குப்பைத்தொட்டியில் விசப்பட்ட பெண் குழந்தை.. என்ன கொடுமை.. தயவு செஞ்சு இப்படி பண்ணாதீங்க!

Feb 17, 2024,05:20 PM IST

சென்னை: சென்னை பூந்தமல்லி அருகே குப்பைத் தொட்டியில் வீசப்பட்ட பச்சிளம் பெண் குழந்தையை அருகில் இருந்த தம்பதியினர் மீட்டு மருத்துவமனையில் சேர்த்தனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

பூந்தமல்லி ராமானுஜம் கூடல் தெருவில் 33 வயதுடைய யுவராணி என்பவர் வசித்து வருகிறார். அவர் வீட்டின் அருகே ஒரு குப்பைத் தொட்டியில் இருந்து பூனை கத்துவது போல சத்தம் கேட்டுள்ளது. யுவராணி ஜன்னல் வழியாக எட்டி பார்த்துள்ளார். அப்போது அந்தக் குப்பைத் தொட்டியில், பிறந்து ஒரு சில மணி நேரமேயான பச்சிளம் பெண் குழந்தை தொப்புள் கொடியுடன் கிடந்துள்ளது. எறும்புகள் மொய்த்த நிலையில் வலி தாங்காமல் குழந்தை கதறி அழுது சோர்ந்து போயிருந்தது.

இதை பார்த்த யுவராணி கணவரை அழைத்து அந்த குழந்தையை குப்பை தொட்டியில் இருந்து மீட்டு பூந்தமல்லி மருத்துவமனைக்கு எடுத்துச் சென்று முதல் உதவி அளித்துள்ளார். அதன் பின்னர் பூந்தமல்லி காவல் நிலையத்திற்கும் தகவல் தெரிவிக்கப்பட்டது. குழந்தை உயிருக்கு ஆபத்தான நிலையில் போராடிக் கொண்டு இருந்ததனால், பூந்தமல்லி மருத்துவமனையில் இருந்து எழும்பூர் குழந்தைகள் நல மருத்துமனைக்கு கொண்டு சென்று சிகிச்சை அளிக்கப்பட்டு வருகிறது.

பூந்தமல்லி போலீசார் குழந்தையை மீட்கப்பட்ட இடத்திற்குச் சென்று குழந்தை வீசியது யார்? எதற்காக இப்படி செய்தார்கள் என்று ஆய்வு செய்து வருகின்றனர். மேலும், அருகில் இருக்கும் கண்காணிப்பு கேமரா காட்சிகளும் மூலமாகவும் குற்றவாளிகளை தேடி வருகின்றனர்.

இது குறித்து யுவராணி பேசுகையில், குழந்தையை இப்படி குப்பை தொட்டியில் வீசி இருப்பது மிகுந்த மன வேதனை அளிக்கிறது. இந்த மாதிரி எல்லாம் யாரும் செய்யாதீர்கள். ஆசிரமத்தில் கூட போய் சேர்த்திடுங்கள். பூந்தமல்லியை அடுத்து, இப்ப எக்மோர் ஹாஸ்பிட்டல சேர்த்திருக்கோம். இப்ப பாப்பா நல்லா இருக்கு. இன்னும் 15 நாள் இன்குபேட்டரில் வைக்கனும்னு சொல்லியிருக்காங்க. 2 நாள் குப்பையில் இருந்து உயிருக்கு போராடிட்டு இருந்த குழந்தை உயிர் பிழைத்ததினால், பாப்பாவுக்கு அதிர்ஷ்டலட்சுமி என்று பெயர் சூட்டியுள்ளோம் என்றார் யுவராணி.

சமீபத்திய செய்திகள்

மகாராஷ்டிராவில் மீண்டும் பாஜக கூட்டணி ஆட்சி.. ஜார்க்கண்ட் ஆட்சியை தக்க வைத்தது ஜேஎம்எம் காங் கூட்டணி

வங்ககடலில் உருவானது.. புதிய காற்றழுத்த தாழ்வு பகுதி.. தமிழ்நாட்டில் மிக கன மழைக்கு வாய்ப்பிருக்கா?

வளர்ச்சிக்கும், நல்லாட்சிக்கும் கிடைத்த பெரும் வெற்றி .. மகாராஷ்டிரா மக்களுக்கு பிரதமர் மோடி நன்றி

Priyanka Gandhi.. வயநாடு இடைத் தேர்தலில் பிரியங்கா காந்தி அதிரடி.. அண்ணன் சாதனையை முறியடித்த தங்கை!

14 மாநிலங்கள்.. 48 சட்டசபைத் தொகுதிக்கு இடைத் தேர்தல்.. பாஜக 18, காங்கிரஸ் 8, திரினமூலுக்கு 6!

மகாராஷ்டிரா வெற்றி.. வரிந்து கட்டிக்கொண்டு பட்டாசு வெடித்த தமிழிசை.. அடுத்து சொன்ன அதிரடி வார்த்தை!

Wayanad by poll resutls.. அபார வெற்றியை நோக்கி பிரியங்கா காந்தி.. 3.20 லட்சம் வாக்குகள் வித்தியாசம்!

Maharashtra poll results: உத்தவ், சரத் பவாருக்கு கெட் அவுட் சொன்ன ஏக்நாத் ஷிண்டே, அஜீத் பவார்!

Wayanad: வயநாட்டில் கொடி நாட்டிய பிரியங்கா காந்தி.. 4வது தலைமுறையிலிருந்து மேலும் ஒரு எம்.பி

குப்பைத்தொட்டியில் விசப்பட்ட பெண் குழந்தை.. என்ன கொடுமை.. தயவு செஞ்சு இப்படி பண்ணாதீங்க!

Comments

சமீபத்திய செய்திகள்

அதிகம் பார்க்கும் செய்திகள்