வாய்ல அடிங்க வாய்ல அடிங்க.. அதுக்குப் பேரு "ரீட்வீட் இல்லை.. ரீ போஸ்ட்"டுங்க!
கலிபோர்னியா: டிவிட்டரில் அடுத்தடுத்து ஏகப்பட்ட மாற்றங்கள் வரப் போகுது போல. கம்பெனியின் லோகோவை மாற்றிய எலான் மஸ்க் அடுத்து டிவிட்டரின் முக்கிய அம்சங்கள் பலவற்றையும் மாற்றப் போகிறாராம்.
டிவிட்டர் நிறுவனத்தை வாங்கிய எலான் மஸ்க், முதல் கட்டமாக பல ஆயிரம் ஊழியர்களை வேலையை விட்டுத் தூக்கினார். அதைத் தொடர்ந்து சரமாரியாக பல்வேறு மாற்றங்களைப் புகுத்தி வருகிறார். அவரது ஒவ்வொரு மாற்றமும் சலசலப்பையே ஏற்படுத்தி வருகின்றன.
சில மாற்றங்கள் பரவாயில்லையே என்று சொல்ல வைத்தாலும், பெரும்பாலானவை குழப்பத்தையே ஏற்படுத்துகிறது. முன்பு டிவிட்டரின் லோகோவை நாய்க்குட்டியாக மாற்றியபோது கடும் அதிருப்தி அலை கிளம்பியது. பலரும் எலான் மஸ்க்கை திட்டித் தீர்த்தனர். இதையடுத்து மீண்டும் பறவை லோகோவுக்கே மாறினார் எலான் மஸ்க்.
இந்த நிலையில் தற்போது டிவிட்டரின் லோகோவை மீண்டும் மாற்றி எக்ஸ் என்று அறிமுகப்படுத்தியுள்ளார். ப்ளூ பேர்ட் லோகோவை விட இந்த கருப்பு நிற எக்ஸ் லோகோ சற்று வித்தியாசமானதாகவே இருக்கிறது. இருந்தாலும் இது பெரிய அளவில் அதிருப்தியை ஏற்படுத்தவில்லை. இந்த நிலையில் மேலும் சில மாற்றங்களை செய்யப் போகிறாராம் எலான் மஸ்க்.
அதன்படி டிவீட் என்பதை இனி போஸ்ட் என்றும், ரீட்வீட் என்பதை ரீபோஸ்ட் என்றும் மாற்ற எலான் மஸ்க் திட்டமிட்டுள்ளாராம். அதேபோல டிவிட்டர் என்ற பெயரையும் எக்ஸ் என்று மாற்றவும் எலான் மஸ்க் திட்டமிட்டுள்ளதாக செய்திகள் வெளியாகியுள்ளன. விரைவில் டிவிட்டர்.காம், எக்ஸ்.காம் ஆக பெயர் மாறக் கூடும் என்றும் தெரிகிறது.
ஆக மொத்தத்தில் "இந்த இடத்தில் டிவிட்டர்னு ஒன்னு இருந்துச்சே.. யாராச்சும் பார்த்தீங்களாப்பா" என்று கேட்கும் நிலையை விரைவில் "டிவிட்டர்" சந்திக்கும் என்பதில் சந்தேகமே இல்லை!
சமீபத்திய செய்திகள்
வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்
கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!
வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!
சட்ட மசோதாவுக்கு எதிர்ப்பு தெரிவித்து.. கருப்பு பட்டை அணிந்து சட்டசபைக்கு வந்த.. எம்எல்ஏக்கள்..!
Today gold rate:புதிய உச்சத்தில் தங்கம் விலை... சவரனுக்கு எவ்வளவு உயர்வு தெரியுமா?
எதிர்க்கட்சிகளின் எதிர்ப்புக்கு மத்தியில்..மக்களவையில் நிறைவேறியது.. வக்பு வாரிய சட்ட திருத்த மசோதா
தமிழ்நாடு மின்சார வாரியம் சார்பாக.. ஏப்ரல் 5ல் மின் நுகர்வோருக்கான.. சிறப்பு முகாம் ஏற்பாடு..!
மேகம் கருக்குது மழை வர பாக்குது.. தமிழ்நாட்டில் இன்று முதல் 5 வரை கனமழைக்கு வாய்ப்பு..!
12 ராசிகளுக்குமான இன்றைய ராசிபலன் ஏப்ரல் 03, 2025...யாருக்கு என்ன பலன் காத்திருக்கு?
{{comments.comment}}