IPL 2025.. பிரித்து மேய்ந்த பில் சால்ட்.. வச்சு செய்த விராட் கோலி.. கொல்கத்தாவுக்கு முதல் தோல்வி!

Mar 22, 2025,10:52 PM IST

கொல்கத்தா: ஐபிஎல் 2025 தொடரின்  முதல் போட்டியே பட்டையைக் கிளப்பி விட்டது. கொல்கத்தா நைட் ரைடர்ஸ் அணியினர் செய்த அதகள பேட்டிங்கை முதலில் ஒடுக்கிய ராயல் சேலஞ்சர்ஸ் பெங்களூரு அணி பின்னர் சேசிங்கில் கொல்கத்தாவை வச்சு செய்து விட்டது. கொல்கத்தாவை அதன் சொந்த மண்ணில் வைத்தே சிறப்பான சம்பவத்தை நிகழ்த்தி விட்டது பெங்களூரு அணி.


கொல்கத்தா ஈடன் கார்டன் மைதானத்தில் இன்று கோலாகலமான ஐபிஎல் 2025 தொடக்க விழா நடைபெற்றது. இதையடுத்து முதல் போட்டி தொடங்கியது. நடப்புச் சாம்பியன் கொல்கத்தா நைட் ரைடர்ஸ் அணியும், இதுவரை சாம்பியன் பட்டம் பெறாமல் தவித்துக் கொண்டிருக்கும் ராயல் சேலஞ்சர்ஸ் பெங்களூரு அணியும் மோதின.



ராயல் சேலஞ்சர்ஸ் பெங்களூரு அணியின் கேப்டன் ரஜத் படீதார் டாஸ் வென்றார். தனது அணி முதலில் பந்து வீச்சை எடுப்பதாக அவர் அறிவித்தார். இதையடுத்து அஜிங்கியா ரஹானே தலைமையிலான கொல்கத்தா நைட் ரைடர்ஸ் அணி பேட் செய்தது. முதல் விக்கெட்டாக குவின்டன் டி காக் 4 ரன்களில் ஆட்டமிழந்தார்.


ஆனால் அடுத்து ஜோடி சேர்ந்த அஜிங்கியா ரஹானேவும், சுனில் நரீனும் சேர்ந்து ராயல் சேலஞ்சர்ஸ் பெங்களூரு பவுலர்களை பிரித்து மேய்ந்து விட்டனர். குறிப்பாக கேப்டன் ரஹானே அடித்து நொறுக்கி விட்டார். 31 பந்துகளைச் சந்தித்த ரஹானே 56 ரன்களைக் குவித்து ஆட்டமிழந்தார். சுனில் நரீன் 44 ரன்களைக் குவித்தார்.




இந்த ஜோடியைப் பிரிக்க முடியாமல் தடுமாறியது பெங்களூரு அணி. ஆனால் இந்த ஜோடியை வெற்றிகரமாக பிரித்து வைத்தார் க்ருனால் பாண்ட்யா. அதன் பிறகு பெரிய பார்ட்னர்ஷிப் அமையாமல் பெங்களூரு பந்து வீச்சாளர்கள் பார்த்துக் கொண்டனர். இதன் விளைவாக, படு வேகமாக சீறிக் கொண்டிருந்த கொல்கத்தா அணி பெட்டிப் பாம்பாக மாறிப் போனது.


இடையில் ஆங்கிரிஷ் ரகுவன்ஷி மட்டும் சற்று சிறப்பாக ஆடி 30 ரன்களைச் சேர்த்தார். மற்றவர்கள் சொதப்பி விட்டனர். இதனால் 20 ஓவர்களில் 8 விக்கெட் இழப்புக்கு 174 ரன்களுடன் நின்று விட்டது கொல்கத்தா நைட் ரைடர்ஸ்.



