ஜெயிலர் முதல் நாள் வசூல் : ஒரே நாளில் முதலிடத்திற்கு சென்ற சூப்பர்ஸ்டார்

Aug 11, 2023,12:21 PM IST

சென்னை : ரஜினி நடித்த ஜெயிலர் படம் முதல் நாளிலேயே வசூலில் மற்ற ஹீரோக்களின் படங்களின் வசூலை ஓவர் டேக் செய்து முதலிடம் பிடித்துள்ளது. 2023 ம் ஆண்டில் ரிலீசான பெரிய படங்களில் ஜெயிலர் படம் தான் முதல் நாளில் அதிக வசூலை பெற்றுள்ளது.

டைரக்டர் நெல்சன் திலீப் குமார் இயக்கத்தில் ரஜினி நடித்துள்ள ஜெயிலர் படம் ஆகஸ்ட் 10 ம் தேதியான நேற்று உலகம் முழுவதும் ரிலீஸ் செய்யப்பட்டது. உலகம் முழுவதும் கிட்டதட்ட 7000 தியேட்டர்களில் ஜெயிலர் படம் ரிலீஸ் செய்யப்பட்டுள்ளது. இந்த படம் ரசிகர்களிடமும் விமர்சகர்களிடமும் பாசிடிவான விமர்சனங்களை பெற்று பாராட்டை பெற்றுள்ளது. கிட்டத்தட்ட ரூ.250 கோடி செலவில் இந்த படம் எடுக்கப்பட்டுள்ளது.

ஜெயிலர் படம் முதல் நாளிலேயே உலகம் முழுவதும் ரூ.70 கோடிகளை வசூல் செய்துள்ளது. இதில் இந்தியாவில் மட்டும் ரூ.49 கோடிகளை வசூல் செய்துள்ளது. தமிழகத்தில் ரூ.29.46 கோடிகளையும், கர்நாடகாவில் ரூ.11 கோடிகளையும், ஆந்திரா மற்றும் தெலுங்கானாவில் ரூ.7 கோடிகளையும் ஜெயிலர் படம் வசூல் செய்துள்ளது. 2023 ம் ஆண்டு ரிலீசான பெரிய பட்ஜெட் படங்களில் ஜெயிலர் படம் தான் முதல் நாளிலேயே இவ்வளவு அதிகமான வசூலை பெற்றுள்ளது.

இதற்கு முதன் அஜித்தின் துணிவு படம் தான் ரூ.24.59 கோடியுடன் முதல் இடத்தில் இருந்து வந்தது. பொன்னியின் செல்வன் 2 முதல் நாளில் ரூ.21.37 கோடிகளை வசூல் செய்து 3வது இடத்தில் உள்ளது. விஜய்யின் வாரிசு படம் முதல் நாளில் ரூ.19.43 கோடிகளை வசூல் செய்துள்ளது. இதைத் தொடர்ந்து மாவீரன், மாமன்னன், வாத்தி, பத்துதல ஆகிய படங்கள் உள்ளன.

எத்தனை ஹீரோக்கள் வந்தாலும் ரஜினியின் மாஸ் எப்போதும் குறையாது. சூப்பர் ஸ்டார், சூப்பர் ஸ்டார் தான் என ஜெயிலர் படத்திற்கு ரசிகர்கள் கொடுத்துள்ள வரவேற்பும், முதல் நாள் வசூலும் நிரூபித்துள்ளது.

ஜெயிலர் விமர்சனம்

https://www.youtube.com/watch?v=tmxAUH77Zss&t=13s

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!