இன்று முதல் 3 நாட்கள்.. கனமழைக்கு வாய்ப்பு.. மக்களே ரெடியா!

Aug 30, 2023,11:08 AM IST

சென்னை: தமிழகத்தில் இன்று முதல் அடுத்த மூன்று நாட்களுக்கு படிப்படியாக மழை தீவிரமடையும் என சென்னை வானிலை ஆய்வு மையம் தெரிவித்துள்ளது.

இது பற்றி சென்னை வானிலை ஆய்வு மையம் வெளியிட்ட அறிக்கையில், குமரிக்கடலை ஒட்டி உள்ள பகுதியில் மேல் அடுக்கு வளிமண்டல சுழற்சி மற்றும் தென்மேற்கு வங்க கடல் பகுதியில் வடக்குத் தமிழகம் மற்றும் தெற்கு ஆந்திரா பகுதிகளும் மேல் அடுக்கு சுழற்சி நிலவுகிறது.

அதனால் ஓரிரு இடங்களில் மிக கனமழையும், ஒரு சில இடங்களில் மிதமானது முதல் லேசானது வரை யிலான மழை பெய்யக்கூடும் என எதிர்பார்க்கப்படுகிறது. மேலும் சென்னையில் அநேக இடங்களில் மழைக்கு வாய்ப்புள்ளது.

வளிமண்டலத்தில் நிலவும் மேலடுக்கு சுழற்சி காரணமாக இன்று தமிழ்நாடு, புதுவை, காரைக்கால், பகுதிகளில் அனேக இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

தேனி, திண்டுக்கல், மதுரை ,விருதுநகர் ,ராமநாதபுரம் ,தூத்துக்குடி, கன்னியாகுமரி, திருநெல்வேலி, விழுப்புரம் ,கடலூர் ,சேலம் ,தென்காசி போன்ற மாவட்டங்களில் ஒரே இடங்களில் கன மழை பெய்ய வாய்ப்பு உள்ளது. குறிப்பாக மேற்கு தொடர்ச்சி மலையை ஒட்டி உள்ள திருவள்ளூர், நீலகிரி, கோவை பகுதிகளில் கனமழை பெய்யக்கூடும் என எதிர்பார்க்கப்படுகிறது.

கடந்த 24 மணி நேரத்தில் அதிகபட்சமாக குமரி மாவட்டத்தில் உள்ள குழித்துறையில் 14 சென்டிமீட்டர் மழையும், பெரியநாயக்கன்பாளையம் பகுதியில் சுமார் 12 சென்டிமீட்டர் மழையும் ,லோயர் கோதையாறு மற்றும் மேட்டுப்பாளையம் பகுதிகளில் தலா 9 சென்டிமீட்டர் மழையும் பதிவாகி உள்ளது.

சென்னையை பொருத்தவரை வானம் மேகமூட்டத்துடன் காணப்படும் என்றும் மேற்கு தொடர்ச்சி மலையை ஒட்டி உள்ள பகுதிகளில் அதிதீவிர கனமழையும் பெய்யக்கூடும் என சென்னை வானிலை ஆய்வு மையம் அறிவித்துள்ளது.

தென்மேற்கு வங்க கடல் மற்றும் குமரி கடல் பகுதிகளுக்கு அடுத்த மூன்று நாட்கள் மீனவர்கள் செல்ல வேண்டாம் என்றும் வானிலை ஆய்வு மையம் எச்சரித்துள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!