கில்லி மீண்டும் வெளியீடு.. துள்ளிக் குதித்த ரசிகர்கள்.. வேற லெவலா இருக்கேண்ணே!

Apr 20, 2024,04:29 PM IST

சென்னை: இளையதளபதி விஜய் நடித்த கில்லி திரைப்படம் ரீ ரிலீஸ் செய்யப்பட்ட நிலையில் அனைத்து ஷோக்களும் ஹவுஸ் ஃபுல் ஆனது. இதனால் அடுத்த ஒரு வாரம் வரை கில்லி படத்தை திரையிடுவதாக திரைப்பட உரிமையாளர்கள் அறிவித்துள்ளனர்.


விஜய் படம் என்றாலே ரசிகர்களுக்கு சொல்லவா வேண்டும். அது பழைய படமாக இருந்தாலும் சரி.. புதுப் படமாக இருந்தாலும் சரி.. விஜய் ரசிகர்கள் அதனைக் கொண்டாடி மகிழ்வர். தற்போது முண்ணனி நட்சத்திரங்களின் சூப்பர் ஹிட் திரைப்படங்களை ரீ ரிலீஸ் செய்வது பேஷன் ஆகி வருகிறது. அந்த வரிசையில் தளபதி விஜய் நடித்த பிளாக்பஸ்டர் திரைப்படமான கில்லி திரைப்படம் 20 வருடங்களுக்குப் பிறகு இன்று மீண்டும் ரீ ரிலீஸ் செய்யப்பட்டுள்ளது.


இப்போதைய விஜய் ரசிகர்கள் பலருக்கும் இந்தப் படம் வந்தபோது பிறந்திருக்கவே மாட்டார்கள்.. எனவே அவர்களுக்கெல்லாம் இப்படம் செம ட்ரீட்டாக இருக்கிறது. இதனால் இளம் தலைமுறை விஜய் ரசிகர்கள் படத்தைக் கொண்டாடி மகிழ்கிறார்கள். சுமார் 600 தியேட்டர்களுக்கு மேல் கில்லி திரைப்படம் ரீ ரிலீஸாகி உள்ளது. 




இப்படத்தை திரையில் காணும் ரசிகர்கள் விசில் அடித்து உற்சாகமாக நடனமாடி கொண்டாடி வருகின்றனர். இப்படம் தமிழ்நாட்டில் மட்டுமல்லாமல் சிங்கப்பூர் அமெரிக்காவிலும் நேற்றே ரிலீஸ் செய்யப்பட்டு முன்பதிவு டிக்கெட் முழுவதும் தீர்ந்துவிட்டதாம். கில்லி ரீரிலாஸ் செய்யப்பட்டுள்ள தியேட்டர்களில் அனைத்து ஷோக்களும் ஹவுஸ்புல் ஆகி விட்டதாம். அதனால் இப்படத்தை மேலும் ஒரு வாரம் வரை திரையிடுவதாக திரைப்பட உரிமையாளர்கள் தெரிவித்துள்ளனர்.


கில்லி திரைப்படம்:


இயக்குனர் தரணி இயக்கத்தில் கடந்த 2004 ஆம் ஆண்டு வெளியான மாஸ் திரைப்படமான கில்லி படம் மக்களிடையே மிகப்பெரிய வரவேற்பை பெற்று ப்ளாக்பஸ்டர் ஹிட் கொடுத்தது. இதில் விஜய், திரிஷா, பிரகாஷ் ராஜ், ஆஷிஷ் வித்யார்த்தி, தாமு உள்ளிட்ட பலர் நடித்துள்ளனர். அப்போது இப்படம் வெளியாகி வசூல் ரீதியாகவும், விமர்சன ரீதியாகவும், நல்ல வரவேற்பை பெற்றது.  


காமெடியிலும், ஆக்ஷனிலும் வித்தியாசமான திரைக்கதையை கொண்டுள்ள  இப்படம் குழந்தைகள் முதல் பெரியவர்கள் வரை அனைவரையும் கவர்ந்தது. இதில் நடிகர் பிரகாஷ்ராஜ், விஜயின் நடிப்பு இன்று வரை ரசிகர்களிடம் பிரபலமாக பேசப்பட்டு வருகிறது. இது தவிர நடிகர் பிரகாஷ்ராஜ் பேசும் ஹாய் செல்லம் என்ற டயலாக் இன்று வரை மிகப் பிரபலமாக உள்ளது நினைவிருக்கலாம்.


குறிப்பாக இப்படத்தில் வரும் காமெடி டயலாக்கான இன்னைக்கு தைப்பூசம் இல்ல.. அதுக்காக முருகனை மறக்க முடியுமா.. என்ற வசனத்தை இளம் தலைமுறையினர்கள் தங்கள் இல்லங்கள் தோறும் தற்போது வரை கலாய்த்து வருகின்றனர்.

சமீபத்திய செய்திகள்

news

Chennai Super Kings no more a champion team?.. தொடர் சொதப்பல் + தோல்விகளால்.. ரசிகர்கள் அதிர்ச்சி!

news

மீண்டும் ஒரு மோசமான தோல்வியை சந்தித்த சென்னை சூப்பர் கிங்ஸ்.. ரசிகர்கள் கடும் அதிருப்தி!

news

தமிழ்நாட்டு மக்களின் கோரிக்கைகளை இலங்கை உறுதி செய்ய வேண்டும்: பிரதமர் மோடி இலங்கையில் பேச்சு!

news

நீட் தேர்வு.. மாணவ மாணவியரின் தற்கொலைகளுக்கு.. தமிழக அரசு என்ன செய்யப் போகிறது: டாக்டர் ராமதாஸ்

news

தமிழ்நாட்டில்.. நேற்று போலவே இன்றும் மழை தொடரும்.. வெதர்மேன் தகவல்!

news

தமிழக பாஜக தலைவர் நியமனம் எப்போது?.. 11 ஆம் தேதி அன்று தெரியும்!

news

எம்புரான் பட இயக்குனர்.. நடிகர் பிரித்விராஜுக்கு வருமான வரித்துறை அதிரடி நோட்டீஸ்

news

தர்பூசணி விவசாயிகளுக்கு அரசு உரிய இழப்பீடு வழங்க வேண்டும் - நாதக ஒருங்கிணைப்பாளர் சீமான்!

news

அதிரடியாக மாற்றம் செய்யப்பட்டார்.. சென்னை மாவட்ட உணவு பாதுகாப்புத் துறை அதிகாரி சதீஷ்குமார்!

அதிகம் பார்க்கும் செய்திகள்