Manmohan singh.. முன்னாள் பிரதமர் மன்மோகன் சிங் காலமானார்.. இந்தியாவின் சிறந்த பொருளாதார மேதை!

Dec 26, 2024,10:42 PM IST

டில்லி : முன்னாள் பிரதமர் மன்மோகன் சிங் வயது முதிர்வின் காரணமாகவும், உடல்நலக்குறைவு காரணமாகவும் இன்று காலமானார். அவருக்கு வயது 92. இவரது மறைவை அடுத்து காங்கிரசின் முக்கிய தலைவர்கள் பலரும் டில்லி விரைந்து வருகின்றனர்.


முன்னாள் பிரதமர் மன்மோகன் சிங்கிற்கு இன்று மாலை திடீரென உடல் நலக்குறைவு ஏற்பட்டதை அடுத்து அவர் டில்லி எய்ம்ஸ் மருத்துவமனையில் அனுமதிக்கப்பட்டார். அவர் திடீரென மருத்துவமனையில் அனுமதிக்கப்பட்டதற்கு என்ன காரணம் என தெரியவில்லை. ஆனால் அவருக்கு ஐசியு.,வில் வைத்து சிகிச்சை அளிக்கப்பட்டு வந்ததாக சொல்லப்படுகிறது. டாக்டர்கள் குழு அவருக்கு பல விதமான மருத்துவ பரிசோதனைகள் எடுத்து, சிகிச்சை மேற்கொண்டு வந்ததாக சொல்லப்பட்டது.


மன்மோகன் சிங் மருத்துவமனையில் அனுமதிக்கப்பட்ட தகவல் அறிந்து காங்கிரஸ் தலைவர்கள் ராகுல் காந்தி, பிரியங்கா காந்தி உள்ளிட்டோர் எய்ம்ஸ் மருத்துவமனைக்கு விரைந்தனர். பாஜக தேசிய தலைவர் நட்டாவும் எய்ம்ஸ் மருத்துவமனைக்கு விரைந்தார். தலைவர்கள் வருகையை அடுத்து எய்ம் வளாகத்தில் பாதுகாப்பு பலப்படுத்தப்பட்டுள்ளது. ஐசியு.,வில் அனுமதிக்கப்பட்டுள்ள மன்மோகன் சிங்கின் உடல்நிலை கவலைக்கிடமாக இருப்பதாக சொல்லப்பட்டது.




அவரது உடல்நிலை குறித்து மருத்துவமனை அறிக்கை வெளியிடும் என எதிர்பார்க்கப்பட்ட நிலையில் மன்மோகன் சிங் உயிரிழந்ததாக எய்ம்ஸ் மருத்துவமனை நிர்வாகம் அதிகாரப்பூர்வமாக அறிவித்துள்ளது. இதனையடுத்து அவரது மறைவிற்கு தலைவர்கள் பலரும் இரங்கல் தெரிவித்து வருகின்றனர். காங்கிரஸ் முக்கிய தலைவர்கள், நிர்வாகிகள் மன்மோகன் சிங்கின் உடலுக்கு அஞ்சலி செலுத்த டில்லி விரைந்து வருகின்றனர்.


இந்தியாவின் 14வது பிரதமராக பதவியேற்ற மன்மோகன் சிங் 2004 முதல் 2014 ம் ஆண்டு வரை தொடர்ந்து 10 ஆண்டுகளாக பிரதமர் பதவியை வகித்தார். அவரது ஆட்சி காலத்தில் இந்தியாவின் பொருளாதார நிலை மிகவும் வளர்ச்சி அடைந்தது குறிப்பிடத்தக்கது. தகவல் அறியும் உரிமை சட்டம், மகாத்மா காந்தி ஊரக வளர்ச்சி உறுதி திட்டம் உள்ளிட்ட பல முக்கிய திட்டங்கள் இவரது ஆட்சியில் கொண்டு வரப்பட்டதாகும். 


1991ம் ஆண்டு முன்னாள் பிரதமர் நரசிம்ம ராவின் ஆட்சி காலத்தில் மத்திய நிதியமைச்சராகவும் மன்மோகன் சிங் பதவி வகித்தது குறிப்பிடத்தக்கது. தலைமை பொருளாதார ஆலோசகர், ஆர்பிஐ கவர்னர், திட்ட கமிஷன் துணை தலைவர் உள்ளிட்ட பல பதவிகளையும் வகித்து, பொருளாதார மேதை என அனைவராலும் புகழப்பட்டவர் மன்மோகன் சிங்.



செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

news

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

அதிகம் பார்க்கும் செய்திகள்