தேமுதிக தலைவர் விஜயகாந்த் உடல்நிலை சீராக இல்லை.. மியாட் மருத்துவமனை அறிக்கை
சென்னை: தேமுதிக தலைவர் விஜயகாந்த்தின் உடல் நிலை சீராக இல்லை என்று சென்னை மியாட் மருத்துவமனை தெரிவித்துள்ளது.
தேமுதிக தலைவர் விஜயகாந்த் 2 வாரங்களுக்கு முன்பு இரவில் மருத்துவமனைக்கு அழைத்து வரப்பட்டார். வழக்கமான பரிசோதனைகளுக்காக அவர் அழைத்து வரப்பட்டுள்ளதாகவும், வதந்திகளை பரப்ப வேண்டாம் என்றும் தேமுதிக கட்சி தெரிவித்திருந்தது.
இந்த நிலையில் சில நாட்களுக்கு முன்பு அவருக்கு செயற்கை சுவாசம் அளிக்கப்படுவதாக ஒரு செய்தி வெளியானது. அதையும் தேமுதிக மறுத்தது. இந்த நிலையில் விஜயகாந்த்துக்கு சிகிச்சை நல்லபடியாக நடப்பதாகவும், அவர் சிறப்பாக ஒத்துழைப்பதாகவும் சென்னை மியாட் மருத்துவமனை அறிக்கை வெளியிட்டிருந்தது.
இந்தப் பின்னணியில் தற்போது புதிதாக ஒரு மருத்துவ நிலை அறிக்கை வெளியாகியுள்ளது. அதில், தேமுதிக தலைவர் விஜயகாந்த் அவர்களின் உடல்நலத்தில் நல்ல முன்னேற்றம் காணப்பட்டது. எனினும் கடந்த 24 மணி நேரத்தில் அவரது உடல்நிலை சீரான நிலையில் இல்லாததால் அவருக்கு நுரையீரல் சிகிச்சைக்கான உதவி தேவைப்படுகிறது. விரைவில் அவர் பூரண உடல் நலம் பெறுவார் என்று நம்புகிறோம். அவருக்கு இன்னும் 14 நாட்கள் மருத்துவமனையில் தொடர் சிகிச்சை தேவைப்படுகிறது என்று மியாட் மருத்துவமனை நிர்வாக இயக்குனர் டாக்டர் ப்ரீத்தி மோகன்தாஸ் தனது அறிக்கையில் தெரிவித்துள்ளார்.
இந்த அறிக்கையை வைத்துப் பார்க்கும்போது விஜயகாந்த்துக்கு மூச்சு விடுவதில் சிரமம் இருப்பதாக உணர முடிகிறது. விஜயகாந்த் குறித்த இந்த அறிக்கை அவரது தொண்டர்களிடையே கவலையை ஏற்படுத்தியுள்ளது. அவர் விரைவில் பூரண நலம் பெற வேண்டும் என்ற பிரார்த்தனையில் விஜயகாந்த் தொண்டர்கள் இறங்கியுள்ளனர்.
சீக்கிரமே உடல் நலம் சரியாகி.. ஜம்முன்னு வாங்க கேப்டன்!
சமீபத்திய செய்திகள்
தமிழ்நாட்டில்.. நேற்று போலவே இன்றும் மழை தொடரும்.. வெதர்மேன் தகவல்!
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
பாஜக தலைவர் மாற்றம் உறுதி... அண்ணாமலையே சூசகமாக தகவல்!
நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
.jpg)
உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!
{{comments.comment}}