ஈரோடு கிழக்கில் தேமுதிக தனித்துப் போட்டி.. வேட்பாளர் இவர்தான்!

Jan 23, 2023,03:10 PM IST

ஈரோடு: ஈரோடு கிழக்கு தொகுதியில் தேமுதிக தனித்துப் போட்டியிடுவதாக அறிவித்து வேட்பாளர் பெயரையும் வெளியிட்டுள்ளது.

ஈரோடு கிழக்கு சட்டசபைத் தொகுதிக்கு பிப்ரவரி 27ம் தேதி இடைத் தேர்தல் நடைபெறுகிறது. இதில் திமுக கூட்டணி சார்பில் காங்கிரஸ் கட்சியின் ஈவிகேஎஸ் இளங்கோவன் போட்டியிடுகிறார். மறுபுறம் அதிமுக கூட்டணி சார்பில் அதிமுக போட்டியிடும் வாய்ப்புகள் பிரகாசமாக உள்ளன.

நாம் தமிழர் கட்சி தனித்துப் போட்டியிடுகிறது. மக்கள் நீதி மய்யம் கட்சியின் நிலை தெரியவில்லை. இதற்கிடையே, விஜயகாந்த்தின் தேமுதிக தனித்துப் போட்டியிடுவதாக அறிவித்துள்ளது. இதை அறிவித்த அக்கட்சியின் தலைவர் பொருளாளர் மனைவி பிரேமலதா விஜயகாந்த், வேட்பாளராக ஆனந்த் போட்டியிடுவார் என்றும் தெரிவித்துள்ளார்.

இதுகுறித்து அவர் கூறுகையில், அதிமுக பல பிரிவுகளைக உடைந்து விட்டது. சின்னம் கிடைக்குமா என்று தெரியவில்லை. தேமுதிகவுக்கு வெற்றி வாய்ப்பு பிரகாசமாக உள்ளது. நாங்கள் எந்தக் கூட்டணியிலும் தற்போது இல்லை என்றார்.

ஈரோடு கிழக்கு மாவட்ட செயலாளராக தற்போது இருக்கிறார் ஆனந்த். எம்.எஸ்சி படித்தவர். 2011ல் நடந்த சட்டசபைத் தேர்தலில் ஈரோடு கிழக்குத் தொகுதியில் தேமுதிக வென்றது என்பது நினைவிருக்கலாம். அப்போது வி.சி.சந்திரகுமார் வெற்றி பெற்றார். அதிமுகவுடன் அத்தேர்தலில் தேமுதிக கூட்டணி வைத்திருந்தது. பின்னர் சந்திரகுமார் திமுகவில் போய் இணைந்து விட்டார்.

தற்போதைய நிலவரப்படி, காங்கிரஸ், அதிமுக, தேமுதிக, நாம் தமிழர் என நான்கு முனைப் போட்டிக்கு இங்கு வாய்ப்புகள் அதிகம் உள்ளன.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

ஈரோடு கிழக்கில் தேமுதிக தனித்துப் போட்டி.. வேட்பாளர் இவர்தான்!

Comments

சமீபத்திய செய்திகள்

அதிகம் பார்க்கும் செய்திகள்