46 ரன்களுக்கு ஆல் அவுட்.. அதிர்ச்சி அளித்த இந்தியா.. அதிர வைத்த நியூசிலாந்து.. என்னாச்சுப்பா?

Oct 17, 2024,02:10 PM IST

பெங்களூரு: பெங்களூரு சின்னச்சாமி ஸ்டேடியத்தில் இன்று தொடங்கிய நியூசிலாந்துக்கு எதிரான முதல் டெஸ்ட் போட்டியில் இந்திய அணி தனது முதல் இன்னிங்ஸை வெறும் 46 ரன்களுக்கு இழந்து அதிர்ச்சி அளித்துள்ளது.


இந்தியா நியூசிலாந்து இடையே 3 போட்டிகள் கொண்ட டெஸ்ட் தொடர் நடைபெறவுள்ளது. இதில் முதல் டெஸ்ட் போட்டி இன்று பெங்களூரு சின்னச்சாமி ஸ்டேடியத்தில் தொடங்கியது.  டாஸ் வென்ற இந்தியா முதலில் பேட்டிங்கை எடுத்தது. ஆனால் இந்திய அணிக்கு பெரும் அதிர்ச்சி காத்திருந்தது.


தொடக்க ஆட்டக்காரர்களாக இறங்கிய கேப்டன் ரோஹித் சர்மாவும், யஷஸ்வி ஜெய்ஸ்வாலும் ரன் எடுக்கவே திணறும் நிலை ஏற்பட்டது. இதில் ரோஹித் சர்மா 2 ரன்களை எடுத்த நிலையில் டிம் செளத்தி பந்தில் போல்ட் ஆகி அதிர்ச்சி கொடுத்தார். அடுத்து வந்த விராத் கோலி ரன் ஏதும் எடுக்காமல் டக் அவுட் ஆகி மேலும் அதிர்ச்சியைக் கூட்டினார். தொடர்ந்து சர்பிராஸ் கானும் டக் அவுட் ஆக இந்திய ரசிகர்கள் அதிர்ச்சியில் உறைந்தனர். ஜெய்ஸ்வால் 13 ரன்கள் எடுத்த நிலையில் மறுபக்கம் ரிஷாப் பந்த் 20 ரன்களை சேர்த்தார். இதுதான் இந்திய வீரர்களில் தனிப்பட்ட முறையில் எடுத்த அதிகபட்ச  ரன்கள். மற்ற அனைவரும் சிங்கிள் டிஜிட்டைத் தாண்டவில்லை. 




கே.எல். ராகுல், ரவீந்திர ஜடேஜா ஆகியோரும் டக் அவுட் ஆனார்கள். ரவிச்சந்திரன் அஸ்வின் இதுபோன்ற நேரங்களில் கை கொடுப்பார். அவரும் இன்று டக் ஆனதால் ரசிகர்களுக்கு பெரும் ஏமாற்றமே மிஞ்சியது. மொத்தம் 5 பேர் இன்று முட்டை வாங்கியதால் இந்திய அணிக்கு மிகப் பெரிய அவமானமாக போய் விட்டது. இறுதியில் 31.2 ஓவர்களிலேயே இந்தியா 46 ரன்களுக்கு ஆல் அவுட் ஆனது. 


நியூசிலாந்து தரப்பில் மாட் ஹென்றி அபாரமாக பந்து வீசி 5 விக்கெட்களைச் சாய்த்தார். மறுபக்கம் வில்லியம் ஓ ரூர்க்கி 4 விக்கெட்களை வீழ்த்தினார்.  டிம் செளத்திக்கு ஒரு விக்கெட் கிடைத்தது. மாட் ஹென்றி வெறும் 15 ரன்களை விட்டுமே விட்டுக் கொடுத்தார் என்பது குறிப்பிடத்தக்கது. அதேபோல 6 ஓவர்களை வீசிய டிம் செளத்தி 8 ரன்களை மட்டுமே விட்டுத் தந்தார்.


இந்திய டெஸ்ட்கிரிக்கெட் வரலாற்றில், சொந்த ஊரில் நடந்த டெஸ்ட் போட்டியில் இவ்வளவு குறைந்த ரன்களைப் பெறுவது இதுவே முதல் முறையாகும்.  91 வருட கால டெஸ்ட் வரலாற்றிலும் இதுவே முதல் முறையாகும். இந்திய பேட்டிங் ஆர்டர் இப்படி சீட்டுக்கட்டு போல சரிந்துத ரசிகர்களை அதிர வைத்துள்ளது.



செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

news

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

அதிகம் பார்க்கும் செய்திகள்