பெங்களூரு அணி தரப்பில் க்ருனால் பாண்ட்யா சிறப்பாக பந்து வீசி3 விக்கெட்களையும், ஜோஷ் ஹேசல்வுட் 2 விக்கெட்களையும் சாய்த்தனர். யாஷ் தயாள், ரசீக் சலாம், சுயாஸ் சர்மா ஆகியோருக்கு தலா 1 விக்கெட் கிடைத்தது.


இதையடுத்து தனது சேசிங்கைத் தொடங்கிய பெங்களூரு அணியின் தொடக்கமே கோலாகலமாக அமைந்தது. முதல் பந்தையை பவுண்டரிக்கு விரட்டினார் பில் சால்ட். அடுத்தடுத்த அவர் காட்டிய சரவெடியைப் பார்த்து விராட் கோலியே கூட ஆச்சரியமானார். பில் சால்ட்டுக்கு இணையாக விராட் கோலியும் அவ்வப்போது அனலைக் கக்க கொல்கத்தா பவுலர்கள் நொந்து போய் விட்டனர். முதல் பந்திலிருந்தே அதிரடியாக ஆடி வந்த பெங்களூரு அணி வெறும் 3 விக்கெட்களை மட்டுமே இழந்து வெற்றி இலக்கைத் தொட்டு தனது முதல் வெற்றியை சுவைத்தது.


16.2 ஓவர்களில் 177 ரன்களை பெங்களூரு அணி எடுத்து வெற்றி பெற்றது.  பில் சால்ட் 31 பந்துகளில் 56 ரன்களை குவித்தார். விராட் கோலி ஆட்டமிழக்காமல் 59 ரன்களை விளாசினார். கேப்டன் படீதார் 16 பந்துகளில் 34 ரன்களை வெளுத்தார்.


சென்னை போட்டி நாளை


நாளை ஐபிஎல் தொடரில் 2 போட்டிகள் நடைபெறவுள்ளன. அதில் முக்கியமாக சென்னை சூப்பர் கிங்ஸ், மும்பை இந்தியன்ஸ் அணி போட்டி இரவு 7.30 மணிக்கு சேப்பாக்கம் ஸ்டேடியத்தில் நடைபெறவுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

கச்சத்தீவை மீட்க வேண்டும்.. முதல்வர். மு.க.ஸ்டாலின் தனி தீர்மானம்.. ஒரு மனதாக நிறைவேற்றம்!

news

அடுத்தடுத்த என்கவுண்டர்.. அதிரடி காட்டும் தமிழ்நாடு போலீஸ்.. பதற்றத்தில் கிரிமினல்கள்!

news

பாகிஸ்தான் ஜனாதிபதி ஆசிப் அலி சர்தாரி உடல் நலம் பாதிப்பு.. கராச்சி மருத்துவமனையில் அனுமதி

news

கோடை காலத்தை முன்னிட்டு.. சென்னையிலிருந்து.. 206 சிறப்பு விமானங்கள் இயக்கம்..!

news

சுற்றுலா பயணிகளின் பாதுகாப்பு கருதி..ஏற்காடு பகுதிகளில் கேம்ப் ஃபயருக்கு தடை..!

news

மகனுங்களா.. இப்படியே வம்பு பண்ணிட்டிருந்தீங்கன்னா.. வச்சார் பாருங்க நித்தியானந்தா ஆப்பு!

news

தமிழ்நாடு பாஜக தலைவராக அண்ணாமலையே தொடர வேண்டும்.. கருத்துக் கணிப்பில் பலரும் ஆதரவு!

news

எச்சரிக்கும் கண் மருத்துவர்கள்.. மெட்ராஸ் ஐ பாதிப்பு.. வழக்கத்தை விட 20 சதவீதம் அதிகரிப்பு..!

news

அதிர்ச்சி ரிப்போர்ட்.. பெங்களூரில்.. ஐஸ்கிரீம், குளிர்பானத்தில் கலப்படம் செய்யப்படுவதாக புகார்..!

அதிகம் பார்க்கும் செய்திகள்