IPL 2025: ஷாருக் கான் அறிமுகப்படுத்த.. ஷ்ரேயா கோஷல் பாட.. திஷா படானி ஆட.. கோலாகல தொடக்க விழா!

Mar 22, 2025,06:21 PM IST

கொல்கத்தா: ஐபிஎல் 2025 தொடரின் கோலாகலமான தொடக்க விழா இன்று கொல்கத்தா ஈடன் கார்டன் மைதானத்தில் நடைபெற்றது. 


2025ம் ஆண்டுக்கான ஐபிஎல் சீசன் இன்று தொடங்கியது. இது 18வது சீசன் போட்டித் தொடராகும். வழக்கம் போல கோலாகலமான தொடக்க விழாவுடன் ஐபிஎல் தொடர் தொடங்கியுள்ளது.


கொல்கத்தா ஈடன் கார்டன் மைதானத்தில் நடந்த தொடக்க விழாவை நடிகரும், கொல்கத்தா நைட் ரைடர்ஸ் அணியின் உரிமையாளருமான ஷாருக் கான் தொடங்கி வைத்தார். இதையடுத்து பாடகி ஷ்ரேயா கோஷல் குழுவினரின் பாடல் இடம் பெற்றது.  திரைப்படப் பாடல்களில் தொடங்கி வந்தே மாதரத்துடன் தனது பாடல் நிகழ்ச்சியை நிறைவு செய்தார் ஷ்ரேல்யா கோஷல்.  இதைத் தொடர்ந்து,திஷா பதானியின் நடன நிகழ்ச்சி தொடங்கியது. 




முதல் போட்டியில் கொல்கத்தா - பெங்களூரு மோதல்


கண்கவர் தொடக்க விழாவைத் தொடர்ந்து கொல்கத்தா நைட் ரைடர்ஸ் அணியும், ராயல் சேலஞ்சர்ஸ் பெங்களூரு அணியும் முதல் போட்டியில் மோதவுள்ளன.


இரு அணிகளில் ராயல் சேலஞ்சர்ஸ் கடந்த 18 வருடமாக ஒருமுறை கூட கோப்பையை வென்றதில்லை. அதேசமயம், கொல்கத்தா நைட் ரைடர்ஸ் அணி 3 முறை கோப்பையை வென்றுள்ளது. நடப்பு சாம்பியனாகவும் கொல்கத்தா உள்ளது. 


ஐபிஎல் தொடக்கப் போட்டிகளில் இதுவரை 7 முறை ஆடியுள்ள கொல்கத்தா அதில் 6 முறை வென்று அசத்தலான சாதனையை வைத்துள்ளது. அதேபோல ராயல் சேலஞ்சர்ஸ் அணிக்கு எதிராக 4 முறை அது தொடக்கப் போட்டிகளில் ஆடி வென்றுள்ளது.




2008ம் ஆண்டு நடந்த முதல் ஐபிஎல் தொடரின் முதல் போட்டியிலும் கூட கொல்கத்தா - பெங்களூரு அணிகள்தான் மோதின. அப்போட்டியில் கொல்கத்தா அணி 222 ரன்களைக் குவித்தது. மெக்கல்லம் 158 ரன்களைக் குவித்து ஆட்டமிழக்காமல் இருந்தார்.  அப்போட்டியில் 140 ரன்கள் வித்தியாசத்தில் கொல்கத்தா வென்றது.  இதுவரை கொல்கத்தா பெற்ற வெற்றிகளிலேயே இதுதான் பெரிதாக உள்ளது என்பதும் குறிப்பிடத்தக்கது.


அதேபோல 2017ம் ஆண்டு இதே ஈடன் கார்டன் மைதானத்தில் கொல்கத்தாவுக்கு எதிரான போட்டியில் 49 ரன்களுக்கு ஆல் அவுட் ஆனது பெங்களூரு. ஐபிஎல் தொடர்களில் ஒரு அணி பெற்ற குறைந்தபட்ச ஸ்கோராக இன்றளவும் இதுவே உள்ளது.


இன்றைய போட்டியில் வெல்லப் போவது யார் என்பது பெரும் எதிர்பார்ப்பை ஏற்படுத்தியுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

கச்சத்தீவை மீட்க வேண்டும்.. முதல்வர். மு.க.ஸ்டாலின் தனி தீர்மானம்.. ஒரு மனதாக நிறைவேற்றம்!

news

அடுத்தடுத்த என்கவுண்டர்.. அதிரடி காட்டும் தமிழ்நாடு போலீஸ்.. பதற்றத்தில் கிரிமினல்கள்!

news

பாகிஸ்தான் ஜனாதிபதி ஆசிப் அலி சர்தாரி உடல் நலம் பாதிப்பு.. கராச்சி மருத்துவமனையில் அனுமதி

news

கோடை காலத்தை முன்னிட்டு.. சென்னையிலிருந்து.. 206 சிறப்பு விமானங்கள் இயக்கம்..!

news

சுற்றுலா பயணிகளின் பாதுகாப்பு கருதி..ஏற்காடு பகுதிகளில் கேம்ப் ஃபயருக்கு தடை..!

news

மகனுங்களா.. இப்படியே வம்பு பண்ணிட்டிருந்தீங்கன்னா.. வச்சார் பாருங்க நித்தியானந்தா ஆப்பு!

news

தமிழ்நாடு பாஜக தலைவராக அண்ணாமலையே தொடர வேண்டும்.. கருத்துக் கணிப்பில் பலரும் ஆதரவு!

news

எச்சரிக்கும் கண் மருத்துவர்கள்.. மெட்ராஸ் ஐ பாதிப்பு.. வழக்கத்தை விட 20 சதவீதம் அதிகரிப்பு..!

news

அதிர்ச்சி ரிப்போர்ட்.. பெங்களூரில்.. ஐஸ்கிரீம், குளிர்பானத்தில் கலப்படம் செய்யப்படுவதாக புகார்..!

அதிகம் பார்க்கும் செய்திகள்