"மம்மி.. கொஞ்சம் கேக்கை எடுத்து பிராவோ மூஞ்சில அப்புங்க".. தோனி பலே "வாழ்த்து"!

Apr 05, 2023,12:48 PM IST

மும்பை: மேற்கு இந்தியத் தீவுகள் அணியின் வீரரும், சென்னை சூப்பர் கிங்ஸ் அணியின் ராக் ஸ்டாருமான வேயன் பிராவோவின் தாயாரின் பிறந்த நாளையொட்டி கேப்டன் தோனி போட்டுள்ள வீடியோ பலரையும் கலகலக்க வைத்துள்ளது.

2023 ஐபிஎல் சீசனை வித்தியாசமாக ஆரம்பித்துள்ளது சென்னை சூப்பர் கிங்ஸ். முதல் போட்டியில் குஜராத் அணியுடன் தோல்வியைத் தழுவினாலும் கூட, 2வது போட்டியில் லக்னோ அணியை சூப்பராக தோற்றகடித்து ரசிகர்கள் நெஞ்சில் பார் வார்த்துள்ளது தோனி அணி.

இந்த நிலையில் பிராவோவின் தாயாருக்கு 65வது பிறந்த நாள் வந்ததையொட்டி கேப்டன் தோனி வித்தியாசமான ஒரு வாழ்த்தைத் தெரிவித்துள்ளார். இதுதொடர்பாக அவர் ஒரு வீடியோ போட்டுள்ளார். அதில்,

"ஹாய் மம்மி பிராவோ. உங்களுக்கு என்னுடைய 65வது பிறந்த நாள் வாழ்த்துகள். ஒரு கேக்கை எடுத்து என் சார்பில் பிராவோ மூஞ்சியில் அப்புங்கள்.. ஆல் தி வெரி பெஸ்ட்" என்று கூறி கலகலக்க வைத்துள்ளார் அந்த வீடியோவில்.

இந்த வீடியோவை பிராவோ தனது இன்ஸ்டாகிராம் பக்கத்தில் போட்டுள்ளார். அதில், தனது பிறந்த நாளன்று சென்னை சூப்பர் கிங்ஸ் அணி மோதிய போட்டியில் அது வெல்ல வேண்டும் என்று எனது தாயார் விரும்பினார். அதன்படியே அருமையான வெற்றியை எனது அணி எனது தாயாருக்குக் கொடுத்துள்ளது. எனது அணிக்கும், வீரர்களுக்கும் எனது வாழ்த்துகள். இப்போது எனது சாம்பியன் தாயாரின் 65வது பிறந்த நாளையொட்டி அவரை வாழ்த்துங்கள். மொத்த சென்னை ஐபிஎல் சார்பிலும், தோனி, சுரேஷ் ரெய்னா, அணி வீரர்கள் மற்றும் என் சார்பில் அவருக்கு எனது வாழ்த்துகள் என்று கூறியுள்ளார் பிராவோ.

சென்னை சூப்பர் கிங்ஸ் அணி சேப்பாக்கம் மைதானத்தில் நடந்த போட்டியில் லக்னோ சூப்பர் ஜெயன்ட்ஸ் அணியை 12 ரன்கள் வித்தியாசத்தில் போராடித் தோற்கடித்தது. சென்னை அணியின் பேட்டிங் அருமையாக இருந்தது. ருத்துராஜ் கெய்க்வாட் 57 ரன்களையும், டேவன் கான்வே 47 ரன்களையும் குவித்தனர். 20 ஓவர்களில் 7 வி்கெட் இவப்புக்கு சென்னை சூப்பர் கிங்ஸ் அணி 217 ரன்களைக் குவித்தது. பின்னர் ஆடிய லக்னோ சூப்பர் ஜெயன்ட்ஸ் அணி 7 விக்கெட் இழப்புக்கு 205 ரன்கள் எடுத்து தோல்வியுற்றது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!