்லை என்பது படத்தைப் பார்த்தாலே தெரிகிறது.

செமையான பொழுதுபோக்கு படமாக இது மலர்ந்திருப்பதாக படம் பார்த்தவர்கள் சிலாகிக்கின்றனர். ஜவான் இந்தியாவின் மிகப் பெரிய பிளாக்பஸ்டர் என்று மும்பையைச் சேர்ந்த திரை விமர்சகர்கள் பலரும் கூறியுள்ளனர். அதேபோல தென்னிந்தியாவைச் சேர்ந்த பல முன்னணி விமர்சகர்களும் கூட படம் வேற லெவலில் வந்திருப்பதாக பாராட்டியுள்ளனர்.

திரும்பிய பக்கமெல்லாம் பாசிட்டிவ் ரெவ்யூக்கள்தான் அதிகம் காணப்படுகின்றன. படத்தின் உருவாக்கம், அட்லீ இயக்கம், ஷாருக் கானின் நடிப்பு, இசை என எல்லாமே அட்டகாசமாக வந்திருப்பதாக பாராட்டுக்கள் குவிகின்றன.

தான் ஒரு மாஸ் இயக்குநர் என்பதை அட்லீ நிரூபித்து விட்டதாக இந்தி விமர்சகர்கள் பாராட்டியிருப்பதுதான் இங்கு முக்கியமானது. படத்தின் கிளைமேக்ஸ் அட்டகாசம் என்றும் பாராட்டுக்கள் குவிகின்றன. படத்தில் மொத்தம் 7 விதமான கெட்டப்களில் ஷாருக் கான் வருகிறார். அத்தனையிலும் அவர் ஜொலித்துள்ளார். சமூக நீதிக்காக போராடும் கேரக்டரில் ஷாருக்கான் நடித்துள்ளார். அதை லட்டு போல தூக்கிச் சாப்பிட்டுள்ளார்.

ஜவான் விரைவிலேயே ரூ. 1000 கோடி வசூலைத் தாண்டும் என்றும் பலரும் சொல்லி வருகின்றனர்.

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

ஜவான் பட்டையைக் கிளப்புது.. அட்லீ அசத்தல்.. ஷாருக் கான் செம.. ரசிகர்கள் கொண்டாட்டம்!

Comments

சமீபத்திய செய்திகள்

அதிகம் பார்க்கும் செய்திகள்