ஃபெஞ்சல் புயல் + கன மழை எதிரொலி.. சென்னையில் 9 சுரங்கப்பாதைகள் மூடல்.. தாம்பரத்திலும் பாதிப்பு!

Nov 30, 2024,03:19 PM IST

சென்னை: சென்னையில் கனமழை காரணமாக மழை நீர் சூழ்ந்துள்ள 9 சுரங்கப்பாதைகள் மூடப்பட்டுள்ளன. அதேபோல கிழக்குத் தாம்பரம், ஜிஎஸ்டி சாலை இணைப்பு சுரங்கப் பாதையும் நீரால் சூழப்பட்டுள்ளது.

தென்மேற்கு வங்கக் கடல் பகுதியில் நிலை கொண்ட ஆழ்ந்த காற்றழுத்தத் தாழ்வு மண்டலம், நேற்று ஃபெஞ்சல் புயலாக மாறியது. இதன் காரணமாக சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை உள்ளிட்ட மாவட்டங்களில் கன மழை முதல் மிக கனமழை பெய்யக்கூடும் என்று வானிலை மையம் தெரிவித்திருந்தது. சென்னையில் நேற்று தொடங்கிய மழை விடிய விடிய கொட்டி தீர்த்து வருகிறது. சென்னையில் கனமழை பெய்து வருவதால் யாரும் வீட்டை விட்டு தேவையில்லாமல் வெளியில் வரவேண்டாம் எனவும் எச்சரிக்கை விடுக்கப்பட்டுள்ளது.

கனமழை காரணமாக மக்களின் இயல்பு வாழ்க்கை முடங்கியுள்ளது. புயல் காரணமாக சாலைகளில் தண்ணீர் தேங்கியுள்ளது. போக்குவரத்து வாகனங்கள் சாலைகளில் செல்ல முடியாமல் ஸ்தம்பித்து உள்ளன. இந்நிலையில் சென்னையில் உள்ள 21 சுரங்கப் பாதைகளில் 12 சுரங்கப்பாதைகளில் மழைநீர் தேங்கவில்லை என்று மாநகராட்சி சார்பில் தெரிவிக்கப்பட்டுள்ளது. மீதமுள்ள சுரங்கப்பாதைகளில் தண்ணீர் தேங்கி இருப்பதால், 9 சுரங்கப்பாதைகள் மூடப்பட்டுள்ளன. அவை,

* எழும்பூர் கெங்கு ரெட்டி சுரங்கப்பாதை

* ரங்கராஜபுரம் சுரங்கப்பாதை

* ஆர்.பி.ஐ. சுரங்கப்பாதை

* பெரம்பூர் சுரங்கப்பாதை

* பழவந்தாங்கல் சுரங்கப்பாதை

* திருவொற்றியூர் அஜாக்ஸ் சுரங்கப்பாதை

* துரைசாமி சுரங்கப்பாதை

* மேட்லி சுரங்கப்பாதை

* சுந்தரம் பாயிண்ட் சுரங்கப்பாதை

ஆகிய 9 சுரங்கப்பாதைகள் மூடப்பட்டுள்ளன.

இதேபோல தாம்பரத்திலும் ரயில்வே சுரங்கப் பாதையில் நீர் நிரம்பிக் காணப்படுகிறது. கிழக்கு தாம்பரம் - ஜிஎஸ்டி சாலையை இணைக்கும் சுரங்கப் பாதை இது. இது நிரம்பியிருப்பதால் தண்ணீரை வெளியேற்றும் பணிகள் நடந்து வருகின்றன. சுரங்கப் பாதை மூடப்பட்டதால் மக்கள் ரயில்வே மேம்பாலத்தின் வழியாக பயணித்து வருகின்றனர்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

ஃபெஞ்சல் புயல் + கன மழை எதிரொலி.. சென்னையில் 9 சுரங்கப்பாதைகள் மூடல்.. தாம்பரத்திலும் பாதிப்பு!

Comments

சமீபத்திய செய்திகள்

அதிகம் பார்க்கும் செய்திகள்