நம்பர் 1 சுப்மன் கில்.. பாபர் ஆஸம் அவுட்.. முகம்மது சிராஜும் அசத்தல்.. ஐசிசி தரவரிசைப் பட்டியலில்!

Nov 08, 2023,03:22 PM IST

துபாய்: ஐசிசி ஒரு நாள் போட்டிக்கான பேட்டிங் மற்றும் பவுலிங் தரவரிசைப் பட்டியலில் இந்தியர்கள் முதலிடத்தைப் பிடித்துள்ளனர்.

இதுவரை பேட்டிங்கில் முதலிடத்தில் இருந்து வந்த பாகிஸ்தானின் பாபர் ஆஸம் பின்னுக்குத் தள்ளப்பட்டு சுப்மன் கில் முதலிடத்தைப் பிடித்துள்ளார். அதேபோல பந்து வீச்சிலும் இந்தியாவின் முகம்மது சிராஜ் முதலிடத்தைப் பிடித்து அசத்தியுள்ளார். இந்திய வீரர்களில் விராட் கோலி 4வது இடத்தில் இருக்கிறார்.

நடப்பு உலகக் கோப்பைப் போட்டித் தொடரில் இந்தியா அசத்தலாக ஆடி வருகிறது. இதுவரை தோல்வியே காணாத அணியாக சர்வ வல்லமையுடன் அது வலம் வருகிறது. பேட்டிங்கிலும், பவுலிங்கிலும் இந்திய வீரர்கள் அசத்திக் கொண்டுள்ளனர். இது ஐசிசி தரவரிசையில் அவர்களுக்கு நல்ல உயர்வைக் கொடுக்க உதவியுள்ளது.

பேட்டிங் தரிவரிசையில் இந்தியத் தொடக்க ஆட்டக்காரர் சுப்மன் கில் முதலிடத்தைப் பிடித்துள்ளார். பந்துவீச்சில் இந்தியாவின் முகம்மது சிராஜ் முதலிடம் வந்துள்ளார். இதுவரை பேட்டிங்கில் பாகிஸ்தான் கேப்டன் பாபர் ஆஸம்தான் முதலிடத்தில் இருந்தார். ஆனால் உலகக் கோப்பைத் தொடரில் அவரது மோசமான ஆட்டம் அவரை தரவரிசைப் பட்டியலில் பின்னடைவை ஏற்படுத்தி விட்டது.

ஐசிசி தரவரிசைப் பட்டியலில் முதலிடத்திற்கு முன்னேறிய 4வது இந்திய வீரராக உருவெடுத்துள்ளார் சுப்மன் கில். இதற்கு முன்பு சச்சின் டெண்டுல்கர், தோனி, விராத் கோலி ஆகியோர் முதலிடத்தில் இருந்துள்ளனர்.

கடைசி சில போட்டிகளில் சிறப்பாக பந்து வீசி அதிக விக்கெட்டுகளைக் கைப்பற்றியதால் முகம்மது சிராஜும் தரவரிசையில் முதலிடத்திற்கு எளிதாக முன்னேறி வந்து விட்டார்.

நடப்பு உலகக் கோப்பைக் கிரிக்கெட் தொடரில் சுப்மன் கில் இதுவரை 219 ரன்களை எடுத்துள்ளார். மறுபக்கம் பாபர் ஆஸம், 282 ரன்களை எடுத்துள்ளார். இருப்பினும் கில்லை விட 6 புள்ளிகள் குறைந்திருப்பதால் பாபர் ஆஸம் 2வது இடத்திற்கு வந்து விட்டார். கடந்த 2 வருடத்திற்கும் மேலாக பாபர் ஆஸம் முதலிடத்தில் இருந்து வந்தார் என்பது நினைவிருக்கலாம்.

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

LIC website.. இது தொழில்நுட்பக் கோளாறில்லை... அரசியல் கோளாறு.. மதுரை எம்.பி சு.வெங்கடேசன்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

தங்கம் விலை விடாமல் தொடர்ந்து உயர்ந்து கொண்டே வருவது ஏன்.. நிபுணர்கள் தரும் விளக்கம் இதுதான்!

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

நம்பர் 1 சுப்மன் கில்.. பாபர் ஆஸம் அவுட்.. முகம்மது சிராஜும் அசத்தல்.. ஐசிசி தரவரிசைப் பட்டியலில்!

Comments

சமீபத்திய செய்திகள்

அதிகம் பார்க்கும் செய்திகள்