காங்கிரஸ் - ஆம் ஆத்மி பஞ்சாயத்து.. தீர்த்து வைத்த மமதா பானர்ஜி, நிதீஷ் குமார்

Jul 17, 2023,12:46 PM IST

பாட்னா: டெல்லி அரசுக்கு எதிரான மத்தியஅரசின் அவசரச் சட்டத்தை எதிர்ப்பதாக காங்கிரஸ் பகிரங்கமாக அறிவித்ததன் பின்னணியில், திரினமூல் காங்கிரஸ் தலைவரும், மேற்கு வங்காள மாநில முதல்வருமான மமதா பானர்ஜி இருப்பதாக கூறப்படுகிறது.

அவசரச் சட்டத்தை எதிர்க்கும் விவகாரம் தொடர்பாக காங்கிரஸ் - ஆம் ஆத்மி இடையே பூசல் இருந்து வந்தது. இதனால் இன்றைய பெங்களூர் எதிர்க்கட்சிகள் கூட்டத்திற்கு ஆம் ஆத்மி வருமா என்ற சந்தேகமும் நிலவியது. இந்த நிலையில்தான் அவசரச் சட்டத்தை எதிர்ப்பதாக நேற்று காங்கிரஸ் கட்சி அதிகாரப்பூர்வமாக அறிவித்தது. இதைத் தொடர்ந்து பெங்களூர் கூட்டத்தில் ஆம் ஆத்மி கட்சி பங்கேற்கும் என்று அக்கட்சி அறிவிப்பு வெளியிட்டது.

காங்கிரஸ் - ஆம் ஆத்மி இடையே நிலவி வந்த பிரச்சினையை சரி செய்தது மமதா பானர்ஜியும், பீகார் முதல்வர் நிதீஷ் குமாரும்தான் என்று தற்போது தெரிய வந்துள்ளது. கடந்த பாட்னா கூட்டத்திலேயே இரு கட்சிகளுக்கும் இடையே பிரச்சினை வெடித்தது. அப்போதும் மமதா பானர்ஜிதான் தலையிட்டு சமரசம் செய்தார். இப்போதும் அவரே இரு தரப்பிடமும் பேசி சரி செய்துள்ளாராம்.

காங்கிரஸ் தலைவர்களைத் தொடர்பு கொண்ட மமதா பானர்ஜி, டெல்லி அவசரச் சட்டம் தொடர்பாக காங்கிரஸ் தெளிவான நிலைப்பாட்டை எடுக்காவிட்டால் நிச்சயம் எதிர்க்கட்சிகளின் கூட்டணி வலுவடையாது என்று திட்டவட்டமாக கூறியுள்ளார். மல்லிகார்ஜூன கார்கேவிடமே அவர் இதைத் தெரிவித்துள்ளார்.இதேபோல நிதீஷ் குமாரும் காங்கிரஸ் தலைவர் மல்லிகார்ஜூன கார்கேவைத் தொடர்பு கொண்டு பேசியதாக கூறப்படுகிறது.

இந்த பேச்சுவார்த்தையைத் தொடர்ந்துதான் அவசரச் சட்டத்தை எதிர்ப்பதாக காங்கிரஸ் கட்சி அறிவித்தது. இதைத் தொடர்ந்து பெங்களூர் கூட்டத்தில் நாங்கள் பங்கேற்போம் என்று ஆம் ஆத்மி கட்சி அறிவித்தது.

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?

காங்கிரஸ் - ஆம் ஆத்மி பஞ்சாயத்து.. தீர்த்து வைத்த மமதா பானர்ஜி, நிதீஷ் குமார்

Comments

சமீபத்திய செய்திகள்

அதிகம் பார்க்கும் செய்திகள்