ஐபிஎல் ஏலத்தில் புதிய வரலாறு.. ரூ. 20.50 கோடிக்கு ஏலம் போனார் பேட் கமின்ஸ்.. சன்ரைசர்ஸ் அசத்தல்!
துபாய்: ஐபிஎல் ஏலத்தில் இன்று புதிய வரலாறு படைக்கப்பட்டது. மிகப் பெரிய தொகைக்கு ஏலம் போன முதல் வீரர் என்ற பெயரை பாட் கமின்ஸ் படைத்தார். ரூ. 20.50 கோடிக்கு அவரை சன்ரைசர்ஸ் ஹைதராபாத் அணி ஏலம் எடுத்து மிரட்டி விட்டது.
ஆஸ்திரேலிய வீரரான பாட் கமின்ஸ் 18 வயது முதல் கிரிக்கெட் ஆடி வருகிறார். அட்டகாசமான வீரர் இவர். ஆஸ்திரேலியாவின் டெஸ்ட் கேப்டனாக அசத்தியவர். அவரது டெஸ்ட் அறிமுகத்திலேயே 7 விக்கெட்களை வீழ்த்தி ஆச்சரியப்படுத்தியவர். ஆஸ்திரேலிய அணியில் மிகவும் இளம் வயது வீரராக அறிமுகமாகியவர் பாட் கமின்ஸ்.
இடையில் சில காலம் காயம் காரணமாக விளையாட முடியாமல் இருந்தவர், அதிலிருந்து மீண்டு வந்து அசத்தியவர். சில காலம் உலகின் நம்பர் 1 டெஸ்ட் பந்து வீச்சாளராக ஜொலித்தவர். இப்படி பல்வேறு பெருமைகளுடன் வலம் வரும் அவர் சமீபத்திய உலகக் கோப்பைத் தொடரிலும் அட்டகாசமான பெர்பார்மன்ஸைக் கொடுத்தார்.
இன்று அவரை ஏலம் எடுக்க கடும் போட்டி நிலவியது. ஆனால் சன்ரைசர்ஸ் ஹைதராபாத் அணி தனது மொத்த பர்ஸும் காலியானாலும் பரவாயில்லை.. கமின்ஸை எடுத்தாக வேண்டும் என்பதில் உறுதியாக இருந்தது. இதனால் அவர்களது கையிருப்பு கிட்டத்தட்ட காலியாகும் நிலையை நெருங்கியும் கூட அவர்கள் விடவில்லை. கடைசியில் ரூ. 20.50 கோடிக்கு ஏலம் போனார் கமின்ஸ். சன்ரைசர்ஸ் ஹைதராபாத் இந்த அளவுக்கு இவரை விலை கொடுத்து வாங்கியது மற்ற அணியினரை வியப்பில் ஆழ்த்தியது.
ஐபிஎல் தொடர்களில் இதற்கு முன்பு இதுபோ மிகப் பெரிய விலைக்கு ஏலம் எடுக்கப்பட்ட பலரும் சோபித்ததில்லை. ஆனால் பேட் கமின்ஸ் அந்த வரலாற்றை மாற்றியமைப்பாரா என்பதை பொறுத்திருந்து பார்க்க வேண்டும்.
சமீபத்திய செய்திகள்
எம்புரான் பட இயக்குனர்.. நடிகர் பிரித்விராஜுக்கு வருமான வரித்துறை அதிரடி நோட்டீஸ்
பாம்பன் பாலத்தை திறந்து வைக்க நாளை வருகிறார்.. பிரதமர் மோடி..பாதுகாப்பு ஏற்பாடுகள் தீவிரம்..!
தர்பூசணி விவசாயிகளுக்கு அரசு உரிய இழப்பீடு வழங்க வேண்டும் - நாதக ஒருங்கிணைப்பாளர் சீமான்!
இலங்கையில் பிரதமர் மோடி.. ஜனாதிபதி மாளிகையில் அணி வகுப்பு மரியாதையுடன் வரவேற்பு..!
நீட் தேர்வு.. மாணவ மாணவியரின் தற்கொலைகளுக்கு.. தமிழக அரசு என்ன செய்யப் போகிறது: டாக்டர் ராமதாஸ்
12 ராசிகளுக்குமான இன்றைய ராசிபலன் ஏப்ரல் 05, 2025...யாருக்கு என்ன பலன் காத்திருக்கு?
தொடர் குறைவில் தங்கம் விலை... மகிழ்ச்சியில் வாடிக்கையாளர்கள்!
அதிரடியாக மாற்றம் செய்யப்பட்டார்.. சென்னை மாவட்ட உணவு பாதுகாப்புத் துறை அதிகாரி சதீஷ்குமார்!
தமிழ்நாட்டில்.. நேற்று போலவே இன்றும் மழை தொடரும்.. வெதர்மேன் தகவல்!
{{comments.comment}}