இது லிஸ்ட்டுலேயே இல்லையே.. எலான் மஸ்க் ராக்கெட் மூலம் செலுத்தப்படும் இந்திய சாட்டிலைட்!
டெல்லி: இஸ்ரோ வெளிநாட்டு ராக்கெட் மூலம் தனது செயற்கைக் கோளை செலுத்தி ரொம்ப காலமாகி விட்டது. நீண்ட இடைவெளிக்குப் பிறகு முதல் முறையாக தனது செயற்கைக் கோள் ஒன்றை அமெரிக்க ராக்கெட் மூலம் விண்ணில் செலுத்தவுள்ளது இந்தியா.
வழக்கமாக பிரெஞ்சு ராக்கெட்டுகளைத்தான் இந்தியா பயன்படுத்தும். ஆனால் தற்போது அமெரிக்க ராக்கெட்டை நாடியுள்ளது. அதுவும், எலான் மஸ்க்கின் ஸ்பேஸ்எக்ஸ் நிறுவனத்தின் பால்கன் ராக்கெட் மூலம் இந்த செயற்கைக் கோளை இந்தியா செலுத்தவுள்ளது.
இந்தியாவின் ஜிசாட் 20 செயற்கைக் கோளை, பால்கன் 9 ராக்கெட் விண்ணில் செலுத்தவுள்ளது. இதுவரை பால்கன் ராக்கெட் மூலம் இந்தியா எந்த செயற்கைக் கோளையும் இதுவரை செலுத்தியதில்லை. இதுதான் முதல் முறையாகும்.
மிகப் பெரிய தகவல் தொடர்பு செயற்கைக் கோள்களை விண்ணில் செலுத்தும் அளவிலான ராக்கெட் நம்மிடம் இல்லை. அது இன்னும் ஒரு பெரிய குறையாகவே உள்ளது. வேறு எந்த ராக்கெட்டும் தயார் நிலையில் இல்லாததால் ஸ்பேஸ்எக்ஸ் நிறுவனத்தை அணுக வேண்டியதாகி விட்டது என்று இஸ்ரோ தலைவர் சோம்நாத் கூறியுள்ளார். வழக்கமாக பிரான்ஸ் நாட்டு ராக்கெட்டுகளைத்தான், மிகப் பெரிய செயற்கைக்கோள்களை ஏவ இந்தியா நாடும் என்பது நினைவிருக்கலாம்.
இதுதொடர்பான ஒப்பந்தத்தில் இஸ்ரோவின் நியூ ஸ்பேஸ் இந்தியா லிமிட்டெட் நிறுவனமும், ஸ்பேஸ்எக்ஸ் நிறுவனமும் கையெழுத்திட்டுள்ளன. விரைவில் புளோரிடாவிலிருந்து பால்கன் ராக்கெட் மூலம், ஜிசாட் 20 விண்ணில் செலுத்தப்படும்.
ஜிசாட் 20 செயற்கைக் கோள் மிகவும் எடை கொண்டது. அதாவது 4700 கிலோ எடை கொண்டது. இந்தியாவின் தகவல் தொடர்பு துல்லியத்தை மேலும் அதி நவீனப்படுத்த இது உதவும்.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}