சென்னை: மிக பிரம்மாண்ட பொருட்செலவில் உருவாகும் ஆக்ஷன் திரில்லர் திரைப்படமான ரெட் பிளவர் படத்தின் ஃபர்ஸ்ட் லுக் போஸ்டரை நடிகர் விஜய் சேதுபதி வெளியிட்டுள்ளார்.
கே.காளிகாம்பாள் பிச்சர்ஸ் சார்பில் கே. மாணிக்கம் தயாரிக்கும் ரெட் ஃப்ளவர் படத்தை ஆன்ட்ரூ பாண்டியன் எழுதி இயக்குகிறார். இப்படத்திற்கு கே.தேவசூர்யா ஒளிப்பதிவு செய்ய , சந்தோஷ் ராம் இசை அமைத்துள்ளார்.
மிக பிரம்மாண்ட பொருட் செலவில்,ஆக்சன் திரில்லர் கலந்த இப்படத்தில் நாயகனாக நடிகர் விக்னேஷ் நடிக்கிறார். மனிஷா ஜாஷ்னானி நாயகியாக நடிக்கிறார். இவர்களுடன் நாசர், ஒய் ஜி மகேந்திரன், சுரேஷ் மேனன், ஜான் விஜய், அஜய் ரத்தினம், லீலா சாம்சங், டி எம் கார்த்திக், கோபி கண்ணதாசன், தலைவாசல் விஜய் ,மோகன்ராம், ஜே. பி மற்றும் பலர் முன்னணி கதாபாத்திரத்தில் நடித்துள்ளனர்.
இந்த நிலையில் ரெட் பிளவர் படத்தின் பர்ஸ்ட் லுக் போஸ்டரை மக்கள் செல்வன் விஜய் சேதுபதி வெளியிட்டுள்ளார். நடிகர் விக்னேஷ் நடித்த ரொமான்டிக் பர்ஸ்ட் லுக் போஸ்டர் தற்போது சோசியல் மீடியாவில் வைரலாகி பெரும் பரபரப்பை ஏற்படுத்தி உள்ளது. இவரை மீண்டும் திரையில் பார்க்க வேண்டும் என்ற ஆர்வத்தை இந்த போஸ்டர் ஏற்படுத்தியுள்ளதாம்.
மேலும் ஆன்ட்ரூ பாண்டியன் எழுதி இயக்கியுள்ள இப்படம் காதலுக்கு விருந்தாக இருக்கும் என்பதை உறுதி அளிக்கிறது. காதலால் அழியாத காதலை சமகால கூறுகளுடன் கலந்து கதைக்களத்துடன் வடிவமைத்துள்ளார் இயக்குனர். இப்படம் அனைத்து வயதினரையும் கவர்ந்திழுக்கும் என்று நம்புகிறோம் என படக்குழுவினர் தெரிவித்துள்ளனர்.
இப்படம் குறித்து இயக்குனர் ஆண்ட்ரூ பாண்டியன் கூறுகையில், ஸ்ரீ காளிகாம்பாள் பிக்சர்ஸ் கே மாணிக்கம் தயாரிக்கும் ரெட் பிளவர் மிக பிரம்மாண்ட பொருட்செலவில் எடுக்கப்பட்டுள்ள ஆக்சன் திரில்லர் திரைப்படம். இதுவரை இந்திய சினிமாவில் பேசப்படாத புதிய விஷயங்களைப் பற்றி இப்படம் பேசும் என கூறியுள்ளார்.
ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்
மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!
ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?
பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!
சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!
வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி
என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!
அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!
நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!
{{comments.comment}}