இன்று அட்சயதிரிதியை.. தங்கம் விலை சர்ருன்னு குறைஞ்சிருச்சு தேவி!

Apr 22, 2023,11:26 AM IST

சென்னை : இன்று அட்சய திரிதியை நாள் என்பதால் தங்கம் வாங்குவதற்காக நகைக்கடைகளில் மக்கள் கூடி உள்ளனர். இந்த சமயத்தில் மக்களின் சந்தோஷத்தை இரட்டிப்பாக்கும் விதமாக தங்கத்தின் விலை குறைந்துள்ளது.

அட்சய திரிதியை நாளில் தங்கம் வாங்கி வீட்டில் சேமித்து வைத்தால், தங்கம் சேர்ந்து கொண்டே இருக்கும். செல்வ வளம் பெரும் என்பது நம்பிக்கை. ஆனால் அட்சய திரிதியை நாளில் எந்த காரியத்தை செய்தாலும் அதன் பலன் பல மடங்காக பெருகும். இது தெரியாமல் பலரும் கடன் வாங்கியாவது இந்த நாளில் தங்கம் வாங்கி விட வேண்டும் என நினைக்கிறார்கள். இந்த நாளில் கடனை அடைக்கலாமே தவிர, கடன் வாங்கினால் கடனும் பெருகிக் கொண்டே போகும்.

அட்சய திரிதியை நாள் என்பதால் தங்கம் வாங்குவதற்காக ஏராளமான மக்கள் இன்று நகைக்கடைகளில் குவிந்துள்ளனர். ரம்ஜான் விடுமுறை என்பதால் நகைக்கடைகளுக்கு வழக்கமான அட்சய திரிதியை நாட்களில் வரும் கூட்டத்தை விட இந்த ஆண்டு சற்று அதிகமாகவே காணப்படுவதாக நகைக்கைடக்காரர்கள் கூறி வருகின்றனர். இந்த நிலையில் நகைக்கடைகளுக்கு வந்த மக்களுக்கு மகிழ்ச்சி தரும் விதமாக இன்று தங்கம் விலை குறைந்துள்ளது.

வழக்கமாக அட்சய திரிதியை நாளில் தங்கம் விலை உயரத்தான் செய்யும். இருந்தாலும் சென்டிமென்ட் காரணமாக மக்கள் தங்கம் வாங்குவதால் ஆண்டுக்கு ஆண்டு தங்கம் விற்பனை அதிகரித்து வருகிறது. தங்கம் விற்பனை அதிகரிப்பதால் வழக்கமாக நகைக்கடைக்காரர்கள் தான் மகிழ்ச்சியில் இருப்பார்கள். ஆனால் இந்த ஆண்டு தங்கம் வாங்கும் மக்களும் மகிழ்ச்சியடையும் விதமாக தங்கம் விலை குறைந்துள்ளது.

இன்று தங்கம் விலை சவரனுக்கு ரூ.480 குறைந்துள்ளது. இன்று ஆபரண தங்கத்தின் விலை சவரனுக்கு ரூ.480 குறைந்து ரூ.44,840 க்கு விற்பனையாகிறது. ஒரு கிராம் தங்கத்தின் விலை ரூ.60 குறைந்து, ரூ.5605 ஆக உள்ளது. இதனால் மக்கள் செம குஷியாக நகையை வாங்கி செல்கிறார்கள்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

CSK vs KKR.. மொத்தமாக முடிச்சு விட்ட கொல்கத்தா நைட் ரைடர்ஸ்.. சென்னைக்கு 5வது தோல்வி!

எடப்பாடி பழனிச்சாமி தலைமையில் 2026 தேர்தலில் கூட்டாட்சி அமைப்போம்.. கூட்டணியை அறிவித்தார் அமித்ஷா

14க்கு 14 அடி செல்லில்.. அடைத்து வைக்கப்பட்டிருக்கும் தஹவூர் ராணா.. பலத்த பாதுகாப்பு!

தமிழகத்தில் மீன்பிடி தடைக்காலம்: ஏப்., 15ம் தேதி முதல் ஜூன் 14ம் தேதி வரை

தமிழ்நாடு பாஜக தலைவராகிறார் நயினார் நாகேந்திரன்.. போட்டியின்றி தேர்வாகிறார்!

400 ஏக்கர் வனப்பகுதியை அழிக்கும் முடிவை தெலுங்கானா மாநில அரசு கைவிட வேண்டும்: சீமான் வலியுறுத்தல்!

தமிழகத்தில்‌.. இன்று முதல் 17ஆம் தேதி வரை.. ஒரு சில இடங்களில் மிதமான மழைக்கு வாய்ப்பிருக்கு!

விக்கிரவாண்டியை தொடர்ந்து கோவை.. த.வெ.க பூத் ஏஜென்ட் மாநாடு நடத்த முடிவு!

குமரி அனந்தன் மறைவு.. தமிழிசைக்கு நேரில் சென்று ஆறுதல் கூறிய மத்திய அமைச்சர் அமித்ஷா!