அணுகுண்டு யுத்தம் வெடித்தால்.. ஆஸ்திரேலியா, நியூசிலாந்து.. பாதுகாப்பான நாடுகள்!

Feb 11, 2023,04:11 PM IST

டெல்லி: அணு குண்டுகள் வெடித்து உலகில் அணு யுத்தம் நேரிட்டு பூமி மொத்தமும் அழிந்தாலும் கூட, ஆஸ்திரேலியா மற்றும் நியூசிலாந்து நாடுகள் மூலம் மனித இனம் தழைத்தோங்க முடியும் என்று விஞ்ஞானிகள் கூறியுள்ளனர்.

இந்த இரு நாடுகளும் அணுப் பேரழிவைத் தாங்கும் வல்லமை கொண்டவையாக இருப்பதாகவும் விஞ்ஞானிகள் தெரிவித்துள்ளனர். Risk Analysis என்ற இதழில் இதுதொடர்பாக விஞ்ஞானிகளின் கட்டுரை ஒன்று இடம் பெற்றுள்ளது.

இந்த ஆய்வில், உலகில் அணு யுத்தம் ஏற்பட்டு மனித இனத்திற்குப் பெரும் மிரட்டல் வந்தாலும் கூட உலகில் உள்ள சில தீவு நாடுகளில் மனித இனம் தப்பிப் பிழைக்க வாய்ப்புள்ளது. அத்தகையாக நாடுகளாக ஆஸ்திரேலியா, நியூசிலாந்து, ஐஸ்லாந்து, சாலமன் தீவுகள், வனாட்டு ஆகியவை உள்ளன.

இந்த நாடுகளில் உள்ள மக்கள் அணு யுத்தப் பேரழிவிலிருந்து தப்பும் வாய்ப்புகள் அதிகம் உள்ளன. உலகம் முழுவதும் மனித இனத்தின் வாழ்வுக்கு பெரும் மிரட்டல் ஏற்பட்டாலும் கூட இந்த தீவுகளில் மக்கள் தப்ப வாய்ப்புகள் அதிகம். உலகில் அணு யுத்தம் வெடித்தால் எந்த நாடுகள் அதிலிருந்து தப்பும் என்பதை ஆராய்வதற்காக 38 தீவு நாடுகளில் ஆய்வுகள் நடந்தன. 13 காரணிகளை அடிப்படையாக வைத்து இந்த ஆய்வு நடந்தது. அதில் மேற்கண்ட தீவு நாடுகள்தான் மிகவும் பாதுகாப்பானவை என்று தெரிய வந்ததாம்.

இதில் ஆஸ்திரேலியாதான் மிகவும் பாதுகாப்பான நாடாக கண்டறியப்பட்டுள்ளது. இங்கு உணவு உற்பத்தி மிகச் சிறப்பாக உள்ளது. எனவே உணவு சப்ளை பாதிக்கப்பட வாய்ப்பே இல்லை. பல கோடி மக்களுக்கு கொடுக்கக் கூடிய அளவுக்கு இங்கு உணவு உற்பத்தி அபரிமிதமாக உள்ளதாக தெரிவிக்கப்பட்டுள்ளது. அடிப்படமைக் கட்டமைப்பும், மின்சக்தியும், சுகாதார சேவையும், பாதுகாப்பும் மிகச் சிறப்பாக உள்ள நாடாகாவும் ஆஸ்திரேலியா திகழ்கிறது.

அதேசமயம், ஆஸ்திரேலியாவுக்குப் பாதகமாக இரண்டு விஷயங்கள் உள்ளன. அந்த நாடு இங்கிலாந்து மற்றும் அமெரிக்காவுடன் வைத்துள்ள நெருக்கமான நட்புதான் அது. அந்த நட்பு காரணமாக, இந்த இரு நாடுகளின் எதிரிகளால் ஆஸ்திரேலியாவும் குறி வைக்கப்பட வாய்ப்புகள் உள்ளன.

மறுபக்கம் நியூசிலாந்து நாடு. இது நீண்ட காலமாகவே அணு ஆயுதங்களுக்கு எதிராக உள்ள நாடு. மேலும் இந்த நாட்டுக்கு எதிரிகள் என்று பெரும்பாலும் கிடையாது. உணவு உற்பத்தி உள்ளிட்ட பலவற்றிலும் தன்னிறைவு பெற்ற நாடு. எனவே பெரும் அணு யுத்தம் வெடித்தாலும் நியூசிலாந்து சமாளித்து விடும் என்று சொல்கிறார்கள்.

உலகப் பெரும் அணு யுத்தம் வெடித்தால் அமெரிக்கா, சீனா, ரஷ்யாவில் உணவு உற்பத்தியானது 97 சதவீதம் அளவுக்கு பாதிப்பை சந்திக்கும் என்றும் விஞ்ஞானிகள் கணித்துள்ளனர்.

சமீபத்திய செய்திகள்

நாயகன் மீண்டும் வர்றார்.. சென்னை சூப்பர் கிங்ஸ் அணியில் ரவிச்சந்திரன் அஸ்வின்.. செம கேட்ச்தான்!

CKS rocks.. அஸ்வின், ரச்சின் ரவீந்திரா, டேவன் கான்வே, ராகுல் திரிபாதி.. செம கேம் பிளான்தான்!

A R Rahman.. உலகிலேயே மிகவும் சிறந்த மனிதர் ஏ.ஆர். ரஹ்மான்.. உருக்கமான ஆடியோ வெளியிட்ட சாய்ரா பானு

பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி

இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!

இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!

IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?

அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்

12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?

அணுகுண்டு யுத்தம் வெடித்தால்.. ஆஸ்திரேலியா, நியூசிலாந்து.. பாதுகாப்பான நாடுகள்!

Comments

சமீபத்திய செய்திகள்

அதிகம் பார்க்கும் செய்திகள்