வாஷிங்டன்: அமெரிக்க முன்னாள் வெளியுறவுத்துறை அமைச்சரும், பல்வேறு சர்வதேச பிரச்சினைகள் தொடர்பான பல முக்கியமான முடிவுகளை அமெரிக்கா எடுக்க உதவியவருமான ஹென்றி கிஸ்ஸிங்கர் மரணமடைந்துள்ளார். 100வது வயதில் அவர் காலமாகியுள்ளார்.
இவர் பல சர்வதேச பிரச்சினைகளில் முக்கியத் தீர்வுகள் காண உதவியதால் புகழடைந்திருந்தாலும் கூட இந்தியாவுக்கு விரோதமாக நடந்து கொண்டவர். இந்தியா - பாகிஸ்தான் இடையே 1971ம் ஆண்டு நடந்த போரின்போது பாகிஸ்தானுக்கு ஆதரவாக அமெரிக்காவை மடை மாற்றியவர் இவர்தான்.
ஜெர்மனியில் பிறந்த யூதரான இவர் அகதியாக அமெரிக்காவுக்கு வந்து செட்டிலானவர். பின்னர் குடியரசுக் கட்சியில் இடம் பெற்று, வெளியுறவு அமைச்சரானார். ரிச்சர்ட் நிக்சன் மற்றும் ஜெரால்ட் போர்டு ஆகிய இரு அமெரிக்க அதிபர்களிடம் வெளியுறவுத்துறை அமைச்சராக பணியாற்றியவர். பல முக்கிய சர்வதேச வெளியுறவு முடிவுகளை எடுக்க உதவியவர்.
அமெரிக்காவின் வரலாற்றில் அதிபர் நிக்சனும், போர்டும் சில முக்கிய வரலாற்றுச் சிறப்பு வாய்ந்த முடிவுகளை எடுத்தனர். அதன் பின்னணியில் கிஸ்ஸிங்கர் உள்ளார்.
அமெரிக்கா - சீனா இடையிலான இறுக்கத்தைக் குறைத்து உறவை ஏற்படுத்தியவர் கிஸ்ஸிங்கர்தான். அதேபோல அமெரிக்கா - சோவியத் யூனியன் இடையிலான உறவிலும் மேம்பாட்டைக் கொண்டு வர உதவியவர் கிஸ்ஸிங்கர்தான். பனிப்போர் முடிவுக்கு வர கிஸ்ஸிங்கர் பெரும் பணியாற்றியுள்ளார்.
அரபு நாடுகளுக்கும் இஸ்ரேலுக்கும் இடையிலான மோதல் போக்கை முடிவுக்குக் கொண்டு வரவும் பாடுபட்டவர் கிஸ்ஸிங்கர்தான். வியட்நாம் போரின்போது அமெரிக்கா பெரும் பின்னடைவைச் சந்தித்தது. இதற்கு மேலும் போரில் ஈடுபடுவது சரியாக இருக்காது என்று கூறி அமெரிக்காவை பின்வாங்க வைத்ததிலும் கிஸ்ஸிங்கர் நிறைய முயற்சித்துள்ளார். இதற்காகத்தான் அவருக்கு அமைதிக்கான நோபல் பரிசும் கிடைத்தது.
100 வயதிலும் கூட அயராமல் உழைத்து வந்தார் கிஸ்ஸிங்கர் என்பது நினைவிருக்கலாம்.
கந்த சஷ்டி விரதம் 2024 : கோவிலுக்குப் போகாமல்.. வீட்டிலேயே எளிமையாக விரதம் இருக்கும் முறை
கோர்ட்டுக்கு போகாமலேயே இனி விவாகரத்து வாங்கலாம்... சென்னை உயர்நீதிமன்றம் முக்கிய உத்தரவு
கந்தசஷ்டி விழா 2024.. திருச்செந்தூர் முருகன் கோவிலுக்குப் போகும்.. பக்தர்களுக்கு அறைகள் ரெடி!
மாமா மாமா உன்னைத்தானே.. திண்ணையில் அமர்ந்து கீரை ஆய்ந்தபடி.. அசத்தலாக பாடும் பெண்!
35 வருஷமாக.. ஆனால் முதல் முறையாக இப்போது எனக்காக பிரச்சாரம் செய்கிறேன்.. பிரியங்கா காந்தி
வயநாடு இடைத்தேர்தல்.. ஆயிரக்கணக்கானோருடன் பேரணி.. பிரியங்கா காந்தி வேட்பு மனு தாக்கல்
தவெக மாநாடு.. அரை மணி நேரம், ஒரு மணி நேரம் இல்லை நண்பா.. 2 மணி நேரம் பேசப் போறாராம் விஜய்!
சுவையான கொங்கு நாட்டு நெல்லிக்காய் தொக்கு.. சூப்பரா இருக்கும்.. செஞ்சு பாக்கலாமா?
சென்னை கோயம்பேடு சந்தையில் எந்த காய் என்ன விலை?... இதோ முழு விபரம்...!
{{comments.comment}}