சென்னை: சென்னையின் முக்கிய பகுதிகளிலிருந்து கிளாம்பாக்கம் கலைஞர் நூற்றாண்டு பேருந்து முனையத்திற்கான பஸ் கட்டணத்தை தமிழ்நாடு அரசுப் போக்குவரத்துக் கழகம் அறிவித்துள்ளது.
சென்னை சாலைப் போக்குவரத்து சமீப நாட்களாக சில முக்கிய மாற்றங்களை சந்தித்து வருகிறது. இதுநாள் வரை முக்கியப் பேருந்து நிலையமாக இருந்து வந்த கோயம்பேடு புரட்சித் தலைவர் எம்ஜிஆர் பேருந்து நிலையமானது, கடும் போக்குவரத்து நெரிசலில் சிக்கித் தவிப்பதால், கிளாம்பாக்கத்தில் புதிய பேருந்து முனையம் கட்டப்பட்டு திறக்கப்பட்டுள்ளது. கோயம்பேட்டின் பயன்பாடு வெகுவாக குறைக்கப்பட்டுள்ளது.
அதி நவீன வசதிகளுடன் கூடிய கிளாம்பாக்கம் பேருந்து நிலையம் இன்று முதல் முழுமையான பயன்பாட்டுக்கு வந்துள்ளது. அத்தோடு வட சென்னை பகுதி மக்களின் வசதிக்காக மாதவரத்திலிருந்தும் தென் மாவட்டங்களுக்கு குறிப்பிட்ட அளவிலான பேருந்துகள் இயக்கப்படுகின்றன.
இந்த நிலையில் சென்னையின் முக்கியப் பகுதிகளிலிருந்து கிளாம்பாக்கம் பேருந்து நிலையத்திற்கான கட்டணங்கள் நிர்ணயிக்கப்பட்டுள்ளது. அந்த விவரம் வருமாறு:
மாதவரம் டூ கிளாம்பாக்கம் - ரூ. 40
ரெட்டேரி டூ கிளாம்பாக்கம் - ரூ. 35
அம்பத்தூர் டூ கிளாம்பாக்கம் - ரூ. 30
மதுரவாயல் டூ கிளாம்பாக்கம் - ரூ. 25
பெருங்களத்தூர் டூ கிளாம்பாக்கம் ரூ. 10
வழக்கமான பஸ் கட்டணத்துடன் கூடுதலாக இந்த கட்டணம் பயணிகளிடமிருந்து வசூலிக்கப்படும் என்று தெரிவிக்கப்பட்டுள்ளது. அதாவது உங்களது ஊருக்கான பயணக் கட்டணம் கிளாம்பாக்கத்திலிருந்து ரூ. 150 என்றால், மாதவரத்திலிருந்து நீங்கள் பஸ் ஏறுவதாக இருந்தால் உங்களிடமிருந்து ரூ. 190 பயணக் கட்டணமாக வசூலிக்கப்படும்.
மதுரையை வச்சு செய்யும் வெயில்.. மேலும் சில நாட்கள் வெளுக்குமாம்.. அதிகரிக்கவும் வாய்ப்பு.. கேர்ஃபுல்
காட்டுத் தீயாய் பரவிய துணை முதல்வர் வதந்தி.. சிரித்துக் கொண்டே பதிலளித்த உதயநிதி ஸ்டாலின்!
ஜிம்பாப்வேயை உலுக்கும் பஞ்சம்.. அதை விரட்ட அரசு எடுத்த முடிவு.. .. அதிர்ச்சியில் நாடுகள்!
ஒரே நாடு ஒரே தேர்தல்.. ராம்நாத் கோவிந்த் குழு பரிந்துரைகளை ஏற்றது மத்திய அமைச்சரவை!
அழகாய் பூத்தது.. நீலகிரியில் 12 ஆண்டுகளுக்கு ஒரு முறை மலரும் நீலக்குறிஞ்சி சீசன் தொடங்கியது!
Thalaivettiyan Palayam: ஜிபி முத்து கொடுத்த சூப்பர் ஐடியாஸ்.. கூலாக கேட்டுக் கொண்ட அபிஷேக் குமார்!
"பாட்டி கதியே உங்களுக்கும்".. ராகுல்காந்திக்கு பாஜக தலைவர் மிரட்டல்.. முதல்வர் மு.க.ஸ்டாலின் கண்டனம்
தீபாவளி ரஷ்ஷை சமாளிக்க.. தனியார் பேருந்துகளை வாடகைக்கு எடுக்கும் தமிழக அரசு!
மீன்வளப் பல்கலைக்கழக பட்டமளிப்பு விழா.. அமைச்சர் அனிதா ராதாகிருஷ்ணன் புறக்கணித்தார்!
{{comments.comment}}