"ஹலோ துபாயா".. என்னதிது ..ஊரே இப்படி மிதக்குது.. கொட்டித் தீர்த்த பேய் மழை.. !
துபாய்: துபாய் என்றதும் வழுக்கிக் கொண்டு போகும் சாலைகளைத்தான் நாம் பார்த்து ரசித்திருக்கிறோம்.. ஆனால் அந்த துபாயின் சாலைகள் முழுக்க தண்ணீரில் மூழ்கி வெள்ளக்காடாக காட்சி தரும் வீடியோக்களைப் பார்த்து பலரும் அதிர்ச்சியாகியுள்ளனர். வெள்ளிக்கிழமை அங்கு பெய்த பேய் மழையில் ஊரே வெள்ளக்காடாகி விட்டது.
துபாய் என்றதுமே.. எல்லோருக்கும் உடனே நினைவுக்கு வருவது "ஹலோ துபாயா" என்ற வடிவேலுவின் காமெடிக் காட்சிதான். ஒவ்வொருவருக்கும் வாழ்க்கையில் ஒரு முறையாவது துபாய்க்குப் போய் விட வேண்டும் என்று ஆசை இருக்கும். அந்த அளவுக்கு மக்களின் மனம் கவர்ந்த சர்வதேச நகரங்களில் துபாயும் ஒன்று.
அட்டகாசமான துபாய் நுகரம் இன்று பெரும் மழையில் சிக்கி மிதக்கும் நிலைக்குத் தள்ளப்பட்டது. பேய் மழையும், கூடவே இடி மின்னலும் சேர்ந்து துபாய் மக்களை மிரட்டி விட்டது. ரஸ் அல் கைமா முதல் ஐக்கிய அரபு எமிரேட்ஸின் பல்வேறு பகுதிகளிலும் மழை கொட்டித் தீர்த்து விட்டது. பெரும்பாலான சாலைகள் வெள்ள நீரில் மிதந்தன.
வாகனப் போக்குவரத்து இதனால் கடும் பாதிப்பை சந்தித்தது. மக்கள் கவனமாக இருக்குமாறும், வாகனங்களுடன் வெளியில் வருவதைத் தவிர்க்குமாறும் காவல்துறை அறிவுறுத்தியுள்ளது. மேலும் மழை நீரில் வாகனங்களை செலுத்தும்போது மிகவும் கவனமாக இருக்குமாறும் எச்சரிக்கப்பட்டுள்ளது.
அபு ஹெய்ல் என்ற இடத்தில் பலத்த காற்றுடன் வீசிய கன மழை தொடர்பான வீடியோ பார்க்கவே அச்சுறுத்தலாக உள்ளது. அந்த அளவுக்கு பலத்த சூறாவளிக் காற்றுடன் கூடிய கன மழை அது. அடுக்குமாடிக் குடியிருப்புகள் எல்லாம் நீரில் மிதப்பது போலவே இருக்கிறது.
மழை தொடரும் என்றும் துபாய்க்கு ஆரஞ்சு மற்றும் மஞ்சள் நிற எச்சரிக்கையை வானிலை மையம் அறிவித்துள்ளது. மக்கள் வெளியில் வருவதைத் தவிர்க்க வேண்டும் என்றும் கோரிக்கை விடுக்கப்பட்டுள்ளது.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}