திமுக வேட்பாளர் பட்டியலில்.. "ஷாக்கிங் மிஸ்ஸிங்".. தர்மபுரி டாக்டர் செந்தில்குமார்!

Mar 20, 2024,06:31 PM IST

சென்னை: பெரிதும் எதிர்பார்க்கப்பட்ட திமுக வேட்பாளர் பட்டியல் வெளியாகி விட்டது. இதில் தற்போதைய எம்.பிக்களில் 10 பேருக்கு மட்டுமே மீண்டும் வாய்ப்பு கிடைத்துள்ளது. 11 பேருக்கு சீட் மறுக்கப்பட்டுள்ளது.

திமுக வேட்பாளர் பட்டியல் இன்று வெளியானது. இதில் முக்கியமான 10 வேட்பாளர்கள் ஏற்கனவே எம்.பிக்களாக இருப்பவர்கள்தான். 11 பேர் புதுமுகங்கள் ஆவர். அதிக அளவிலான புதுமுகங்களுக்கு சீட் கொடுத்து எதிர்க் கட்சிகளை அதிர வைத்துள்ளது திமுக. இது தற்போதைய எம்.பிக்களுக்கு எதிரான தொகுதி மனப்பான்மையை கருத்தில் கொண்டு எடுக்கப்பட்ட நடவடிக்கையாக கருதப்படுகிறது.

சென்னையைப் பொறுத்தவரை 3 தொகுதிகளிலும் பழையவர்களே போட்டியிடுகிறார்கள். அதில் மாற்றம் இல்லை. தருமபுரி தொகுதி எம்.பியாக இருந்து வந்த டாக்டர் செந்தில்குமாருக்கு சீட் மறுக்கப்பட்டுள்ளது. புதியவராக மணி நிறுத்தப்பட்டுள்ளார். செந்தில் குமார் ஆரம்பத்தில் மிகவும் ஆக்டிவாக இருந்து வந்தார். அப்போது சில சர்ச்சைகளும் ஏற்பட்டன. இதனால் தொகுதியிலும் அதிருப்தி நிலவியதாக பீட்பேக் கிடைத்ததால் அவருக்கு சீட் தரப்படவில்லை.

பெரம்பலூரில் இந்த முறை திமுக நேரடியாக போட்டியிடுவதால் கே.என். நேருவின் மகன் அருண் நிறுத்தப்பட்டுள்ளார். அதேபோல கள்ளக்குறிச்சி, தேனி, சேலம், ஈரோடு ஆகிய தொகுதிகளிலும் புதுமுகங்கள் நிறுத்தப்பட்டுள்ளனர். அனைவரும் எதிர்பார்த்தார் போல தேனியில் தங்க தமிழ்ச்செல்வனுக்கு சீட் கொடுத்துள்ளது திமுக.

பொள்ளாச்சி, தஞ்சாவூர், தென்காசி தொகுதிகளுக்கும் புதுமுகங்கள் நிறுத்தப்பட்டுள்ளனர். இதேபோல ஆரணி, கோவையிலும் புதுமுகங்களே களம் காண்கின்றனர். அதிக அளவிலான புதுமுகங்கள் நிறுத்தப்பட்டிருப்பது திமுகவின் தைரியம் + நம்பிக்கையாக பார்க்கப்படுகிறது.

திமுகவில் சீட் மறுக்கப்பட்டவர்கள்: தர்மபுரி - டாக்டர் செந்தில் குமார், சேலம் - எஸ்.ஆர். பார்த்திபன், தஞ்சாவூர் - எஸ்.எஸ். பழனிமாணிக்கம், தென்காசி (தனி) - தனுஷ் குமார், கள்ளக்குறிச்சி - கெளதம சிகாமணி,

கூட்டணிக் கட்சிகளுக்கு தொகுதி போனதால் வாய்ப்பிழந்தவர்கள்: திண்டுக்கல் - வேலுச்சாமி, கடலூர் - டி.ஆர்.விஸ். ரமேஷ், மயிலாடுதுறை - எஸ். ராமலிங்கம், திருநெல்வேலி - ஞானதிரவியம்

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

பாஜக தலைவர் மாற்றம் உறுதி... அண்ணாமலையே சூசகமாக தகவல்!

நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!

திமுக வேட்பாளர் பட்டியலில்.. "ஷாக்கிங் மிஸ்ஸிங்".. தர்மபுரி டாக்டர் செந்தில்குமார்!

Comments

சமீபத்திய செய்திகள்

அதிகம் பார்க்கும் செய்திகள்