சென்னை: தீபாவளிக்கு மறுநாள் பொது விடுமுறையாக அரசு அறிவிக்க வேண்டும் என பட்டதாரி ஆசிரியர்கள் கூட்டமைப்பு விடுத்திருந்த கோரிக்கையை ஏற்று அரசு விடுமுறை அறிவித்துள்ளது.
தமிழ்நாட்டில் பல்வேறு பகுதிகளில் இருந்து மக்கள் சென்னை போன்ற பெரிய நகரங்களில் வேலை காரணமாக வசித்து வருகின்றனர். தீபாவளி, பொங்கல் போன்ற விழா நாட்களில் தொடர் விடுமுறையின் போது மக்கள் சொந்த ஊருக்கு செல்ல விரும்புவர். ஊருக்குப் போகும் போது சில நாட்கள் குடும்பத்தினருடன் செலவழிப்பதை பலரும் விரும்புகிறார்கள்.
குறிப்பாக சென்னையில் வசிக்கும் அரசு ஊழியர்கள் இதுபோன்ற விடுமுறை தினங்களில்தான் ஏதாவது பிளான் செய்ய முடியும். இந்த வருடம் தீபாவளி பண்டிகை வரும் நவம்பர் 12ஆம் தேதி கோலாகலமாக கொண்டாடப்படவுள்ளது. தீபாவளி பண்டிகை வேலை நாட்களில் வராமல் விடுமுறை நாளில் அதாவது நவம்பர் 12ஆம் தேதி ஞாயிற்றுக்கிழமை வருகிறது.
நவம்பர் 11ம் தேதி சனிக்கிழமை அரசு விடுமுறைதான். ஞாயிற்றுக்கிழமை தீபாவளி.. இந்த நிலையில் அடுத்த நாள் அதாவது நவம்பர் 13ம் தேதி விடுமுறை கிடைத்தால் சொந்த ஊர்களுக்குச் செல்வோர் சற்று நிதானமாக ஊர் திரும்பி வரலாமே என்று கருதுகிறார்கள்.
சொந்த ஊருக்கு சென்ற மக்கள் தீபாவளி இரவு அன்று தீபாவளி கொண்டாட்டத்தை விட்டு விட்டு கிளம்ப நேரிடும். அப்போதுதான் மறுநாள் பணிக்குச் செல்ல முடியும். இந்த ஹரிபரியான சூழ்நிலையை தவிர்க்க வெளியூர் செல்லும் ஆசிரியர்கள், மாணவர்கள், ஊழியர்கள் நலன் கருதி தீபாவளி மறுநாள் விடுமுறை விட வேண்டும் என பட்டதாரி ஆசிரியர்கள் கூட்டமைப்பு முதல்வர் மு.க.ஸ்டாலினுக்கு கோரிக்கை வைத்திருந்தது. இதையடுத்து அந்தக்கோரிக்கையை ஏற்று அரசு தற்போது 13ம் தேதியை விடுமுறை தினமாக அறிவித்துள்ளது.
கடந்த வருடம் அக்டோபர் 24ஆம் தேதி தீபாவளி கொண்டாட்டத்தின் போது கடைசி நேரத்தில் விடுமுறை குறித்த அறிவிப்பு வெளியானது. இந்த முறை அப்படி இல்லாமல் முன்கூட்டியே அறிவித்தால் நலமாக இருக்கும் என்பது பலரின் எதிர்பார்ப்பாக இருந்தது. அதன்படி தற்போது முன்கூட்டியே அறிவிக்கப்பட்டுள்ளது. அதற்குப் பதில் நவம்பர் 18ம் தேதி பணி நாளாக அரசு அறிவித்துள்ளது.
விடுமுறையை அறிவித்து அரசு ஊழியர்கள், ஆசிரியர்களை குளிர்வித்து விட்டார் முதல்வர் மு.க.ஸ்டாலின்.. பிறகென்னப்பா ஜாலியா கொண்டாடுங்க.. அதேபோல 18ம் தேதி மறக்காம வேலைக்கு வந்துருங்க!
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!
தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!
12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?
{{comments.comment}}